حد سمع عن عربية أسمها سانج يونج موسو

**kantofanto** · 16-07-2014 10:47 PM

سانجيونج موسو

كان سانجيونج موسو لتصنيع سيارات الدفع الرباعي من قبل الشركة المصنعة للسيارات في كوريا الجنوبية، شركة سانج يونج موتور.

أنتج لأول مرة في عام 1993 featued السيارة محرك بنزين مرسيدس أو محرك ديزل. وقد تم تصميم السيارة من قبل كين باخضرار وتلقى جائزة تصميم السيارات من معرض السيارات في برمنغهام استضافت في عام 1994 و 1996. المعروف أيضا عن قدرات الطرق الوعرة، فقد فاز موسو المقام الأول من رالي الفراعنة في مصر بين المركبات 4WD في أكتوبر 1994. المقاعد موسو خمسة أشخاص. وتناسب عجلات موسو للقيادة على الطرق الوعرة، على غرار أصغر سيارات الدفع الرباعي سانجيونج Korando. تم الإفراج عن سانجيونج موسو الرياضة، وهو البديل موسو مع سرير شاحنة، في سنوات لاحقة.

السعر بالجنيه المصري: 230,000
الفئة : Musso
السعة : 2874
ناقل الحركة(الفتيس) : اوتوماتيك
متوسط إستهلاك الوقود: 11.1
نظام الفرامل ABS: يوجد
شبابيك كهربية : امامي/خلفي
التسارع من 0 الى 100كم/ساعة (ثانية) : 0
مواصفات سانجيونج موسو
وسادة هوائية : يوجد
العزم الأقصى : 286/2250
النمط : 4x4
قوة المحرك(حصان/لفة.دقيقة) : 137/4000
السرعة القصوى(كم/ساعة) :
عدد السلندرات : 5
تكييف: يوجد
قفل مركزى: يوجد
مواصفات اخري

**abokoko** · 16-07-2014 11:07 PM

حضرتك بتتكلم عن سانج يونج اللى نزلت من كام سنه فاتت
ولا بتتكلم عن موديل جديد ل 2014م
؟؟

**abokoko** · 16-07-2014 11:13 PM

http://www.nilemotors.net/Nile/315554-a.html

http://www.nilemotors.net/Nile/84493-a.html

**kantofanto** · 16-07-2014 11:52 PM

المشاركة الأصلية كتبت بواسطة abokoko

حضرتك بتتكلم عن سانج يونج اللى نزلت من كام سنه فاتت
ولا بتتكلم عن موديل جديد ل 2014م
؟؟

انا بكلم عن الاتنين الجديد و القديم بس انا نفسى اعرف له العربية دى بالذات منتشرتش فى مصر و مين وكيلها مع ان فى ناس بتقول انها من انضف الكورى فى مصر و فى منها سولار و بنزين

**kantofanto** · 16-07-2014 11:55 PM

المشاركة الأصلية كتبت بواسطة abokoko

http://www.nilemotors.net/nile/315554-a.html

http://www.nilemotors.net/nile/84493-a.html

انا متشكر لحضرتك جداً لرفع مواضيع قديمة عن العربية للافادة ، بس له هى ملهاش حتى قسم داخل المنتدى هنا هى مش زى السوزكى و الدايهاتسو لا و كمان ماتور مرسديس ، ياريت اى حد من الاعضاء يخش يقولنا اى شى عن العربية( اسعارقطع الغيار -- الميكانيكيا اللى بيشتغلوا فيها-- الوكيل --- تجار قطع الغيار-- هل ممكن توفق لها قطع غيار من عربية تانية )

**abokoko** · 17-07-2014 12:38 AM

العربيه قليله الانتشار
وغالبا مش موجود منها جديد
وبصفه عامه ال4*4 مش عربيات منتشره بسبب ارتفاع اسعار الصيانه والتشغيل

**kantofanto** · 17-07-2014 06:21 AM

المشاركة الأصلية كتبت بواسطة abokoko

العربيه قليله الانتشار
وغالبا مش موجود منها جديد
وبصفه عامه ال4*4 مش عربيات منتشره بسبب ارتفاع اسعار الصيانه والتشغيل

هى فعلا مش منتشرة و قطع غيارها كمان مش موجودة الا فى التوكيل و لازم يعمل صيانة للعربية عشان يركب قطع الغيار فيها يبقى بالتالى مش هتنزل جديد تانى ، العربية دى لو خد غبور توكيلها او منصور ممكن تنتشر فى مر بصورة كبيرة اووى بس اهم حاجة توافر قطع الغيار و الدعاية التسويقية الصح.

فعلا عندك حق ال4*4 مش عربيات منتشره بس لها زبونها

**ahmedfouad** · 17-07-2014 10:33 AM

كان فى كلام ان رينو داخلة فى العربية دى مع كوريا

**kokowasfy** · 17-07-2014 11:34 AM

اجبلكم الخلاصة فى العربية دى العربية دى نملكها من حوالى 5 سنين من الزيرو العرية 2900 سى سى 6 سلندر متورها مرسيدس بلكامل و الفتيس كمان العربية ليها توكيل محترم فى اسمو smg دا فى ارض اللوا فية كل قطع الغيار بتاعت الصيانة العادية السرفيس و على فكرة قطع الغيار على غير المتوقع ليكم قطع الغيار رخيصة نسبيا بل نسة للجيب يعنى هقولكم بعد قطع الغيار الى فبالى مثلا فلتر جاز عامل 250 جنية بلمصنعية و على فكرة دى مشكلة العربية لازم تغير الفلتر بتاع الجاز كل شهرين عشان الجاز الزفت الى عندنا و على فكرة انا بغير فى البيت بشترية من التوكيل و بغيرو فى البيت تغيرو سهل جدا اغلى حاجة فى الربية لو لاقدر الله اكصدام اتكسر او اى حاجة فى الفيبر غالية اووى نار يعنى الاكصدام لسة شارية عامل 2500 جنية من التوكيل و استنين اسبوعين عشان يبعتو يجيبو و لالمانة التوكيل محترم اووى و المعاملة محترمة جدا و كفاية انك تبقا قاعد و شايف العربيات البورش داخلة و خارجة من جنبك هههههه اصلو توكيل ابيزا وسانج يونج و بورش كلهم فى مكان واحد المهم ارجع للموضوع بخصوص اداء العربية المتور يكيفك اوى تسارع عالى و طالعة قوية لحد 80 الى 90 و العربية اخرها 160 بعد كدا انتحار و هقولكم بعدين و بخصوص العافشة بتاعت العربية على غير العادة من الجيب العربية ناعمة نسبيا و احساس بلمطبات قليل اووى و العفشة من النوع الى مش طرى اوى و مش ناشف اوى و صراحة عفشة خدمة شاقة تهبيد والله و ترزيع مع واللدى طول النهار و اليل و بخصوص الثبات العربية ثابتة لحد 100 الى 120 بس بردو الحقيقة الثبات وحش اوى يعنى مش زى السيدان خالص و دا مش عيب فيها دا عشان العربية عالية عن الارض زى كل الجيب و تحس مع السرعة كدا العربية الثبات بيقل اوى بس مش معنا كدا انها مش ثابتة انا كنت باخد ملفات بيها على 120 عادى بس اهم حاجة تاخد حظرك و بخصوصفتيس الغرز و دا بقا ممتاز فيها جدااااا فيها فتيس غرز كهربا بوضعين 4h و 4l الوضع الاول بتاع الصحرا لو انتا داخل صحرا او محتاج تطلع حتة رملية الوضع التانى دا بيشغل دفع رباعى بردو بس بطىىى دا عشان الطين او لو العربية غرزت غرزة جامدة بطلع منو بكل سهولة و دا عن تجربة فى العربية و ساسا العربية دى مبتغرزش بسهولة خالص و العربية فى الوضع العادى شغالة دفع خلفى و دا بيخلى الواحد الشيطان يلعب فى دماغو ويلعب بيها و تخميس و فرك و العربية بتفرق شوية فارك اخ اخ اخ هههه توبنا الى الله هههه و دى شوية معلومات عن العربية و الحقيقة عملت موضوع مش رد بس بس والله بفكر اعمل تقرير و كمان مصور للعربية بس محتاج تشجيع عشان انا كسلان اوى هههه و نسيت اقول بخصوص التكيف العربية التكيف بتاعة كلو جدا تكيف تاتش بيخلى العربية تلاجة بجد بيفكرنى بتكيف العربيات الامريكى القديم

**exelence** · 17-07-2014 03:08 PM

باشوفها ييجى من 8 سنين

الموضوع: حد سمع عن عربية أسمها سانج يونج موسو

LinkBack

أدوات الموضوع

عرض

حد سمع عن عربية أسمها سانج يونج موسو - انشر الموضوع فى :

-

-

-

-

-

-

-

المواضيع المتشابهه

موسو سانج يونج

سانج يونج

حيرة موسو سانج يونج

سانج يونج موسو

سيارات سانج يونج

الكلمات الدلالية لهذا الموضوع

المفضلات

المفضلات

ضوابط المشاركة