الموضوع: العربية بتبطل لوحدها!!!!!!!!!!

السلام عليكم :

عربيتى صنى 2010 , كنت ماشى بالعربية على طريق سفر و فجأة العربية لقيت ال rpm بيجيب 0 و بعدين يطلع تانى بس العربية موقفتش , حصلت 3 مرات فى عشر دقايق المهم وقفت دقيقتيين و دورت و كملت الطريق حوالى 100 كم و المشكلة محصلتش تانى . فى نفس اليوم مشيت 10 كم و العربية وقفت و لما بدورها بتدور و بعدين توقف تانى , كان معايا تقريبا 25 % من التانك , شكيت يكون البنزين اللى فولته فيه مشكلة و فعلا روحت ملى ازازة بنزين و حطيتها فى التانك و فعلا العربية مشيت بعدها . عديت على كهربائى ركب معايا العربية و جربنا المشكلة محصلتش خالص و كانت بتسحب قالى تلاقيها وسخة بنزين.

طمنونى يا جماعة المشكلة فين او ايه الاحتمالات

شكرا