سعر ال x1 2012 ضروري

**moh'd soliman** · 16-07-2014 01:20 AM

معروض عليه x1 2012 عامله 45 الف كيلو فيها فتحة سقف بانوراما
طالب فيها 270 الف
السيارة حالتها جيدة جدا
هل السعر مناسب وﻻ غالى شويه مع العلم ان صاحبها ماسك اوى فى السعر
وايه المطلوب منى عشان اتاكد ان العربيه حالتها كويسه
مع العلم ان انا كنت مغرم اوى ونويت اشترى ال fall loaded ix35 2015
بس لقيت دى معروضة عليه
انا محتار جدا يا جماعة...يا ريت اصحاب الخبرة يساعدونى ضرورى
طبعا سعر اﻻتنين قريب من بعض بس اكبد فيه فرق

**MANassar** · 16-07-2014 05:28 AM

بص أنا رأيي انها كتير شوية. أنا جايب x1 2012، 58,000 km, panorama, ب 240,000.

بس هي كان في شرخ في فانوسها.

**moh'd soliman** · 16-07-2014 09:07 AM

العربيه فيها حكة خفيفه اوى فى اسفل الباب اليمين مع كم خربوشه حوالين العربيه
طبعا فرش جملى من جوه متبهدل شويه لان صاحبها عندة اطفال
انا محتار جدا
بصراحة انا عاوز اشترى ال ix35 2015 الجديدة
وفى نفس الوقت صعبان عليه ال bmw x1 وخايف اكون ضيعت الفرصة

**samoreception** · 16-07-2014 10:19 AM

بصراحة انا لو مكانك بدون تردد اصلا اخد x1 حضرتك بتتكلم فى فرق كبير بين ماركتين مينفعش يتقارنوا ببعض ولو على الفرش انه متبهدل شوية حضرتك روح كار كير محترم واعملها تنظيف كيماوى وشمعها من بره واعملها واكس علشان تحس انها جديدة وحاول تنزل فى سعرها شوية

**شاهين - بنز** · 16-07-2014 03:55 PM

أوعى تجيب ال ix 35 أرجوك أنا سقت العربية دي ،والهايلاين منها كمان أقسم بالله عربية قذرة جدا متسواش حتى ١٥٠ ألف،، كوري زي مالكتاب بيقول،، أصوات عفشة على سحب ضياع على بلاستيك رديئ ،، تحس إنك راكب بيكانتو بس عالية

**MANassar** · 16-07-2014 09:29 PM

طبعا ما ينفعش تقارن الBMW بالHyundai. مع أنا كان معايا زمان ٢ Hyundai بس ال BMW في مستوى تاني خالص.

**Ahmad Shawky** · 17-07-2014 06:08 AM

المشاركة الأصلية كتبت بواسطة manassar

طبعا ما ينفعش تقارن الbmw بالhyundai. مع أنا كان معايا زمان ٢ hyundai بس ال bmw في مستوى تاني خالص.

طيب هيه عامله معاك ايه دلؤاتى لانى بفكر اجيبها جديده ال x1
انا مقلق منها علشان هيه 2000 سى سى وكمان تقفيل مصرى وفتيس قديم مش الجديد

يريت تقولى اخبارها ايه معاك

**MANassar** · 17-07-2014 06:07 PM

المشاركة الأصلية كتبت بواسطة Ahmad Shawky

طيب هيه عامله معاك ايه دلؤاتى لانى بفكر اجيبها جديده ال x1
انا مقلق منها علشان هيه 2000 سى سى وكمان تقفيل مصرى وفتيس قديم مش الجديد

يريت تقولى اخبارها ايه معاك

بص. أنا في الاول ما كانش عاجبني شكلها. بس احترمتها جداً بعد ما سقتها. خليني أقول لك ملاحظاتي، مع العلم ان اللي معانا 2012

الموتور: مش سريعة بس مش بطيئة. هي آه 2000 cc بس تقيله شوية. بس من ناحية تانيه أنا غالبا مش حاكم على سرعتها صح عشان بقارنها بعربيتي و بال330.

العفشة: بالنسبة لي ممتازة. مع العلم أني متعود على العفشة الناشفة و العربيات الواطية. بس هي عفشتها مناسبة ليها جدا. و تقدر تتحكم في العربية بكل سهولة. و غير كده الsteering بتاعها حلو بردو. لا ناشف آوي ولا خفيف آوي. Precise.

الفتيس: عادي، مش سئ و لا ممتاز. هو نفس اللي عندي في ال330. مش انعم حاجة في الدنيا بس أحسن من عربيات كتير جدا. و حلو فيه الdownshift بيعمل rev matching. عيبه انه مش بيمسك النقله على المانيوال و مش ناعم اوي. و على ال 70,000 km لازم تغير الزيت بتاعه و ده مكلف (حوالي 3500 جنية على حسب ما سمعت)

التقفيل: مش وحش والله. هي آه مصري بس متقفله كويس. و بتعزل الصوت كويس

**2CODE** · 17-07-2014 10:55 PM

شوف انا معايا الفيس ليفت (انت بتتكلم عن الشكل القديم) وعادي مش Sport والفئة Sport اعلى طبعاً وافخم من جوه ومن برا كفاية الخشب الاسود اللامع (خشب البيانو) وده اغلى وافخم وارقى انواع الخشب موجود في X1 Sport 2014 عندي

طيب ندخل في التفاصيل شويه - لو تقدر تجيب X1 زيرو اوعي تتردد لحظة !!!!!!! شوف بقولك ايه اوعى تتردد لحظة وتجيبها Sport 2014 هتحس بفرق جامد اوي بينها وبين العادية

اولاً العربية بعفشة سبورت اوطى من العربية العادية وهتلاقي على الباب مكتوب بالالمونيوم BMW Sport بشكل جمالي ملفت للنظر ورائع جداً

غير طبعاً ان الـiDrive أحدث ونازل عليه الخرايط كامله ومعاه اشتراك قمر صناعي مدى الحياة بأذن الله (بحسب كلامهم) والقمر بيلقط في اي مكان في جمهورية مصر (الكلام ده من 5 شهور بس) قبل كده مكنتش فيه ولا عربية نازلة بالـiDrive فيها خرايط او لو كان فيها كانت الاشارة بتبقى معدومة وبيشتغل offline

عموماً لو حالتها كويسه اوعى تفوت الـX1 من ايدك عربية عفشة ممتازة وناعمة ومعلش الفئة اللي بتتكلم عليها هتكون ابطئ شويه قليلة من فئة الـSport وده طبيعي وفرق الفئات حوالي 10 الاف جنية جديدة

ومبرووووووووووووك عليك مقدماً

ايوه صحيح انت بتقارن ايه بأيه يا فندم هههههههههههههه BMW دي علامة صناعة السيارات في العالم كفاية انك هتركب عربية من شركة أكتسحت افضل مواتير 2014 !!!!!!!!!!
http://www.nilemotors.net/Nile/430881-2014-bmw.html