الموضوع: حد سمع عن عربية أسمها سانج يونج موسو

المشاركة الأصلية كتبت بواسطة kokowasfy

اجبلكم الخلاصة فى العربية دى العربية دى نملكها من حوالى 5 سنين من الزيرو العرية 2900 سى سى 6 سلندر متورها مرسيدس بلكامل و الفتيس كمان العربية ليها توكيل محترم فى اسمو smg دا فى ارض اللوا فية كل قطع الغيار بتاعت الصيانة العادية السرفيس و على فكرة قطع الغيار على غير المتوقع ليكم قطع الغيار رخيصة نسبيا بل نسة للجيب يعنى هقولكم بعد قطع الغيار الى فبالى مثلا فلتر جاز عامل 250 جنية بلمصنعية و على فكرة دى مشكلة العربية لازم تغير الفلتر بتاع الجاز كل شهرين عشان الجاز الزفت الى عندنا و على فكرة انا بغير فى البيت بشترية من التوكيل و بغيرو فى البيت تغيرو سهل جدا اغلى حاجة فى الربية لو لاقدر الله اكصدام اتكسر او اى حاجة فى الفيبر غالية اووى نار يعنى الاكصدام لسة شارية عامل 2500 جنية من التوكيل و استنين اسبوعين عشان يبعتو يجيبو و لالمانة التوكيل محترم اووى و المعاملة محترمة جدا و كفاية انك تبقا قاعد و شايف العربيات البورش داخلة و خارجة من جنبك هههههه اصلو توكيل ابيزا وسانج يونج و بورش كلهم فى مكان واحد المهم ارجع للموضوع بخصوص اداء العربية المتور يكيفك اوى تسارع عالى و طالعة قوية لحد 80 الى 90 و العربية اخرها 160 بعد كدا انتحار و هقولكم بعدين و بخصوص العافشة بتاعت العربية على غير العادة من الجيب العربية ناعمة نسبيا و احساس بلمطبات قليل اووى و العفشة من النوع الى مش طرى اوى و مش ناشف اوى و صراحة عفشة خدمة شاقة تهبيد والله و ترزيع مع واللدى طول النهار و اليل و بخصوص الثبات العربية ثابتة لحد 100 الى 120 بس بردو الحقيقة الثبات وحش اوى يعنى مش زى السيدان خالص و دا مش عيب فيها دا عشان العربية عالية عن الارض زى كل الجيب و تحس مع السرعة كدا العربية الثبات بيقل اوى بس مش معنا كدا انها مش ثابتة انا كنت باخد ملفات بيها على 120 عادى بس اهم حاجة تاخد حظرك و بخصوصفتيس الغرز و دا بقا ممتاز فيها جدااااا فيها فتيس غرز كهربا بوضعين 4h و 4l الوضع الاول بتاع الصحرا لو انتا داخل صحرا او محتاج تطلع حتة رملية الوضع التانى دا بيشغل دفع رباعى بردو بس بطىىى دا عشان الطين او لو العربية غرزت غرزة جامدة بطلع منو بكل سهولة و دا عن تجربة فى العربية و ساسا العربية دى مبتغرزش بسهولة خالص و العربية فى الوضع العادى شغالة دفع خلفى و دا بيخلى الواحد الشيطان يلعب فى دماغو ويلعب بيها و تخميس و فرك و العربية بتفرق شوية فارك اخ اخ اخ هههه توبنا الى الله هههه و دى شوية معلومات عن العربية و الحقيقة عملت موضوع مش رد بس بس والله بفكر اعمل تقرير و كمان مصور للعربية بس محتاج تشجيع عشان انا كسلان اوى هههه و نسيت اقول بخصوص التكيف العربية التكيف بتاعة كلو جدا تكيف تاتش بيخلى العربية تلاجة بجد بيفكرنى بتكيف العربيات الامريكى القديم

أشكر حضرتك على المشاركة الرائعة و هنستنى من حضرتك تقرير و صور للعربية لتعم الفائدة على الجميع ، بس يارت حضرتك توضح لنا الضريبة بتاعتها كام و كمان هتيبقى مدعومة بعد تشغيل الكارت الذكى للسولار و استهلاكها اد ايه من السولار.

المشاركة الأصلية كتبت بواسطة m_osman88

انا شفت العربية دى زيرو سنة 2004 او قبل كدة مش فاكر بالظبط كانت فى معرض السيارات اتوماك كانو عارضين الشاسية بالعفشة بالموتور من غير الكروسلية وكانت كلها مرسيدس وسانج يونج بتقفل الجسم الخارجى والكماليات بس انا بحترم العربي دى من زمان

اللى انا اعرفه انها كانت تقفيل محلى و انها دولاقتى مش موجودة

أنا بشكر الاستاذ الفاضل amz2011 لانه أحد ملاك السيارة و بعت له على الخاص بسأله عن السيارة و هو مبخلش عليا فى أى معلومة و ده نص الرسالة اللى كتبها الله يبارك فيه

المشاركة الأصلية كتبت بواسطة [URL="http://www.nilemotors.net/Nile/members/85345.html"

amz2011[/URL];3875668980]بص ياباشا هى العربية صالونها واسع و مريحه

العيوب قطع الغيار مش موجوده غير فى التوكيل

و التوكيل مش بيبعها كمان لا داه لازم تعمل صيانه عنده و هو اللى

يركب قطعة الغيار

قطع الغيار بتاعتها هى بتاعة مرسيدس

قطع الغيار الاستيراد قليله جدا فى السوق

بالنسبه للعربية العربيه فيها قطع غيار صينى معادا الموتور و

الفتيس و نظام الفرامل ABS

العربية ديه اصلا تجميع محلى و نتيجة الثوره المصنع وقف

التجميع يالاضافه انها شكلها بره اتغير

و سعرها بقى رخيص جدا يعنى 2008 فبريكة بره و جوه بتعمل

من 120000 الى 140000 و انا كنت شاريها 245000 و بعد

القسط وقفت 286000

العربية التسارع بها ضعيف جدا مع انها تربو ديزل و لما سئالت

فى التوكيل كان الرد ان الموتور كان محتاج يزيد 20 حصان على 136
حصان بتوعها و العربيه اصلا تقيله وزن فاضيه 2 طن

العربية ثباتها حلو و فى الغرز جميله مش بتغرز خالص حتى انا

كنت مره فى الصحراء و كان معايا دوبل كابينه هاىلوكس تويوتا

ملكه الغرز و للاسف التويوتا غرز و انا الحمد لله لا

التكيف لما الحراره بتزيد عن 36 التكييف فى الزحمة بيبقى مش

مؤثر لانه التكييف بتاعه بيعتمد انك تكون قارص على الموتور

عشان يسقع يعنى عايز طرق سفر

نسيت
العفشه بتفك من كل حين الى اخر

و كلمه من لسان مهندس الاستقبال و هى قالى بالحرف العربيه ديه

لازم تيجى عندنا كل 5000 كيلو غير كده هيظهر فيها مشاكل

العربية عزل الصوت تعبان شويه

غير كده العربية عامله زى الداهيه مره دخل فيها عربية سوزكى

من وراه مش عايز اقولك الراجل غير ربع قدامانى كبوت و ريداتير

و رفرفين و الشاسيه التعوج و انا يادوبك الاكصدام اتشرخ بس

نصيحه من اخوك شوف النيسان اكس تريل

لان حوار السولار كرهنى فى حياتى كل ما اجى امون ببقى واقف

وسط سواقين شمامين و بالذات لما بيبقى معايا مراتى و عيالى

و اللى يجى يستهبل و يقولولى هى ديه سولار يابيه

اتمنى انى اكون جاوبت على كل الاسئله

و لو عايز تسئال فى اى حاجه قولى

المشاركة الأصلية كتبت بواسطة kokowasfy

اجبلكم الخلاصة فى العربية دى العربية دى نملكها من حوالى 5 سنين من الزيرو العرية 2900 سى سى 6 سلندر متورها مرسيدس بلكامل و الفتيس كمان العربية ليها توكيل محترم فى اسمو smg دا فى ارض اللوا فية كل قطع الغيار بتاعت الصيانة العادية السرفيس و على فكرة قطع الغيار على غير المتوقع ليكم قطع الغيار رخيصة نسبيا بل نسة للجيب يعنى هقولكم بعد قطع الغيار الى فبالى مثلا فلتر جاز عامل 250 جنية بلمصنعية و على فكرة دى مشكلة العربية لازم تغير الفلتر بتاع الجاز كل شهرين عشان الجاز الزفت الى عندنا و على فكرة انا بغير فى البيت بشترية من التوكيل و بغيرو فى البيت تغيرو سهل جدا اغلى حاجة فى الربية لو لاقدر الله اكصدام اتكسر او اى حاجة فى الفيبر غالية اووى نار يعنى الاكصدام لسة شارية عامل 2500 جنية من التوكيل و استنين اسبوعين عشان يبعتو يجيبو و لالمانة التوكيل محترم اووى و المعاملة محترمة جدا و كفاية انك تبقا قاعد و شايف العربيات البورش داخلة و خارجة من جنبك هههههه اصلو توكيل ابيزا وسانج يونج و بورش كلهم فى مكان واحد المهم ارجع للموضوع بخصوص اداء العربية المتور يكيفك اوى تسارع عالى و طالعة قوية لحد 80 الى 90 و العربية اخرها 160 بعد كدا انتحار و هقولكم بعدين و بخصوص العافشة بتاعت العربية على غير العادة من الجيب العربية ناعمة نسبيا و احساس بلمطبات قليل اووى و العفشة من النوع الى مش طرى اوى و مش ناشف اوى و صراحة عفشة خدمة شاقة تهبيد والله و ترزيع مع واللدى طول النهار و اليل و بخصوص الثبات العربية ثابتة لحد 100 الى 120 بس بردو الحقيقة الثبات وحش اوى يعنى مش زى السيدان خالص و دا مش عيب فيها دا عشان العربية عالية عن الارض زى كل الجيب و تحس مع السرعة كدا العربية الثبات بيقل اوى بس مش معنا كدا انها مش ثابتة انا كنت باخد ملفات بيها على 120 عادى بس اهم حاجة تاخد حظرك و بخصوصفتيس الغرز و دا بقا ممتاز فيها جدااااا فيها فتيس غرز كهربا بوضعين 4h و 4l الوضع الاول بتاع الصحرا لو انتا داخل صحرا او محتاج تطلع حتة رملية الوضع التانى دا بيشغل دفع رباعى بردو بس بطىىى دا عشان الطين او لو العربية غرزت غرزة جامدة بطلع منو بكل سهولة و دا عن تجربة فى العربية و ساسا العربية دى مبتغرزش بسهولة خالص و العربية فى الوضع العادى شغالة دفع خلفى و دا بيخلى الواحد الشيطان يلعب فى دماغو ويلعب بيها و تخميس و فرك و العربية بتفرق شوية فارك اخ اخ اخ هههه توبنا الى الله هههه و دى شوية معلومات عن العربية و الحقيقة عملت موضوع مش رد بس بس والله بفكر اعمل تقرير و كمان مصور للعربية بس محتاج تشجيع عشان انا كسلان اوى هههه و نسيت اقول بخصوص التكيف العربية التكيف بتاعة كلو جدا تكيف تاتش بيخلى العربية تلاجة بجد بيفكرنى بتكيف العربيات الامريكى القديم

متشكر على المشاركة ، و ياريت حضرتك تعملنا تقرير مفصل عن العربية و كمان بيان بالمصنعيات و قطع الغيار و سعر إعادة البيع .

المشاركة الأصلية كتبت بواسطة lanos2004

العربيه دايو ماتور مرسيدس

العربية كورى و فعلا ماتور مرسيدس بس مخدتش حقها كويس فى مصر ، تسويقها كان ضعيف اووووى