الموضوع: استشارة فى الغاء توكيل لمحامى ؟؟

اللي انا فهمته انك عملت ٣ توكيلات وانا مستغرب ايه السبب عاوز اعرف اسامي التوكيلات اللي عندك في ٣ انواع للمحامي

رسمي عام في القضايا ومتقلقش اوي منه بس لازم تلغيه صح لو مقلق من المحامي

توكيل عام وده كارثه يبيعك هدومك وبيتك وكل حاجه ممكن يطلق مراتك منك

توكيل خاص بيتحط فيه رقم قضية معينه يعني الوكالة في حدود القضية لا يتعداه

اللي مستغربه هو معاه توكيل رسمي عام قضايا طلب توكيلا تانية ليه ؟؟؟؟ هو يا اما بيشتغلكم او بيلعب عليكم

الاقوى في الموضوع ده انذار على يد محضر وتكتب في صيغة الانذار ان اي تصرف قانوني صادر منه من تاريخ الالغاء يعتبر غير نافذ قانونا في حقك وسيتعرض للمسؤلية القانونية

نستنى اسبوع ونروح المحكمة تسأل الموظف بالتاريخ هل مضى المحامي ام لا بيفتح الدفتر بتلاقي توقيعه انت كده في السليم لقيت السكرتير اللي ماضي بترجع للمحضر اللي بعت تعرف هو مين وتفمه غلطه وانك ممكن تشتكيه لأن الانذار موجه للمحامي باسمه مش للسكرتير لان السكرتير ملوش صفه ممكن كمان يشتغل في مكتب تاني ناس كتير بتطنش النقطه دي
طبعا الانذار اقوى من علم الوصول حتى لانه محطوط في دفاتر المحكمة عند قلم المحضرين تقريبا

بعد ما تتم الالغاء خد صورتين احتياطي من صيغ الالغاء واحتفظ بهم

يارب اكون افدتك

اضافه لما سبق بعض الناس بتكتفي بامضاء سكرتير المحامي وتفتكر الامر انتهى انا من وجهة نظري المحامي اللي يوقع خصوصا في الانذار على يد محضر الانذار اقوى بكتير

المشاركة الأصلية كتبت بواسطة zorg

هو ياشباب عادى ان اى محامى بعد مايخلصلى قضية معينة الغى له التوكيل حتى لو بعد كده عوزت استخدمه تانى
ولا انتو بتتكلموا فى حالة حدوث خلاف؟

لو محامي العائلة وانت واثق فيه اترك له التوكيل ربما تحدث قضايا اخرى وقتها هتضطر تعمل توكيل تاني

نقطه تانية المحامين بيخافوا على سمعتهم يعني يخاف برده يضرك لكن في بعضهم ممكن يستعمل التوكيل ضدك مش فارقه معاه يعني ده لو كان محامي معروف عنه قلة الضمير بس برده هيخاف منك لانك وقتها ممكن تنتقم منه

الخلاصة لو قلقان منه الغي التوكيل اندار على يد محضر ومفيش مانع حواب مسجل بعلم الوصول

المشاركة الأصلية كتبت بواسطة mohamed.raafat

يا جماعة انا شغال دعم فني في الشهر العقاري

اهم حاجة في موضوع توكيلات المحامين انك بعد ما تعمل التوكيل للمحامي يكون معاك صورة منه
عشان بعد كده تعرف تلغيه
التوكيل العام للمحامي لا يجوز البيع بيه يعني المحامي ما ينفعش يبيع حاجة ملكك او يشتريلك حاجة
بس ممكن يعمل كده
1- ممكن عقد ايجار مضروب و يوقعك في مشاكل
2- ممكن يدخل اسمك في تاسيس شركة برضه مضروبة
3- ممكن تكون انت رافع قضية على حد و هو بالتوكيل ده يبيعك للطرف التاني و يتصالح بموجب التوكيل (و دي اعتقد اهم نقطة) و يكون حقك راح هدر
4- اي حاجة تاني بتبقى على حسب ما انت كاتب في التوكيل عشان كده لازم قبل ما تمضي على اي ورقة تقراها كويس جداااا

هو حضرتك كلامك صح وكله باين في التوكيل والمفروض قبل ما يمضي يقرأ البنود كويس ولو مش فاهم يسأل حد ثقة ومش هيفيده غير حد في الشهر العقاري لأن المحامين وان كان بيكرهوا بعض في الباطن لكنهم امام الناس زملاء متضامنين يذكرون بعض بكل خير فمش هيعطيه اجابه صح على ما اظن


بس حضرتك انا لو حصل معايا موقف زي ده والمحامي استغل التوكيل ضدي وضرني ضرر بالغ اكيد يعني مش هعديها له بالساهل فالحركات دي ممكن يعملها مع حد غلبان حد طيب زيادة عن اللزووم ودي حصلت فعلا شخص طيب جدا لاقصى والمحامي كان خبيث فطلب منه توكيل (عام) وابتذه بالتوكيل اولا اكتر من ٨ قضايا خسائر مالية ٦٠٠ الف وحالته اتدهورت ودخله السجن سنتين بس في محامي عارف ربنا وقف جنبه وبيحاول يصلح ما تم افساده الاخر بقدر الامكان

فالحذر الحذر من التوكيل العام ويستحسن تكون عارف المحامي كويس جدا يكون ثقة مشهود له بالامانه

المشاركة الأصلية كتبت بواسطة الفجر

اوف انا عندى توكيل لمحامى ومتخانق معاة جامد بس للاسف معنيش صورة من التوكيل

ممكن اعرف ازاى الغى التوكيل ؟؟؟؟؟؟؟؟؟؟ وانا معنيش صورة من اصل التوكيل اصلا ؟؟

هتتعب شوية حاول تفتكر انت عملته امتى وتروح لموظف السهر العقاري يبحث في الدفتر هيطلع لك رقمه وممكن على السريع تراضي اي عامل هناك ب ٢٠ جنية مثلا وتطلب منه يساعدك في الموضوع ده الموظف عارفه طبعا فبيسهل لك الامور بسرعة وهترفع رقم التوكيل وتاريخه