استاذ ايمن شكرا على النصيحة بس انا جربت العربية وشغلت التكييف محسيتش بكدة خالص بالعس العربية تسارعها معقول جدا وانا مشغل التكييف هل حضرتك معاك العربية دى ؟ حضرتك كدة قلقتني
استاذ shiko85 الف شكر انا فعلا كنت قرأت الموضوع دة
عرض للطباعة
استاذ ايمن شكرا على النصيحة بس انا جربت العربية وشغلت التكييف محسيتش بكدة خالص بالعس العربية تسارعها معقول جدا وانا مشغل التكييف هل حضرتك معاك العربية دى ؟ حضرتك كدة قلقتني
استاذ shiko85 الف شكر انا فعلا كنت قرأت الموضوع دة
سيدي انا معايا العربيه موديل 2007 معملتش بيها غير 40000 كيلو والاسبوع الي فات جايب دينمو ليها ب 800 جنيه . القصه حضرتك في الاحتياج لحجم واستخدام ..وحضرتك لازم تكون عارف ان العربيه ماتجبش بيها اكتر من 80 او 85 علشان ممكن لو جريت جنبك مقطوره هتزحزحك عن الطريق .. لو نويت استخير ربنا وغو في7ا حاجه ابقي قول واحنا نرشدك
يا راجل دي اخت زوجتي كانت ماشية معايا علمين علي 170 و بنعدي عربيات ولا الهوا ... و اسمها حديثة خبرة بالسواقة يعني .....
ياباشا انا عن تجربتى للعربية دى شايف انها افضل بكتير من عربيات تانية في نفس فئتها واغلى منها، وبطبيعة الحال الاستيل بتاع العربية ضمن شريحة العربيات الب تستخدم داخل المدينة وعلشان كدة بيكون حجمها مدمج وقوة محركها صغير ليتناسب مع طبيعة استخدامها.
مشكلتها الأساسية (لو بتمثل عند حضرتك مشكلة) العفشة ناشفة وبتحتاج تربيط مع كل صيانة 5000كم لو كنت منتظم في الصيانة.
يبقى السؤال ؟ مطلوب كام في العربية ؟ لان دي هيحدد الرد على حضرتك بالنصيحة بشرائها ام لا.
مطلوب 38000 وكشفت على العربية واتقالى العربية بيتى وتمام
الف شكر على الاهتمام والرد
بالنسبة للعربية اسبرانزا (a113) انا شاريها مستعملة من اكتر من سنة بعد ما سألت طوب الارض العربية جميلة و عملية جداً جداً بس المشكلة في أراء الناس اللي ما تعرفش العربية و واضح جداً من الردود اللي في الموضوع ان الناس بترد من اشاعات عن العربية و لم يجربو العربية و لا يعرفو عنها جاجة فمثلا في واحد بيقول ان قاعدتها ضيقة الغريب ان العربية دي قاعدتها واسعة جداً سواء امامي او خلفي و انا حجمي كبير شوية بس مستريح جداً انا كان معايا لانوس قبل كده تحس بفرق كبير في الاتساع انا في اللانوس بعد ما ارجع المرسي للأخر رجلي بتخبط في الدركسيون و لو لابس بنطلون فاتح لازم يتوسخ من الطارة و لكن ال113 واسع جدا و بعرف اركب و انزل براحتي و لو ركبت ورا بحس ان الكرسي اللي قدام على رجلي في اللانوس و لكن ال113 بقعد ورا مستريح فأنا مش عارف اللي بيقول ضيقة على اي اساس او هو راكب عربية ايه ممكن تكون ضيقة بالنسبة لعربيات تانية، بالنسبة للثبات انا مبمشيش بالعربية اقل من 120 ك لو الطريق يسمح يعني بعدي ال80ك و على فكرة طريقي كله نقل يعني العربية ثابتة جداً المشكلة الوحيدة في العربية دي و اكثر موديلات الهاتشباج ان العربية بتبقى ناشفة شوية في المطبات للي قاعد ورا ده العيب الوحيد اللي انا حاسه في العربية دي بأمانة و لكن العيوب اللي الناس بترددها ان العربية صيني و خلاص دون تجربة او خبرة حقيقية و مش واخدين بالهم ان الصين من أكبر قوى التصنيع في العالم و لو اشتريت اي حاجة من امريكا او اوروبا هتلاقيها صيني بس احنا اللي عندنا فكرة وحشة عن الصين و دي سببها المستوردين بتوعنا اللي بيسترخصوا البضاعة فبيجيبولنا بضاعة رخيصة و سيئة التصنيع