الموضوع: مساعدة فى شراء سيارة مناسبة لشوارع مصر المحروسة

المشاركة الأصلية كتبت بواسطة pioneerahmed

انا بختلف مع حضرتك تماما
اولا التسارع بتاعها قوي جدا و يمكن افضل من تسارع السيفيك في الطلعة بتاعتها بس فوق ال 100 ضعيفة فعلا وبردو مفيش عربية 1600 ممكن تتقارن بالسيفيك في التسارع فوق ال 100
ثانيا المساعدين بتوعها انا معاك انهم ناشفين و دة لانهم اصلا مش ياباني بس احنا بنغيرهم بمساعدين kyb احسن و انعم بكتير و ارخص كمان بس كون انهم مش بالفاعلية لا طبعا

ثالثا قطع الغيار بتاعتها الاستهلاكية ارخص قطع غيار في اليابانى كلة و بتحدي اى حد
انما لو اتخبطط هتلاقيها غالية سنة عن المتسوبيشي و التويوتا انما قطعا ارخص من الهوندا و الدايهاتسو و السوزوكي و النيسان لكن بردو ليها بدائل عن الاصلي كتير

رابعا العزل بتاعها و ان كان كويس جدا و افضل من اللانسر و الصني اما السيفيك افضل منها في موضوع العزل و الى بيبان بعد سرعة 120

خامسا انا متفق معاك انها ضيقة من الكنبة و الشنطة انما قدام واسعة جدا

سادسا العربية قعدت معايا 4 سنين و الله العظيم عمرها ما وقفت منى ولا مرة دة قاعدة الموتور مرة اتكسرت مشيت عليها شهر لحد مفضيت و غيرتها و دة و هي ماشية 155000 كم و مكانتش غالية كمان كانت بحوالى 650 جنية بس انا استخسرت و جبتها تايوانى ب 250 او 300 تقريبا
على فكرة وجهة نظري دي عن تجربة 4 سنوات مازدا 3 و سنة لانسر و نيسان و سيفيك يعنى مش وجهة نظر فرجة

الخلاصة ان حضرتك لو حبيت تقارنها بالكورى اكيد تكسب في حاجات كتير و كمان لو قارنتها بالسيفيك 2008 هي افضل كاعتمادية و تحكم و متانة الصاج و الاوبشنز و فرق سعر النص تقريبا في كل حاجة

شكرا لك على حسن تواصلك وردك المهذب الذى ينم عن شخصية محترمة وتناقش بهدوء وتراعي مشاعر الاخريين فتحية طيبة مني لسيادتكم على حسن تواصلكم معي
ما اسلفته من عيوب كانت من تجارب ملاك لها لانني لم اجربها شخصيا ولكن برايكم السديد سوف اعيد نظر اليها مرة اخرى كخيار اجابي
تقبل تحياتي