عيوب كروس 2015

**محمد السنوسى** · 23-07-2014 10:27 PM

المشاركة الأصلية كتبت بواسطة islamfouda

روح اتفرج عليها من جوه كويس و قرر
بس هو تقفلها وحش مقارنه بايه؟ يعني بتقارن بعربيه بنفس مستوي السعر ولا حاجه تانيه
عن نفسي شايف ان هي تقريبا نفس مستوي تقفيل اللوجان و البيرسونا
في الاخر حدد احتياجاتك و امكانياتك وقارن و قرر بنفسك و سيبك من اللترس اي عربيه و السمعه العمياني اللي في السوق

ربنا يوفقك

شكرا للإفادة ححاول أدرس الحوار كويس ان شاع الله خير

**Eng.M_Mousa** · 24-07-2014 02:06 AM

طب ايه اخبار توفر قطع الغيار وهل العربية منتشرة ولا لأ انا مش بشوفها كتير بس بصراحة شكلها تحفة

**محمد السنوسى** · 29-07-2014 10:24 PM

لا هى انتشرت صراحة بس قطع الغيار صحاب العربية يفيدوك أكتر منى فيها

**Eng.M_Mousa** · 30-07-2014 02:10 AM

المشاركة الأصلية كتبت بواسطة محمد السنوسى

لا هى انتشرت صراحة بس قطع الغيار صحاب العربية يفيدوك أكتر منى فيها

هي سعرها ممتاز بالنسبة لامكانياتها بس الواحد قلقان من قطع الغيار واسعارها

**hi_nmr** · 04-08-2014 07:04 AM

المشاركة الأصلية كتبت بواسطة khaledazizeg

بص يا استاذ محمد انا كنت واحد من ملاك البريليانس frv من ٢٠٠٩ وجبت عربيتين واحده ١٦٠٠ والتانيه ١٣٠٠ وبجد الشركه ديه محترمه وممتازه ولا يوجد عيب ثابت او متكرره في السياره كلها حاجات عاديه جدا وبجد عربيه تستاهل كل احترام وتقدير وانا كنت بجيب بيها سرعات عاليه ومابتحسش بالسرعه وثبات ممتاز جدا يعني انا جبت كيا سيراتو ٢٠١١ واخري بجيب بيها ١٤٠ وانا مرعوب وثبات زفت في الكيا بصراحه ونفسي اغير وارجع للبريليانس تاني

يا باشا انت كده ظالم السيراتو جدا عربيتك فيها مشكله لازم تتصلح
انا بجيب بيها سرعات اعلي من كده بكتير ازاي انت بتخاف بعد 140 !!
لازم تكشف علي عربيتك اكيد فيها مشكله

**bassemali** · 15-08-2014 04:47 AM

المشاركة الأصلية كتبت بواسطة hi_nmr

يا باشا انت كده ظالم السيراتو جدا عربيتك فيها مشكله لازم تتصلح
انا بجيب بيها سرعات اعلي من كده بكتير ازاي انت بتخاف بعد 140 !!
لازم تكشف علي عربيتك اكيد فيها مشكله

أنا بصراحه شديت مع أتنين سيراتو قبل كده ووصلت معاهم لغايه 170 و 175 وطلعوا مني وكملوا بعد كده كمان على طريق السخنه .. أكيد عربية حضرتك فيها مشكله معينه ..