المشاركة الأصلية كتبت بواسطة d . A .\ ayman
أنا هـارد على نقطة تهمني جدا ... أنا كائن عاشق للبرودة ... مش عايز أقولك إني ساعات بشغل التكييف في الشتاء عادي
والبيرسونا معايا دلوقتي من حوالي سنتين وطوال السنتين ما حستش بتقصير نهائي في موضوع التبريد بالعكس كتير جدا بهدي المروحة عششان سقعت وبعديها بابتدي أرفع درجة الحرارة
وفي عز الحر لما بكون راكن في عز الشمس والعربية مولعة من جوة ... بركب وأشغل التكييف لمدة 10 دقائق على أعلى درجة ... كدة خلاص خلص الموضوع وأرجع أنزل
من ناحية تانية العربية في المجمل رائعة الحمد لله وأعطالها نادرة ومش هاتحتاج قطع غيار نهائي وهي زيرو إلا المستهلكات العادية وسواقتها ممتعة جدا ... ولما بقفل الزجاج وأشغل التكييف كأني في عالم تاني بعيد عن ضوضاء الشارع ... وللأمانة ساعات بيكون في بعض الأصوات المختلفة داخل المقصورة لكنها بتكون خفيفة ومش دائمة بعضها من هواية التكييف اللى في النص والبعض من قفل الشنطة الخلفية ... قفل الشنطة بيتحط علية لفتين شكرتون وبيروح ... المشكلة عندي في الصوت اللى ساعات بييجي من هوايات التكييف اللى في النص وعايز أفكها وأظبطها بس مكسل ... هو برضه مش جامد يعني