الموضوع: هشترى انفى ممكن نصيحه

تقرير مبدأي عن السيارة الجميله اسبرنزا إنفى 2014
ملحوظه :يمكن اكون حمبلى شويه او دقيق و بعض الناس تقول دة شئ بسيط لا يذكر
اولا استملت السيارة 22/7/2014 من معرض على مسعد ببورسعيد بورقه استلام
بعدها بيومين جالى اوراق السيارة و الحمد الله اليوم الخميس الموافق 24/7/2014 روحت المرور و رخصت و علقت النمر
الملاحظات الى شوفتها ف السيارة :
1- التكييف .. اثناء وقت الظهر ف درجات الحرارة العاليه و الحر الجامد لا يخرج هواء بارد و انا حطيت ايدى عند الهويااات مش حاسس باى برودة
لكن لما بشغل التكييف بالليل ع رقم واحد بس بيطلع برودة حلو جدا جدا .. مش عارف ايه المشكله
2- التكييف .. عند تشغيله يجعل صوت الماتور عالى جدا و مروحه التكييف عاليه جدا لدرجه انت لو واقف جنب السيارة هتسمع صوت لا يضاق بجد
3- استهلاك البنزين عالى 11
4- صوت الموتور عالى و كان مروحه التبريد مبتفصلش
5- صوت طقه عند الضغط ع بدال الفرامل ف بعض الاحيان تحصل و البعض الاخر لاء
6- صوت خبطه او طقه ف العفشه الخلفيه يمين
7- صوت طقه ف العفشه الاماميه عند المطبات او عند الطلوع فوق مطب و كسر الدركسيون سينه صغيرة
8- الشبورة الاماميه اليمين مش راكبه كويس فيها فراغ
9- الحساس ف الاصدام الخلفى الشمال طالع لبرة شويهة
10- الفبرة الى ع الشنطه الطويله الى تحت علامه اسبرنزا لزقها مفكوك
11- الفبرة الى جوة الرفرف الامامى شمال خارجه برة الرفرف المفروض انها تكون راحبه ف شيفه الرفرف من جوة
.................................................. ............................
دى كل ملاحظاتى عن السيارة لغايت دلوقتى

مميزات السيارة من وجه نظرى:
1- السيارة من الداخل واسعه جدا جدا
2- الدهان جيد جدا و الساج معالج بطريقه محترمه
3- خامات التابلوة جيدة جدا لونه رمادي و شكل العدادات تحفه شبه اى سيارة ماركه
4- الكراسى جلد كويس خامته جيدة لونه رمادى .. الارضيات موكيت رمادي
5- خمس جنوط 15
6- الشكل الخارجى تحفه و شيك جدا جدا و ملفته لانظار الناس بصراحه
7- الشنطه واسعه جدا جدا
.................................................. ........................
السؤال هنا بقـــــــــــــــــــا
ايهما مركز صيانه كويس و محترم و زوق و بيراعى ربنـــــا اروحه ان شاء الله ف صيانه الالف علشان اقوله ع ملاحظاتى و يعالجها ؟؟؟؟؟؟؟
و انتظرونى هرفع صور لسيارتى ان شاء الله قريب

المشاركة الأصلية كتبت بواسطة midooo_119

ربنا يباركلك فيها و المشاكل ديه ان شاء الله التوكيل بيحلهالك

ربنا يبارك ف حضرتك يارب ..ان شاء الله يا ميدو اصل انا حساس اوى و بلاحظ ادق التفاصيل و دة الى تاعبنى بجد
بس المهم انى اوصل لمركز صيانه فعلا يكون محترم و بيراعى ربنا يعالج كل ملاحظاتى
و شكرا جدا ع الرد يا ميـــــــــــــــدو

ابو الفتوح توكيل محترم وبيقف خلف عملاءة يكفى ايام اللانوس ارسل مهندسين الى الصعيد وقاموا بتغيير طرمبة البنزين لبعض الموديلات مجانا وبدون اى شكوى من الناس فهذا يدل على احترامة لعملاءة وقاموا بعمل صيانة مجانية وهدايا مجانية لكل السيارات الدايو

المشاركة الأصلية كتبت بواسطة dedi

ابو الفتوح توكيل محترم وبيقف خلف عملاءة يكفى ايام اللانوس ارسل مهندسين الى الصعيد وقاموا بتغيير طرمبة البنزين لبعض الموديلات مجانا وبدون اى شكوى من الناس فهذا يدل على احترامة لعملاءة وقاموا بعمل صيانة مجانية وهدايا مجانية لكل السيارات الدايو

ربنا يكرمك رفعت من معنوياتى لان الكل بيشتكى من التوكيل ف الصيانه و خصوصا ابو رواش و الصحراوى و فيه بعض الناس بتشكر ف التوكيل بالاسكندريه و الله انا محتار ربنا يستر لما تيجى صيانه الالف مش عارف هعملها فين و انا مش من القاهرة انا من بورسعيد و المشوار اكيد هيكون بعيد عنى

المشاركة الأصلية كتبت بواسطة cobrahi

ربنا يكرمك رفعت من معنوياتى لان الكل بيشتكى من التوكيل ف الصيانه و خصوصا ابو رواش و الصحراوى و فيه بعض الناس بتشكر ف التوكيل بالاسكندريه و الله انا محتار ربنا يستر لما تيجى صيانه الالف مش عارف هعملها فين و انا مش من القاهرة انا من بورسعيد و المشوار اكيد هيكون بعيد عنى

يا باشا ربنا يكرمك وصدقنى اختيار موفق واتمتع بالعربية
بس المهم ماتبخلش علينا بتقاريرك عن العربية ورايك فيها لانة دة مهم جدا