بصوا توكيل arabit قالي ايه

**mido102** · 17-07-2014 02:17 AM

بالصدفه علي الكورنيش مرتين تلاته اشوف معرض اسمه الخيال وجنبيه ارابيت المهم دخلت ارابيت عارض عربيه سلفر الفئه الاولي
سلفر من الشارك سالته انتوا ايه بالئبط قالي احنا موزع معتمد لدايموند بيني وبين نفسي قلتله يافرحتي من حلاوة دايموند كتوكيل يعني المهم الفئه دي بكام قالي 140 الف وبعدين 139 الف وقلتله والفئه التانيه قالي مش موجوده ولو كدده بس بعد د تناكه منه قالي في خلال اسبوع قلتله بتتعاملوا مع بنك ناصر قالي لا قلتله ايه السبب قالي هوا موزع بتاعنا مش بيتعامل معاه وبيتكلم الكلمه علي قد الكلمه ركب العربيه وشوفتها بس كانت مقفوله فتحهالي ملقتش الولاعه فيها ولقيت فيه مخرجين صوت كده واحد لونه احمر ةالتاني مش عارفه المهم حاسس ان العربيه حلوه ومحكومه وتعليقي عليها حاسس ان اللي حيقعد ورا مش حيستريح وان العربيه فقيره في الكماليات وحسيت ان حجمها مش كبير اوي من برة زي ما كنت متخيله

ملحوظه انا مش بفهمم في العربيات

**blazer** · 17-07-2014 05:57 AM

فكك من الشارك دى خالص
ممكن بفلوسهااو تزود ل 150-155 تجيب بدائل احسن منها زى الكروز او السيراتو الجديده

**mahmoud_ali** · 17-07-2014 05:59 AM

الفئه الاولى فقيره فعلا

**max13** · 17-07-2014 11:49 AM

استاذ blazer ممكن حضرتك تقولنا بعد تجربتك لقيادة الشارك لمسافات طويلة ليه هى وحشة . ولية اى عربية كورى افضل منها ؟

**محمد سمير حسين** · 17-07-2014 12:05 PM

المشاركة الأصلية كتبت بواسطة blazer

فكك من الشارك دى خالص
ممكن بفلوسهااو تزود ل 150-155 تجيب بدائل احسن منها زى الكروز او السيراتو الجديده

يا سيدي الفاضل الراجل بيقول لحضرتك ملحوظة انا مش بفهم في العربيات وشكله عاوز يشتري عربية وبيتفرج علي الشارك علشان ياباني والراجل عاوز يشتري دماغه من ناحية الاعطال والثبات ووجع دماغ الكوري كله ممكن حضرتك تفيده ليه رشحتله الكروز او السيراتو وقولتله بلاش الشارك بغض النظر عن فقر الامكانيات اللي ممكن الواحد يضيفها براحتو بعد كده مع العلم ان في فارق سعر 10 الاف جنيه بين الشارك و(الكروز او السيراتو )وبالمبلغ ده ممكن يضيف اي امكانيات هو عاوزها وعلي مزاجو علشان الراجل يحط دم قلبه في حاجة هو مقتنع بيها

**mido102** · 17-07-2014 01:25 PM

يا جماعه انا مش بحب الشفورليه اصلا وثانيا مش حركب كوري وثالثا ربنا يكرمني وحجيب الفئه التانيه شارك ورابعا انا بوريكوا المعامله والسعر !!

**MoNeIm AmIn** · 17-07-2014 07:46 PM

المشاركة الأصلية كتبت بواسطة max13

استاذ blazer ممكن حضرتك تقولنا بعد تجربتك لقيادة الشارك لمسافات طويلة ليه هى وحشة . ولية اى عربية كورى افضل منها ؟

معتقدش استاذ blazer ركب الشارك قبل كده علشان يحكم عنها
مع كل احترامي للكروز والسيراتو....واكيد النوبيرا كمان

**eng.m7md.ali** · 17-07-2014 09:41 PM

العربية دي كويسة

بس للاسف ..

الفئة الاولى بتنزل من غير abs+ebd

وده في حد ذاته كارثة لعربية بالسعر ده + ان كمالياتها تقريباً عادية وتحس بالفقر فيها اكتر من الفئة التانية او التالتة

عشان كدة .. حرام تجيبها بالسعر ده .. لو حبيت كسر زيرو الفئة التالتة او التانية هييبقى احسنلك كتير