طب ايه رأيك فى اللى بيكشف عن كنوز تحت الأرض ؟!! ويقولك تحت بيتك فيه مقبرة ومليانة كنوز ودهب :D:D:ph34r:
عرض للطباعة
طب ايه رأيك فى اللى بيكشف عن كنوز تحت الأرض ؟!! ويقولك تحت بيتك فيه مقبرة ومليانة كنوز ودهب :D:D:ph34r:
دول كتير بس انتى بس مش واخدة بالك وكله بالقرآن !! كان ليا قصة طويلة معاهم لو فيه وقت هكتبهالكم.
طيب انا احكيلكو حكاية حصلت قداااااام عينيه
بنت خالتى كانت خلاص جالها عقدة نفسية و هتموت و تجوز . الكلام دة من سنة تقريبا كنت قاعدة عندهم و بتيجي الست اللى بتنضفلهم قالتلها انا هقولك هتجوزى امتى و نصيبك هيجي امتى
المهم عملتلها فنجان قهوة و قالتلها اقري فيه الفاتحة 3 مرات و المعوذتين و ادعي باللى فى ضميرك . انا بصراحة كنت عمالة اضحك على الجهل دة و بقول دة اسمه هبل المهم بعد ما خلصت القهوة قامت قعدت تبص فيها و قالتلها انتى نصيبك جاى خلاص او قبل السنة ما تخلص هتكونى اتخطبتي فقالتلها ازاى بس دة احنا فى شهر 11 !! قامت الست قايلالها ان شاء الله يبقي فاضل يومين فى السنة دى هتتخطبي يعني هتتخطبي لواحد حواجبه تقيلة و هيبقي جوزك و من نصيبك !! و فعلا كلامها حصل بالمللى .. المشكلة انهم فضلو يجيبوها و تحول الموضوع من تسلية لحاجة بقو مصدقينها و خلاص مبقوش بيعملو اى خطوة فى حياتهم من غير ما يسالو الست دى !! مرة تانية برده بنت خالتى دى كانت لسه متجوزة قامت جايبة الست دى تسالها هتبقي حامل امتى؟؟ قامت الست قالتلها انتى حامل فعلا و هتولدي في شهر 11 !! و فعلا هتولد باذن الله 25 نوفمبر ...
بجد احنا لو سلمنا ودانا للناس دى مش هنخلص و هنقع فى الشرك و العياذ بالله و بجد حاجة تحزن اننا نلجأ للناس دى مهما بلغت محنتنا او حتى نلجألهم لمجرد تضييع وقت او معرفة طالع او شفا او معرفة مكان الذهب و الكنوز او عشان نجوز
على فكرة ياجماعة فى بلد فى البحيرة اسمها شبراخيت ايوة اسمها كدة
البلد دى كل الى فيها سحرا ومشعوزين والغريب ان لو حد منكم يعرف البلد دى او حد يعرفها يسال عليها العربيات الفارهة من جميع محافظات مصر بيجو علشان يخدو البركة يعنى واحد من الصعيد بيجى البحيرة علشان ياخد البركة
لا وكمان الناس دى مش بتاخد فلوس بس لالالالالالالالالالالالال الالا
ومواد غذائية كمان دول اكترهم ماجرين مخازن علشان العربيات النقل المحملة بضاعة تدخل مخازنهم يعنى واحد تاجر يديلو جزى من بضاعتة علشان ياخد البركة
والمترددين عليهم جميع طوائف الشعب وبما فيهم ممثلين
اية رايكم مش قولتلكم ناس بركة
ايه ده؟
هو المصحف بقي بيتفتح؟
لا حول و لا قوة الا بالله
هو خلاص للدرجة دي وصل الكفر يعني؟
التعامل مع المصحف الشريف علي انه كوتشينة و العياذ بالله؟
كل شيء مقدر عند ربنا و له ميعاد
و لا جان و عفاريت الدنيا كلها هيقدرو يأخرو او يقدمو شيء ربنا اللي كاتبه
لو حصل تأخير في الزواج يبقي ربنا اللي رايد كده لسبب لا يعلمه الا هو
مش عشان جن و اسياد و كلام فارغ
الناس اللي زي دي بتعتبر كفرة
ربنا يهديهم و يرجعهم لطريق الصواب
و يبارك في البنت دي هي و امثالها