حد يشجعنى أغير طقم البيض أم لا؟

**ibnelfared** · 15-07-2014 10:58 PM

طبعا وكلنا عارفين أن مالكى السيارات كرهوا العربيات من حاجتين مهمين جدا جدا للعربية :-

الصنايعية ألى كل واحد فيهم دكتور والباقى ......................قر .
قطع الغيار ألى لو أتحركت من محل للتانى يقسملك بالله بأن دى أحسن وهكذا .

وطبعا الصنايعية فيهم حتة الأهمال جدا يعنى زى تربيط العفشة وكدة يقعد يجمعلك صواميل على ورد وزبالة عندة جوة الورشة بحجة أن الجديد مضروب .

المهم يا جماعه أنا أشتلريت طقم بيض بلغارى وهاقوم بتغييرة هل من نصائح ليا أو حد جربها فبائت بالفشل أو بالمشاكل وكدة يفيدنا لأن الموضوع بصراحة تعامل الصنايعية دلوقتى بقى زى النيلة .

**أبو يحيى** · 16-07-2014 02:47 AM

السلام عليكم
أخى الفاضل
اللى أعرفه ان موضوع ضبط العفشة عموما مهم جدا وأهم ما فيه طبعا البيض وخصوصا للسيارة اللادا
فنصحيتى لحضرتك المتابعة الدورية للعفشة مهم جدا بس يكون عند صنايعى فاهم وأمين وأول ما يقول لك البيض عايز يتغير غيره فورا وربنا يعينك وانا عن نفسى مركب بيض تركى مش فاكر اسمه بس كل الناس بيشكروا فى التركى وقبل ما تركب الننوع البلغارى ده اسأل عن جودتة وان شاء الله يطلع كويس
والله الموفق

**محمود سيد محمو** · 16-07-2014 10:40 AM

انا برده ركبت بيض تركى وهو كويس بقاله سنة معايا وده طبعا بعد معاناة مع البيض الاستيراد وقرفه لكن الجديد جديد وسمعت ان البلغارى كويس بس اهم حاجة يكون عفشجى كويس وامين عشان تربيط العفشة صح

**mhgoub** · 17-07-2014 08:45 PM

فى بيض بتاع العربيات المرسيدس ممكن يركب عندك وبيبقى استيراد
واستخدامه جميل واحسن من التركى

**ibnelfared** · 18-07-2014 01:08 AM

المشاركة الأصلية كتبت بواسطة mhgoub

فى بيض بتاع العربيات المرسيدس ممكن يركب عندك وبيبقى استيراد
واستخدامه جميل واحسن من التركى

أسمة أيه ومنين

**ahmscu** · 18-07-2014 08:48 PM

انا ركبت بيض روسى معدل مابيملصش نوع ناتشالو بمشاحم للسفلى والعلوى بدون مشاحم وهو نوع مشهور لكل اللى بيتعامل مع الادا والحمد لله كويس جدا بس الدركسيون تقيل حبتين فى الاول بس بينعم مع الوقت والتشحيم وجبت معاهم مسامير بالورد والصواميل مقاس ١٣ عشان كله يبقى جديد وطبعا لازم تربط العفشه بالمره

**hassanin_lada** · 19-07-2014 08:07 PM

التركي الكل مجربه وممتاز

البلغاري كمان كويس بس انا ماستخدمتهوش فامقدرش احكم

لو انت جديد في كار العربيات يبقي حاول اسال مجرب

يعني شوف حد تعرفه مجرب صنيعي معين

والاهم من الصنيعني مركز ضبط الزوايا وهناك العبشه بتتربط كلها ولو في حاجه غلط بيقولك

**abokoko** · 20-07-2014 12:24 AM

انا مجرب البلغارى فى علبه صفراء بدون مشاحم
ممتاز
وان شاء الله هيقعد معاك مش اقل من سنتين بدون تشحيم
وهتلاقى الدركسيون اخف من البيض الروسي
طبعا بدرجة خفيفه لان دركسيون ال لادا اساسا تقيل جدا

ملاحظة
ال بيضات بيكون علوى و سفلي
وبيكون مكتوبين على العلبه ولو عملت بحث هتلاقى لى موضوع بالصور عن البيض البلغارى

وطبعا بعد ما تخلص روح اظبط زوايا
وممكن وهو بيظبط زوايا يتاكد من تربيط العفشه بالمره

مبروك مقدما