الموضوع: شراء سيارة اتوماتيك اتعلم مانيوال ولا علي اتوماتيك

الافضل تتعلم على مانيوال بس تقعد فترة تسوق مانيوال عشان فعلا تبقى اتعلمت ، الفكرة انك طالما اول عربية هتسوقها فعليا هتبقى اوتوماتيك هيبقى التعليم المانيوال ده تحصيل حاصل بالنسبة لك وهتنسى مجرد ما تسوق الاوتوماتيك على طول
عامة ايا كان برضه انا شايف انك تتعلم على المانيوال وبعدين هتسوق الاوتوماتيك بعدها بسهولة ان شاء الله في قعدة واحدة ، انما العكس غير صحيح

الأهم من التعلم على مانيول أو أوتوماتيك هو تعلم فن القيادة بصورة عامة و الأكثر اهمية توقع أخطاء الغير اثناء القيادة و التركيز واذا كنت جديد في القيادة تجنب الطرق السريعة حتى تشعر بالتمكن و التحكم الجيد و ربنا يعطيك خيرها و يكفيك شرها و بالنسبة لسؤالك أتعلم على مانيول

المشاركة الأصلية كتبت بواسطة amrelsaqqa

الافضل تتعلم على مانيوال بس تقعد فترة تسوق مانيوال عشان فعلا تبقى اتعلمت ، الفكرة انك طالما اول عربية هتسوقها فعليا هتبقى اوتوماتيك هيبقى التعليم المانيوال ده تحصيل حاصل بالنسبة لك وهتنسى مجرد ما تسوق الاوتوماتيك على طول
عامة ايا كان برضه انا شايف انك تتعلم على المانيوال وبعدين هتسوق الاوتوماتيك بعدها بسهولة ان شاء الله في قعدة واحدة ، انما العكس غير صحيح

شكرا علي ردك انا هشتري اتوماتيك ان شاء الله يعني مش هيبقي مانويال فمش عارف ابدا علي ايه واسمع وشفت مواضيع كتير ان الاتوماتيك سهلة جدا مش محتاجة ومش عارف دا صح ولا لا

المشاركة الأصلية كتبت بواسطة shiko85

وعليكم السلام ورحمة الله وبركاته
حضرتك هتشترى اوتوماتيك يبقى تتعلم على مانيوال ليه ؟؟؟
بس السؤال الأهم دلوقتى حضرتك مش بتعرف تسوق و لسه هتتعلم تمام ؟ هتتعلم على العربيه الجديده ؟؟ لو زيرو يبقى خساره لان حضرتك هتعمل زى واحد صاحبى اشترى اوبل استرا و هو مش بيعرف يسوق و العربيه اتدمرت
فالأفضل لو فيه مدرسه تتعلم فيها السواقه على الأوتوماتيك الأول او عربيه حد من الأسره او صديق و بعد كده اشترى عربيه مش تتعلم على العربيه الجديده

تمام لسه هتعلم جديد اصل المشكلة ان المراكز مش بيبقي فيها اتوماتيك وكمان والمرور مافيش فيه فمش عارف بقي اعمل ايه

المشاركة الأصلية كتبت بواسطة shiko85

السواقه نفسها سهله جدا جدا جدا
كل اللى بتعمله فرامل تنقل الغيار على d تمشى لقدام فرامل تنقل الغيار على r ترجع لورا
لكن لازم تبقى عارف ابعاد العربيه كويس و لازم يبقى عندك تقدير المسافات و هكذا يعنى محتاج ممارسه و خبره

ههههههههههههه خلاص يبقي انا كدا اتعلمت اروح اجيب بقي واتعلم مع نفسي هو فعلا كلامك شفته كتير في مواضيع عن الاتوماتيك وزي ماقلتلك فوق ان الاتوماتيك مش متوفر لا المدارس ولا المرور ومافيش حد اعرفه عنده اتوماتيك