الموضوع: تكيف لي الماروتي

المشاركة الأصلية كتبت بواسطة joly010

بخصوص تكيف الماروتى انا لدى سيارة ماروتى موديل 2008 قمت بتركيب تكيف لها فى البداية ذهبت للتوكيل وعرفت ان التكيف بيركب بحوالى 5000 جنيه فذهبت لوكالة البلح مع فنى تركيب النكيفات وصيانتها واشتريت كل مستلزمات التكيف وكلفتنى 1500 جنيه وهى للعلم مفكوكة امامى من سيارة سوزوكى ماروتى موديل التسعنيات سيارة استعمال خارج والمصنعية كلفتنى 500 وشويه خراطيم بتاعت الضايو لان خرطيم التكيف بتاعتها موجودة فى التوكيل بس ومش بيبعوها بس بتاعت الضايو بتركب عليها ومستلزمات بحوالى 250 جنيه يعنى التكلفة النهائية 2250 تقريبا .

بالنسبة لسحب السيارة على الطرق السريعة لا اشعر بفرق لكن داخل الشوارع والمشى البطىء طبعا احس بفرق بس للامانة مش كبير عن الاول بس بيقولو الماتور بيهلك من الماشى البطىء مع التكيف بس سورى فى التعبير اللى عايز الدح ميقولش اح هههههههههه وللعلم انا ركبت هيونداى اتوس هى مكيفة وداخل شوارع القاهرة والزحمة بتحس ان السيارة عايزة تتجر لما اكون مشغل التكيف انا سيارتى افضل منها بالرغم من انها 800 سى سى هذه هى تجربتى

الحاجة الوحيدة اللى دوختنى لحد لما ارتحت هى سير الدينمو وسير الكمبروسر بتاع التكيف انا عانيت لحد لما لقيت سيور مش بتتمط من الحرارة انا جربت كل الانواع وجبت الكورى واليبانى والتركى
ومفيش سير مشى معايا كويس وبقالى كتير اوى معايا غير السيور الصينى اللى بــ 5 جنيه والله كلامة صدق . وجبته منين من جنب محمد ذكى بتاع قطع غيار السوزوكى فى واحد فاتح بس بيبيع حاجت السوزوكى بس الصينى منها وللعلم ارخص وبتعمر عن الحاجات اللى عند محمد ذكى


هذه تجربتى الشخصية وحبيت انقلها لكم انا سيارتى موجودة معايا حتى الان وبفكر اجنطها لو حد مر بتجربت الجنوط ياريت يكتبلى عن الماقاس الممتاز اللى مايأثرش على العفشة سيارتى من 8/2008 الى الان 2/2010 عملة 32000 كيلو متر تقريبا

كنت عاوز رقم تليفونك عشان اكلمك على جاجتين
1- عاوز اركب تكييف زى ما انته عملت بالظبط انا ماروتى 2009
2- عاوز اشوف الجنوط بتاعتك عشان احتمال اشتريهم لو حالتهم كويسة لانى عندى جنوط مش مظبوطة

0119449863
aymanay32@yahoo.com

المشاركة الأصلية كتبت بواسطة omaroof

بعد بحث وسؤال حول موضوع التكييف وجدت مفاجأت
1- العربيات اللى بتيجى مصر من مصنع الهند هى هى المكيفه اللى فى الهند بس بيشيلو الكمبروسر وبعض الحاجات بتاعة التكييف وده بيتم فى المصنع اللى فى الهند حسب الاوردر( موش بتتشال فى التوكيل هنا)
2- المصنع بيطلعها موش مكيفه لان طلب المستورد كدا بس لو حبيت تركب تكييف بتركب الكمبروسر والسير بتاعه ووصلة الكهربا وعشان كدا اللى بيشترى ماروتى هنا بيلاقى كهربتها عاليه شويه لانها مظبوطه من المصنع على تشغيل التكييف
3- اللى يركب تكييف ومعاه 4 او 3 تخان ويحس انها تقلت شويه مايشغلش التكييف وهى سحبها حايبقى عادى اكنها من غير تكييف وده طبعا جوه البلد لانها على الطرق السريعه مابتتأثرش
المعلومات دى اخبرنى بها مهندس هندى (مالبارى) وقالى ان المصنع عندهم فى مدينتهم وهو اللى قالى كمان ان نسبة مبيعاتها فى الهند جامده وبتنافس شركة تاتا الوطنيه فى العربيات الصغيره ( عربيات المدن)
ارجو انى اكون قدرت افيدكم وشكرا

اولا باشكرك جدا جدا
ثانيا برافوا عليك لانك بهذا الكلام اثلجت صدرى و طمنتنى انى ممكن اركب تكييف
و ياريت اعرف بكام و فين
ايمن
0119449863

بصوا يا جماعه خلينا منطقيين
المحرك ليه قدره معينه تكفي لحركه العربيه بسرعه معينه و لحموله معينه
و التكييف حمل عليها بلاشك و ده كلام نهائي
لكن اللي ركب تكييف و مأثرش عليه ده اكيد لسبب واحد مفيش غيره
ان السائق دائما بيكون لوحده في العربيه او بالكتير معاه واحد كمان
فبتكون المحصله فردين راكبين و 32% سحب للتكيف من قدره المحرك يبقي تقريبا كأنها ماشيه مركبه 4 افراد و ساعتها يكون تقريبا الحموله كده كامله
يعني باختصار
التكييف يركب في حاله اللي مش معاه حموله
يا رب اكون قدرت اوصلكم قصدي

تقبلوا تحياتي
مهندس ميكانيكا