السلام عليكم
كل سنة وانتم طيبين
ان شاء الله هشتري عربية اتوماتيك
استفساري اتعلم علي مانيوال ولا اتوماتيك
شكرا ليكم
بالتوفيق
السلام عليكم
كل سنة وانتم طيبين
ان شاء الله هشتري عربية اتوماتيك
استفساري اتعلم علي مانيوال ولا اتوماتيك
شكرا ليكم
بالتوفيق
الافضل تتعلم على مانيوال بس تقعد فترة تسوق مانيوال عشان فعلا تبقى اتعلمت ، الفكرة انك طالما اول عربية هتسوقها فعليا هتبقى اوتوماتيك هيبقى التعليم المانيوال ده تحصيل حاصل بالنسبة لك وهتنسى مجرد ما تسوق الاوتوماتيك على طول
عامة ايا كان برضه انا شايف انك تتعلم على المانيوال وبعدين هتسوق الاوتوماتيك بعدها بسهولة ان شاء الله في قعدة واحدة ، انما العكس غير صحيح
الأهم من التعلم على مانيول أو أوتوماتيك هو تعلم فن القيادة بصورة عامة و الأكثر اهمية توقع أخطاء الغير اثناء القيادة و التركيز واذا كنت جديد في القيادة تجنب الطرق السريعة حتى تشعر بالتمكن و التحكم الجيد و ربنا يعطيك خيرها و يكفيك شرها و بالنسبة لسؤالك أتعلم على مانيول
اقتباس:
المشاركة الأصلية كتبت بواسطة amrelsaqqa
شكرا علي ردك انا هشتري اتوماتيك ان شاء الله يعني مش هيبقي مانويال فمش عارف ابدا علي ايه واسمع وشفت مواضيع كتير ان الاتوماتيك سهلة جدا مش محتاجة ومش عارف دا صح ولا لا
وعليكم السلام ورحمة الله وبركاته
حضرتك هتشترى اوتوماتيك يبقى تتعلم على مانيوال ليه ؟؟؟
بس السؤال الأهم دلوقتى حضرتك مش بتعرف تسوق و لسه هتتعلم تمام ؟ هتتعلم على العربيه الجديده ؟؟ لو زيرو يبقى خساره لان حضرتك هتعمل زى واحد صاحبى اشترى اوبل استرا و هو مش بيعرف يسوق و العربيه اتدمرت
فالأفضل لو فيه مدرسه تتعلم فيها السواقه على الأوتوماتيك الأول او عربيه حد من الأسره او صديق و بعد كده اشترى عربيه مش تتعلم على العربيه الجديده
عن تجارب ناس كتير , طالما هاتركب اتوماتيك
اتعلم اتوماتيك و ريح دماغك
عيب انك تتعلم مانيوال : تعليم المانيوال بياخد وقت و وجع قلب كتير على ما تاخد على الفتيس
وقت ضايع لو هاتركب اتوماتيك بعد كده , و في نفس الوقت لو عربيتك اتوماتيك و جيت بعد كده تسوق مانيوال مش هاتبقى متمكن اوي لأنك ما مارستوش كتير
عيب انك تتعلم اتوماتيك : لو عزت تسوق مانيوال مش هاتعرف
السواقه نفسها سهله جدا جدا جدااقتباس:
المشاركة الأصلية كتبت بواسطة m.mounir
كل اللى بتعمله فرامل تنقل الغيار على d تمشى لقدام فرامل تنقل الغيار على r ترجع لورا
لكن لازم تبقى عارف ابعاد العربيه كويس و لازم يبقى عندك تقدير المسافات و هكذا يعنى محتاج ممارسه و خبره
اقتباس:
المشاركة الأصلية كتبت بواسطة shiko85
تمام لسه هتعلم جديد اصل المشكلة ان المراكز مش بيبقي فيها اتوماتيك وكمان والمرور مافيش فيه فمش عارف بقي اعمل ايه
اقتباس:
المشاركة الأصلية كتبت بواسطة shiko85
ههههههههههههه خلاص يبقي انا كدا اتعلمت اروح اجيب بقي واتعلم مع نفسي هو فعلا كلامك شفته كتير في مواضيع عن الاتوماتيك وزي ماقلتلك فوق ان الاتوماتيك مش متوفر لا المدارس ولا المرور ومافيش حد اعرفه عنده اتوماتيك
فيه مدارس فيها اتوماتيكاقتباس:
المشاركة الأصلية كتبت بواسطة m.mounir
ههههههههاقتباس:
المشاركة الأصلية كتبت بواسطة m.mounir
فعلا السواقه سهله جدا بس لازم خبره و تعود علشان احساسك بالطريق و رد فعلك فالمواقف المختلفه و كمان خوف اللى لسه بيتعلم و خوف العربيه الجديده بيسبب مشاكل و كمان محتاج تتعلم ازاى تركن العربيه
بس الموضوع مش صعب و لا معقد و مش محبط يعنى زيه زى اى حاجه شويه ممارسه و تعود و خلاص
لازم تتعلم مانيوال علشان تعرف تطلع رخصه .. الا بقى لو مظبط الدنيا يا برنس
اتعلم علي العربية الي هتسوقها
او تشتريها قدام
اتفق مع المدرسة انها تعلمك علي عربيتك
لان لو اتعلمت علي عربية تانية ممكن الابعاد تختلف ولو اتعلمت علي عربيتك الجديدة ممكن تكسر فيها