ينفع اركب تكيف في الماروتي؟؟؟؟
التوكيل بيركب وبيقول ان في اصلان ماروتي بتنزل بي تكيف؟؟؟؟؟؟؟؟؟؟؟؟
عرض للطباعة
ينفع اركب تكيف في الماروتي؟؟؟؟
التوكيل بيركب وبيقول ان في اصلان ماروتي بتنزل بي تكيف؟؟؟؟؟؟؟؟؟؟؟؟
هو ينفع بس انت كده هتقتل الموتور لانه 800 سى سى يعنى يدوب يمشى العربية تيجى انت بقى حضرتك تركب تكييف وملحوظة التكييف بياخد 32% من عزم وقوة واداء الموتور يعنى اخرك 6 شهور وتقول يا رحمن يا رحيم على العربية .... نصيحة اخوية بجد ابعد عن تركيب التكييف للماروتى ...
وعلى فكرة الماروتى عمرها ما نزلت بتكييف (على ما سمعت) اللى بتنزل تكييف سوزوكى التو 800 سى سى بردو بس التكييف نازل من المصنع بتاعها اكيد هما ظابطينه على اداء الموتور وبردو السوزوكى التو 1100 سى سى نازل معاها التكييف ودى طبعا احسن من الـ 800 سى سى ...
اخوك يوسف
شكراّ
بس المشكلة ان شوارع مصر صعبة اويييييييييي في الصيف فا انا كنت عايزة اركب فيها اي حاجة تعمل هواء زيادة:winkiss:
انا سمعت ان الماروتى بتيجي بتكييف و بيتشال فى التوكيل
لو بصيت على التابلوه هتلاقى كل مفاتيحه راكبه و حتى المواسير الى معديه من ال fire wall راكبه
و برده سمعت ان تكييف الماروتى شغال على موتور كهربا و مبياخدش حركته من موتور العربيه, بس مش متاكد من المعلومه دى
انا نفسي بجد لو حد يعرف أو حد ركبه فعلان يقولي
علشان اقرار قبل الصيف
لاني ممكن ابيع العربية علشان مفهاش تكيف
بس انا بحبها قوي
وي بجري بيها وحلوة اوي في الزحمة فا كل دي مميزات انا حباها
الي يعرف يقولي بليز:k5:
انا اتصلت بالصيانه فى التوكيل من كام اسبوع خصوصا ان شغلى بيتطلب انى امشى مسافات كتير بالعربيه مع الحر و رمضان و اللى رد عليا قالى انهم مبيركبوش تكييف للماروتى خالص ومش عارف دا واحد صنايعى ميعرفش و بيفتى ولا دا فعلاو بالنسبه لموضوع التكييف انه ممكن يقتل العربيه فانا عايز اعلق على الموضوع دا انزى ما الالتو بتنزل بتكييف متظبط عليها الماروتى هيتجابلها التكييف بتاعها و ابسط دليل على ذلك ان الماروتى 95 كانت بتنزل مكيفه و كمان الماروتى لما بتنزل فى الهند دايما بتنزل مكيفه وممكن للى عايز يتاكد يدخل على موقع الشركه
ونقطه تكييف الكهربا دا مافتكرش انها صح لسبب ان انا دورت ودخت فى المحلات و النت على حاجه تنفع لعربيتى و ملقيتش كل اللى عرفته ان التكييف الكربا دا بينزل فى العربيات الhyprid بسو ممكن اللى عايز معلومات اكتر يبحث على النت هيلاقى كلالتفاصيل
ولو حد عنده افاده تانيه ياريت مايبخلش بيها
انا اعرف واحد بيركب تكييف لماروتى عادى جدا ولا بتتأثر ولا حاجه عن تجربة وهو بيجيب نفس الكمبريسور والخراطيم والمواسير بتاعه الماروتى وبيتكلف الفان جنية بس المشكلة انه فى بنها
اللى عايز يبلغنى وانا اديله تليفونه وعنوانه
انا اتفقت معاه يركب لى بعد حوالى اسبوعين عقبال ما اجمع المبلغ وهو ورانى واحده موديل 94 كانت عنده مركب لها وكانت تحفة وركبنها ومشينا بيها ولا الهوا عادى جدا ما تفرقش عن اللى معايا حاجه وانا اصلا رحت له لما ركبت عربية واحده جارتنا كانت راحت عنده وركب لها تكييف واستغربت جدا لما لقيتها موديل قديم وفيها تككيف فحكت لى عنه وادتنى عنوانه وتليفونه وهى مركباه عنده من 4 سنين من ايام ما كان ب 900 جنية فقط وبتقولى عادى جدا ما فيش فرق ولا مأثر على العربية ولا حاجه وعمرة ما عطل منها
العربية صغيرة جدا لتحمل تكييف..انابركب عربيات موتورها اعلى وبردة بحس التكييف متقلها
132بيبان عليها التكييف (رأي واحد صاحبي باعها للسبب ده) مع انها 1600.
لكن فيه عربيات أصغر بكتير و ما بتتاثرش بالتكييف.
المقصود: التجربة العملة هي الي تفصل و ده ممكن نعرفه من حد يكون ركبه قبل كده زي ما الأخ noni67 قال.
انا جزورى من بنها وكنت عايش فيها لحد ثلاث سنين فاتو والان انا عايش فى محافظة 6 اكتوبر لظروف شغلى
انا كنت ومازلت ساكن على كورنيش الرياح التوفيقى عارفة
يا خسارة مش من بنها!! طيب بتاع التكييف فين في بنها؟ عاوز أكيف الشاهين:sifone:
انا اظن اهم حاجة ان يكون التكييف يبانى علشان بيكون خفيف علي المتور علشان كده لو عربية شاهين و مكيفة من المصنع بيخرب المتور بدرى و ده لانه تكييف مصانع و برضوة بالنسبة لللادا نفس الحكاية
و الله اعلم
بصراحة انا كنت استشرت الاخ سبعاوي و هو كان محايد ( قاللي ما تنتظرش حرارة أقل من 24-25 ) لكن لم يرفضها قطعا. فأنا اتشجعت و قلت اشوف واحد محترم.
:sorry:شكل صاحب الموضوع هايجيلي بنها يضربني. sorry
المهم ياجماعة انا بكلم على الماروتي مش عربية تانية وكمممممممان موديل 2007 وكل لما العربية تكون حديثة اكيد بتكون تجهيزات التكيف من الداخل افضل و خصوصا ان الماروتي بتنزل بره بى تكيف
يا جماعه
الراجل اللى باتكلم عليه اسمه هانى
وده موبيلة للى عايز يتأكد
0105147041
0122290300
اللهم بلغت
اللهم فأشهد
يا سارة ما تستنيش لقبل الصيف لانه هيغلى اكيد على السنة اللى جية لو انتى متوفر معاكى المبلغ الحقى ركبيه ما حدش عارف بكرة فى ايه فى البلد دى اللى ما فيهاش اى شىء يخضع للمنطق
ربنا يخليكى يا سارة مساعدة ايه بس انتى تأمرى
على العموم لو هتركبية اتصلى بيا وانا اكلمه ليكى انا اتعرفت عليه وبينى وبينك لولا انى الان باشترى شقة فى اكتوبر بدل الايجار اللى قاسم وسطى وطبعا عندنا فى اكتوبر الشقق نار كنت رحت ركبت المكيف على طول بس معلش ان شاء الله ربنا يفرجها بس انا جربت العربية مع جارتنا والمكيف مش مأثر عليها بتاتا وبما انك بنوتة يعنى لا هتجرى ولا هتتشاقى بالعربية يبقى مش تقلقى انتى يهمك تبقى قافلة الزجاج عليكى ومشغلة التكييف وخلاص
ميرسىىىىىىىىىىىىىىىىىىىىى ى على أيه امتى تأمرى
يا جماعة الطبيعى انه يركب على اقل حاجة على 1300 سى سى
ومعلومة :
التكييف بياخد سحب 31% من عزم وقوة وسحب الموتور
اخوكم يوسف
Did anyone install AC
يا شباب ايه الاخبار؟حد ركب التكييف ولا لسة؟ ويا ترى فى ابورواش بيتركب بكام؟
على فكرة انا كلمت التوكيل وقالى يركب عادى وادانى نمرة مهندس فى شركة فى الدقى متعاقدين معاهم على تركيب التكييف للماروتى وكلمت المهندس وقالى ان التكييف بياخد فقط 10%من قوة المحرك موش اكتر ..وقالى ده اقل من وزن فرد واحد فى العربية وانه بيتكلف 3500 جنيه وبياخد وقت حوالى يومين وعليه ضمان سنة... حد عنده عليق على الكلام ده؟:3mla:
طب ما والله ده كلام كويس ياشباب ,, ايوه كده خلو الأزاز يتقفل شويه !!
الواحد حاسس انه بيبقى مش عاوز يفتح الأزاز ع الأخر ,, بيبقى عاوز يفتح الباب كمان لو ينفع !
ربنا يبشركو بالخير يا شباب :)
بصوا يا جماعه خلينا منطقيين
المحرك ليه قدره معينه تكفي لحركه العربيه بسرعه معينه و لحموله معينه
و التكييف حمل عليها بلاشك و ده كلام نهائي
لكن اللي ركب تكييف و مأثرش عليه ده اكيد لسبب واحد مفيش غيره
ان السائق دائما بيكون لوحده في العربيه او بالكتير معاه واحد كمان
فبتكون المحصله فردين راكبين و 32% سحب للتكيف من قدره المحرك يبقي تقريبا كأنها ماشيه مركبه 4 افراد و ساعتها يكون تقريبا الحموله كده كامله
يعني باختصار
التكييف يركب في حاله اللي مش معاه حموله
يا رب اكون قدرت اوصلكم قصدي
تقبلوا تحياتي
مهندس ميكانيكا
أنا شاعر من كلمكم أن مفيش حد جرب من ألى بيقول رأيه بصرف النظر عن الآستاذ الى حكلنا عن تجربة جارتة فى تركيب التكيف بيتهيئلى أن تأثيرة مش هيبان فى ساعتها هيبان بعد فترة
اصل اكبر دليل ان الشركه بتاعتها عاملاها من غير تكييف
نحسبها بالعقل يا شباب
احنا علشان نكيف غرفة 3 * 4 متر فى منزل (36 متر مكعب بعتبار ارتفاع 3 متر) بنحتاج تكييف 1.5 حصان ، طيب ، لو بصينا على العربية هنلاقى ان مساحة الصالون كله حوالى مترين * متر ونص فى ارتفاع متر ونص، يعنى 2*1.5*1.5 تساوى 4.5 متر مكعب، صحيح ان الأحمال الحرارية على السيارة اكتر علشان مساحة الزجاج وعشان الجدران صاج، لكن خلينا نقول اننا محتاجين تكييف 1.5 حصان (اللى بيكفى 8 أضعاف حجم الغرفة فى المنزل) ، يبقى هناخد من المحرك 1.5 حصان ، قدرة المحرك القصوى 38 حصان ، خلينا نقول اننا بنستعمل المحرك فى المتوسط بنصف قدرته القصوى ، يعنى 19 حصان، يبقى انا هاخد من ال19 حصان دول 1.5 حصان، يعنى أقل من 10% من قدرة التشغيل العادى وأقل من 5% من القدرة القصوى
وبالتالى نظريا لا يوجد اى ضرر من تركيب التكييف، وعمليا السيارة بتنزل فى الهند وباكستان مكيفة من قديم الأزل وبدون مشاكل، والأجيال الأولى منها كانت بتنزل منها مكيفة، لكن حاليا مش بتنزل مكيفة علشان ترويج الألتو
أسمحولى هنا يبقى السؤال الأهم أين يفضل تركيبه فى التوكيل أم خارجه ؟؟؟
شكراً على التوضيح يا أستاذ سبعاوى بس بيتهيئلى أنه كلام نظرى إلى حد ما فى التطبيق العملى و مع مرور الوقت و الآستعمال هيبان أكتر سواء التأثير أو عدم التأثير على الماتور
انا متفق مع مهندس سبعاوي. الحساب يكون بالعقل مش بالفتي. والملاحظه انها بتنزل بتجهيزات التكييف والمروحه بتاعتها ماشاء الله ممتازة. يعني لو التكييف فكره فاشله بالنسبالها كان مصنع الهند وفر تكالييف المروحه ووحدة التحكم اللى في التابلوه. بمعنى اخر هى طبيعي جدا انها تكون مكيفه بس عشان توفير النفقات في بلدنا الجميله بنستوردها بدون تكييف لتقليل السعر.
و800 سي سي عادي يركبله تكييف زي الماتيز اللى بقالها 10سنين شغاله زي الفل وبتكييف حلو جدا والسبارك وحتى الشيري كيو كيو الصيني بتكييف وحلو كمان.
انا مع ان التكييف مش هيعمل مشاكل. لكن المشاكل الحقيقيه في التركيب. لو فيه حد بيفهم وسعره معقول هتلاقي كل الناس ركبت التكييف. انما 3500 و4000 كتير جدا جدا على عربيه سعر المستعمل النضيف منها حوالين 27 الف يعني التكييف ب حوالي 15% من تمن العربيه. كتير جدا
التكييف بتاعها ب 3500 جنيه سألت عليه وبياخد يومين تركيب!!!!!!!!!!!!!!!!
حضرتك سالت فين وياريت نمرة التليفون. والكمبروسر ايه؟ وهل عليه ضمان؟