صعيدي يقاضي شركة هاتف جوال بسبب نكتة ضد الفراعنة

**osama** · 18-10-2008 10:08 AM

أثارت نكتة غضب أحد أبناء الصعيد بعد أن وصلته على هاتفه الجوال، مما جعله يسارع إلى إقامة دعوى قضائية اتهم فيها رئيس مجلس إدارة شركة المحمول بسبه وقذفه والاساءة لتاريخ بلاده وأجداده، كما أفاد خبر نشرته إحدى الصحف المصرية.

وكان المعيد بكلية الشريعة عزت صلاح عبد العزيز تلقى رسالة عل هاتفه المحمول من رقم تابع لإحدى شركات الهاتف الجوال والخاص بإرسال الرسائل الفكاهية لعملائها مضمونها "ليه الفراعنة كانوا عيال؟؟.. علشان بيكتبوا ويشخبطوا علي الحيطة".

واعتبر عبد العزيز تلك النكتة سباً وقذفاً لشخصه لكونه مصريا وإساءة لتاريخ بلاده وأجداده الفراعنة فأقام دعواه مطالبا بمعاقبة رئيس مجلس إدارة الشركة بصفته المسؤول عن وصول هذه الرسالة لهاتفه والزامه بدفع تعويض مؤقت قدره 51 جنيها "حوالي 9 ولارات".

وذكرت صحيفة "الجمهورية" التي أوردت الخبر أنه تم تحديد جلسة 15 نوفمبر/ تشرين الثاني القادم للنطق بالحكم في الدعوى برئاسة المستشار شريف كامل رئيس محكمة جنح بولاق أبو العلا وحضور سيد حامد وكيل أول النيابة وأمانة سر ياسر مدني.

**shanodaa** · 18-10-2008 04:44 PM

وفيها ايه اكيد هو عايز يدخل الاضواء وينشهر

**ESO_POP** · 18-10-2008 04:52 PM

طيب ما كان يطلب كارت شحن ب50 حتى كانوا بعتوه بدل الهبل ده

**shanodaa** · 18-10-2008 04:56 PM

المشاركة الأصلية كتبت بواسطة ESO_POP

طيب ما كان يطلب كارت شحن ب50 حتى كانوا بعتوه بدل الهبل ده

في ناس كده تحب الهبل
وعايزه تتشهر وممكن يطلب تعوييض من الشركهيرسموه علي كروت الشحن

**Bossy_Fadl** · 18-10-2008 05:18 PM

ههههههههههه

لا حول و لا قوة الا بالله

ده اكيد فاضي اوي مواراهوش حاجة

ما النكتة بقالها مليون سنة محدش علق عليها ليه

و بعدين هو ساب كل النكت اللي عن الصعايدة (و هو اصلا صعيدي) و مسك في نكتة الفراعنة:k48:

عادي يعني ما كلنا مصريين و بنسمع كل يوم نكت عن صعايده و فلاحين و محدش بيعمل بروباجاندا فظيعه كده علي نكتة مع انه من باب اولي بقي لان كل المصريين يا صعايده يا فلاحين

ربنا يهديه

ميرسي لحضرتك يا استاذ اسامة

بوســــــــي

**abzoabzo** · 19-10-2008 04:46 PM

على فكرة ممكن يحولوه للكشف عن قواه العقلية احنا من العالم الثالث يا استاذ نحيى فى زمن الفوضى انت مش واخد بالك ولا ايه

**ahmed_su** · 19-10-2008 05:03 PM

مش عارف ليه افتكرت المثل الشعبى اللى بيقول

"يابا علمنى الهيافة ..قالوه تعالى فى الهيفة وتتصدر"

يعنى ساب كل البلاوى والاسائات على البلد والدين و الناس ..وو.... الخ وزعلان قوى على نكتة على الفراعنة ....
حاجة تنقط والله العظيم