مشكلة ضعف السحب فى لانوس 2002- افيدونى من فضلكم

**ماسبيرو** · 17-07-2014 08:03 AM

انا اشتريت سيارة لانوس 2002 من شهر ونص ودى اول عربية اركبها وما عنديش خبرة بالسيارات ظهرت معايا المشاكل الاتية :
العربية سحبها فى البنزين ضعيف وصوتها بيعلى وانا طالع بيها ولما بنقل على الثانى وكمان لما برجع للخلف بترجع بصعوبة ولما بجى انقل على الغيار الرابع بدوس بنزين والسرعة تفضل ثابتة لفترة وبعدين تبدأ تزيد
لما بمشى فى طريق مش مرصوف بسرعة بطيئة بلاقى طأطأة فى الدبرياج
والعربية بتحدف منى خصوصاً ناحية الشمال
أفيدونى من فضلكم ويا ريت كل مشكلة تقولولى اروح عند مين ولو يكون حد فى طنطا

تم تعديل العنوان ليتناسب مع المحتوى
م ب 8

**J A G U A R** · 17-07-2014 08:18 AM

اول مشكله عايزه طقم دبرياج

**john55** · 17-07-2014 11:33 AM

المفروض اول حضرتك ما اشترتها تعمل الاتي تغير زيت العربيه البوجيهات الفلاتر تربط عفشه والعربيه بعد كدا هتبقي تمام معاك

**hon** · 17-07-2014 01:30 PM

اولا الف مبروك العربية
بالنسبة لضعف السحب فى شوية خطوات لازم تتعمل:-
1-تروح لميكانيكى يفك البوابة والمنافولد وينظفهم وبعد كدا فلتر هواء وفلتر بنزين وطقم بوجيهات وتفول العربية 92 حتى لو بتستخدم 80 وخلى بالك بنزين 80 بيحط انطباعة المميز على العربية بالسلب طبعا
2- حضرتك حتجرب اكيد فى فرق وصوت الماتور هدى لسة السحب وحش حنروح لموضوع كبير شوية وهو طقم الدبرياج ولو هو عندك بايظ نصيحة هات الاصلى لازم ولو حتصبر شوية لو الطقم غالى عليك هو فى حدود 700 جنية بس لابد من الاصلى
3- ربط العفشة وضبط الزوايا وتراجع على الكاوتش وبكدا يبقى كلة تمام
تحاتى