مفيش اخبار جديدة علشان عايز اغير للزيت داة
عرض للطباعة
مفيش اخبار جديدة علشان عايز اغير للزيت داة
منين جايبه والموزعين فين
عشان تعرفوا اني سبقت الجرايد :) هههههه
http://nileup.com/up/uploads/nilemotors_14077702131.jpg
يادى النيله كل شويه يقولو الحمايه الكامله فى الزحمه و الاختناقات المروريه :(
طب اللى عايز يجرى و يسافر يشوف حاجه غيره ولا ايه
ربنا يسهل ويكمل معاك الـ15 ألف كيلو
بس ليا ملحوظة صغيرة...
الزيت ده ما هواش Fully Synthetic
من اللي مكتوب على العبوة اللي حضرتك مصورها نقدر نشوف إنه مكتوب عليها Synthesis
وتحتها مكتوب HC-Synthese .. ودي كلمة ألمانية معناها Hydro-cracked Synthesis
وبعد بحث على الإنترنت وجدت الآتي:
الزيت ده يعتبر زيت معدني مفلتر ومعاد تكوينه بطريقة تخليقية
ألمانيا هي البلد الوحيدة في العالم اللي ما بتعتبيرش الزيت ده تخليقي.. أو بمعنى أصح .. ممنوع قانوناً يتكتب عليه "تخليقي Synthetic"... إنما في بقية دول العالم بيكتبوا عليه تخليقي على أساس إنه معاد تكوينه
بس هو في الأساس زيت معدني...
لو رجعنا لتصنيف الزيوت في الـAPI .. هنلاقيهم عاملين 5 مجموعات للزيوت.. مجموعة 1، 2، 3 زيوت معدنية.. وكل واحدة فيهم ليها خصائص معينة
ومجموعة 4، 5 هما بس اللي زيوت تخليقية
الزيت بتاعنا هنا يعتبر من مجموعة 3
مش معنى ده إنه وحش... بالعكس.. ده كويس جدا...
بس المفترض يكون سعره أقل من الـFully Synthetic
الميزة الأساسية اللي أنا شايفها في الزيت ده إنه بيلبي احتياجات أغلب العربيات الجديدة تقريبا..
ومكتوب إنه معتمد من مرسيدس، فولزفاجن، بورشه، BMW، أوبل، فيات
بس ما ينفعش للعربيات الفرنساوي
...
يعني العالم كلة بيقول علية تخليقي ماعدا المانيا بتقول لأ
يعني هو اية ؟ معدني !!!
اصل لو معدني حروح انزلة بكرة دة انا اكتر حاجة شدتني لية انة تخليقي و sn
دة طلع كلة جروب3 حتي الكاسترول و الموبيل1 الجديد
PAO is a Group IV synthetic base stock called Polyalphaolefin that was used to make synthetic oils. However, when Castrol starting using Group III base stock (which is hydro-cracked mineral oil) and calling it synthetic, then Mobil filed a lawsuit against Castrol for false advertising. Mobil lost the lawsuit, and hence forth companies which use Group III base stocks are allowed to call their oil synthetic in the USA (but not in all countries). Many synthetic oils sold in the USA have both Group III and PAO Group IV stocks, but it is difficult to find out how much is Base III and how much is PAO Base IV (or above) is actually in any particular oil. It is my understanding that in the EU, an oil sold as synthetic must be Group IV or above, hence you have M1 ESP and we don't.
Most major oil companies such as Pennzoil, Castrol, Mobil 1 are not fully synthetic. Most are hydrocracked oils that perform similar to FULLY synthetic oils. Truly synthetic oils ( Group VI and V) are Amsoil Signature Series and Redline oils. To answer your question Mobil 1 is not fully synthetic but it does contain some synthetic base stocks. Just not fully.
Sent from my SM-C115 using Forum Runner
زيت ممتاز
حطيت زيت بيزول وانشاء الله نتابعكم بالاخبار
متابع
اخبار الزيت اية مع اللي حطة
اكبر مميزات الزيت دة بالنسبة ليا
ان في الزحمة و الحر و مشغل تكييف العربية فايقة
Sent from my SM-C115 using Forum Runner
ازيك يا باشا . عندى سؤال . ليه كنت عايز تحط 5w30 ؟ ﻻنه انا بعد زيت الفابريكه حطيت 5w30 و لقيته بالعافيه موبيل 1 sn برضه و العربيه استريحت عليه جدا صوت موتور و نعومه و سحب . لكن بيقعدوا ينصحوا ب 5w40 و يقولوا الحر برغم انه اللى كان فيها 5w40 و كان مكتف العربيه .و صوت موتور عالى و نيله مع التكييف .
برغم انه اعرف انه العربيات الحديثه احسن لها 5w30
تحياتى :)
عشان خلوصات الموتور ضيقة ومحتاجة زيت خفيف يوصل لكل الاجزاء
بس مشكلة ال 30 بالنسبة للصيف عندنا ان اخرة درجة حرارة 45 و بعد كدة بيتبخر و يخف جدا لدرجة انة بيزود الاحتكاك بين الاجزاء
في الشتا حنقل عال 30 ان شاء الله
ال 40 بيحافظ علي خواصة لحد درجة حرارة 55 مئوية
انا عارف ان درجة حرارة الموتور المفروض ثابتة لكن مع التراب و التحميل و الحر و السفر غصب عنة الزيت حيواجة تحدي صعب. فالافضل زود لزوجتة درجة عشان لما يخف ينزل للزوجة ال 30
Sent from my SM-C115 using Forum Runner
اسمحلي أعلق على كلام حضرتك
الحقيقة إن درجة لزوجة الزيت ليها ارتباط فعلا بدرجة الحرارة الخارجية...
بس مش على الإطلاق
الأصل والمرجع في الكلام ده هو الكتالوج.. ولا شيء آخر
لو الكتالوج بيوصي بزيت معين فالأفضل هو إنك تستخدمه
وأغلب الكتالوجات الجديدة بتوصي بزيوت خفيفة زيت الـ5w-30 على جميع درجات الحرارة
زي كده
http://nileup.com/up/watermark.php?s...318243.png&p=c
...
شكرا لردك يا ريس :) . بس علميا درجة حرارة الجو ليس لها تأثير الا فى بداية التشغيل فقط . بعد كده لما درجة حرارة الموتور بتعلى و تاخد وضعها الطبيعى بتكون اعلى من درجة حرارة الجو بكتيررر و لو زادت درجة حرارة الموتور عن المعدل بتاعها بتأثير حرارة الجو او الحموله او ...... . هنا سبستم التبريد بيشتغل بتاع الموتور و يرجعها لمعدلها و اذا ما قدرش يبقا ﻻزم العربيه تقف و بيديلك انذار . اذا كل لزوجات الزيوت ﻻزم تستحمل درجو حرارة الموتور اللى بيوصلها . يعنى لو بنفترض انه درجة حرارة الموتور الطبيعيه اللى بيوصلها 400 فى الصيف برضه هاتكون 400 فى الشتا .
يبقا الزيت اللى لزوجته خفيفه او مناسبه للمواتير الحديثه احسن لانها هاتعمل تزييت احسن للمناطق الصعبه و الدليل لما بتحطها صوت الموتور الخشن بيقل ﻻن الاحتكاك اصبح اقل لوصول الزيتللاجزاء اسرع .
تحياتى :)
ممتاز ,,,, دى اول مرة اشوف chart لل 30 كاسر الاربعين عجيبة
طب دول اية ؟ ولية الدرجات متفاوتة للعلم انها كلها مواتير بنزين مش سولار .
http://nileup.com/up/uploads/nilemotors_14088909271.jpg
http://nileup.com/up/uploads/nilemotors_14088909272.gif
والله كلهم معتمدين ومن مواقع محترمة .
بس توضيح ... درجة الحرارة مش معتمدة بس اثناء التشغيل.
الاقل هي اللي اثناء التدوير
الاعلي اثناء الشغل و الحركة
انا كنت راسلت GM رد عليا واحد منهم رد عجيب
طلب مني متوسط درجة حرارة البلد
قولتلة الواطية تقريبا صفر و القصوي 50
و سرعات عالية و تراب و تكييف
صنف استخدامي ك extreme condition وقال
10w30
or 5w40
or 5w30 ( check level always )
Sent from my SM-C115 using Forum Runner
شوفوا بقي الغتاتة
كاتب ال 30 يفضل استخدامة بس روح للزوجة اعلي في الجو الحر !
دة كان جزء من النقاش على منتدى اجنبيى و صاحب الرد كان representeter لشركات زيوت
5W-30 is fine if you don't push your car hard however if you're chipped or run the car hard on occasion, go with a 5W-40 or 0W-40.
http://nileup.com/up/uploads/nilemotors_14088946552.jpg
http://nileup.com/up/uploads/nilemotors_14088946551.gif
انا متفق مع كلام استاذ ياسر ان الفكره كلها في الرقم الصغير عشان بداية التشغيل لكن لما المحرك ياخد درجة حرارته مش هتفرق كتير درجة الحرارة الخارجيه ..
لكن بالتاكيد زيت المحرك له دور في تبريد المحرك وكل ماتكون اللزوجه اعلى هيكون فيه مقاومه وتحمل اكتر لارتفاع الحراره وبالتالي 5w30 ممكن خواصه تتاثر ويكون نسبة البخر فيه اعلى مع ظروف القياده الشاقه ..
لكن بالتجربه العمليه انا جربت mobil 1 5w30 والحمدلله احتفظ بلزوجته ومانقصش خالص طول ال١٠ الاف كم ومدة ٥ شهور من شهر مارس الى اغسطس .. وكان فيه توفير في الوقود بسيط ودي الميزه الوحيده اللي لمستها غير كده كنت بحس صوت الموتور اعلى ومش بالنعومه المعهوده مع ال 5w50 .. وبناء عليه قررت استخدم 5w40 وخير الامور الوسط .. ماشي عليه ١٥٠٠ كم للآن والفرق للافضل في صوت المحرك وجاري التقييم وبرضو اطمئنان اكتر في الحر والتكييف والجري والحرق ووو بدل مالوسوسه تشتغل وتبقى مش عارف الموتور بيحصل فيه ايه .. Caltex havoline 5w40 SN
ممتاز حتى الآن .. كالتكس اسم معروف في مصر والعالم وعمر ماحد اشتكى من زيوت كالتكس هافولين .. ومستورد بالكامل من مصنع chevron في الصين وكاتبين عليه full synthetic , API SN
اسف للاطاله
تمام يا باشا . ده اللى اقصده . بس حصل معايا العكس لما استخدمت موبيل 1 5w30 فورميولا و هو ده اللى ﻻقيته بالعافيه . الموتور صوته هدى جدا لدرجة انه مش باكون عارف العربيه شغاله و ﻻ ﻷ و السحب بقا ممتاز و استهلاك البنزين اتغير من 14.5 كم/ لتر الى 16.7 كم / لتر
انا لا اعتقد انه شركات الزيوت الكبيره دى هاتعمل حاجه تضر مواتير . شركه زى موبيل ملايين و خصوصا امريكا بيستخدموها . انا عندى قريب فى امريكا معاه ليكزس حديثه و بيقول لى ما نستخدمش لزوجات عاليه برغم الصيف عندهم زى عندنا
يعنى نقدر نخرج من المناقشه مع ال charts الموجوده و من مصادر موثوقه . انه 5w30 يشتغل صيف و شتا بدون مشاكل نسبيا . لانه كل الحديث دلوقتى اللزوجه دى شغاله معاه ممتاز بسبب خلوص البساتم القليل علشان يطلعوا اعلى عزوم فى المحركات على اقل عدد لفات للموتور
ممكن اللزوجات العاليه تكون مضره للموتور نتيجة عدم التزييت الكويس لاجزاء الموتور الضيقه و الصعبه و يزيد الاحتكاك مع مقاومة الموتور للزوجه دى
أنا كمان أتفق مع أستاذ ياسر في موضوع إن الرقم الصغير علشان بداية التشغيل والرقم الكبير علشان الحماية أثناء التشغيل
بالنسبة لموضوع إن الـ5W-30 أو كل الـ30 عموما إنه ما بيعديش الـ40 درجة مئوية فده كان موجود فعلا في المواتير القديمة.. وأي رسم موجود فيه لزوجة الزيت بالطريقة دي يبقى حاجة من اتنين:
1- العربية موديل قديم
2- الموتور نفسه قديم لعربية قديمة وبتنتج لحد دلوقتي (زي الماروتي أو اللادا مثلا)
على فكرة... صورة الكتالوج اللي أنا رفعتها كانت بتاعت السيراتو 2014 في كندا
أنا معايا نفس السيراتو في السعودية... الـ5W-30 هو المفضل.. والـ5w-20 غير موجود في منطقة الشرق الأوسط
ده معناه إن درجة الحرارة الخارجية ليها تأثير على الدرجة العالية للزوجة بشكل أو بآخر.
علشان كده بقول دايما نرجع للكتالوج..
دي صورة الكتالوج بتاع السيراتو بتاعتي
http://nileup.com/up/uploads/nilemotors_14089717202.jpg
بصراحة ... مريحين جدا
كل درجات اللزوجة تقريبا ممكن تشتغل في العربية... المهم تلاقي درجة الـAPI المناسبة
...
متابع
طيب يبقى هما في الكتالوج بينصحو بلزوجه اعلى في المناطق الحاره
يبقى ال5w30 الاحسن تخليه في الشتا وال 5w40 في الصيف
وانا في رأيي المتواضع يفضل تثبيت درجة لزوجه واحده صيف وشتا
انا تقريبا فهمت من مشاركه سابقه ليك ان ده اول تغيير زيت بعد التليين ؟
عموما خليك متابع لزوجة ومقاس الزيت ولو كمل ال١٠ الاف كم بنفس المستوى يبقى توكل على الله وكمل بيه .. وإن كنت برضو بنصحك ب 5w40 في الصيف ويمكن النوع اللي جربته قبل كده ماكنش بالمستوى المطلوب
ده فعلا اول تغيير بعد التليين و المنصح به للموتور 5w30 بس ده قليل قوى تلاقيه و التوكيل بيحط 5w40 . موضوع الصيف و الشتا انا مش مقتنع به الا فى حالة تدوير العربيه الصبح مثلا. لان حرارة الموتور اللى بيشتغل فيها الزيت اعلى بكتير من حرارة اى جو . بس لغاية دلوقتى مستريح على التغيير ده و عامل اثر كويس
خلاص طالما العربية مستريحة على ال30 خليك علية
اصلا 5 دى مش لينا دى للبلاد اللى درجة الحرارة فيها بتوصا -25 في الشتا ... احنا ممكن نحط لحط 15 كمان لأن 15 لحد سالب 5
الفكرة بقي للمهندس borio هل لزوجة 10w30 هى هى 5w30 على السخن اثناء الشغل ولا لأ انا اقصد هل بيكون ذى متوسط دة على دة مثلا ؟
انا حاسس يا ياسر ان في حتة واقعة منك
ال 5 دى لزوجة الزيت عند درجة برودة سالب 25 مثلا . ال 30 دى لزوجة الزيت مع الشغل و درجة الحرارة القصوى ولو عدت الدرجة القصوى بيخف و يتبخر
عشان كدة احيانا بينصحوا بال 40 لو استخدامك شاق للعربية من حرق و فرك وتكييف
مش عارف هل borio متفق معايا في النقطة دى ولا لأ
و كتالوج عربيتة مديلة خيارات ضخمة الصراحة ! انا كاتب يا 40 يا 30 بس.
المرة الجاية ححط 30 و ان شاء الله اشوف الفرق. كدة كدة انا لسة عامل يدوبك 2000 كيلو علية ولسة بدرى على ال 15 بتوعة
و الله يا باشا انا كل اللى قريته عن موضوع اللزوجه ده و تأثير الصيف و الشتا و ده فى مواقع عالميه كلهم بيتكلموا على درجة حرارة الجو اثناء بداية التشغيل لكن فى خلال التشغيل و بعد الموتور ما ياخد درجة حرارته و اللى بتكون اعلى بكتير من درجة حرارة اى جو ما فيش حد علق عليها . موضوع البخر ده راجع لطبيعة تركيبة كل زيت مش راجع للزوجته يعنى تلاقى الزيت اللى بخره عالى الشركه بتضع اضافه لتحسين صفه معينه و بتكون على حساب صفه تانيه . ﻻ علاقه للزوجه بموضوع البخر ده . طيب لو درجة حرارة المواتير 400 مثلا . هل ال 5w40 يستحمل و ال 5w30 ما يستحملش ؟ ﻻزم هايكون الاتنين بيستحملوها و خواصهم ما تتأثرش و اللى اخف من كده و الاعلى هايستحملوها برضه . كل الفكره درجة حرارة جو ايه اللى مش هايستحملها الزيت اذا كان بيشتغل فى درجة حراره داخل الموتور اعلى منها مليون مره . اه فى بداية التشغيل تفرق . لكن دى الحاله الوحيده فقط اللى بتفرق فيها الجو
المره الجايه جرب 5w30 و هاتحس بالفرق لان عربيتك الموتور حديث و الخلوصات ضيقه
المفترض إن تكون لزوجة 10w-30 تساوي تقريبا الـ5w-30 عند التشغيل
بس أنا شخصيا بافضل الالتزام بالكتالوج في كل شيء يخص الزيت بالذات... ويجوز لو بيوصوا بدرجة لزوجة واحدة يكون فيه تأثيرات تانية إحنا ما نعرفهاش وهما واخدينها في الاعتبار
عموما... أتفق معاك من ناحية إن لو استخدام العربية شاق فممكن تروح على الزيت الأثقل علشان يدي طبقة حماية أفضل.
إنما موضوع تبخر الزيت ده بصراحة أنا مش بالعه... أصله هيروح يتبخر فين غير إنه يتحرق مع البنزين؟؟ (أيا كان المنفذ للسلندر)
حاجة تانية بردو لازم نحطها في دماغنا علشان "تبخر الزيت" .. يفضل إن الزيت اللي تحطه في العربية يكون مطابق لمواصفات الـACEA لإنها كلها بتشدد على إن الزيت يكون Stable... يعني ثابت وما يتحللش أو "يتبخر".
امبارح رحت أغير زيت برة التوكيل... وقلت أشوف الزيوت بنفسي عند الراجل
حسب الكتالوج... الزيت لازم يكون API بتاعه SM على الأقل وكمان يبقى كود الـACEA بتاعه A5
دورت عند الراجل.. كان عنده: موبيل 1 - شيل هيلكس ألترا - كاسترول ماجنتيك - بترومين A-1
ده غير أنواع تانية كتير معدنية وماتنفعش من ناحية الـAPI
الوحيد اللي كان كود الـACEA بتاعه A5 كان بترومين A-1 !!!!!!
أتفق مع حضرتك في إن كافة اللزوجات هتستحمل درجة الحرارة ومفيش حاجة هتتبخر...
المشكلة في وجهة نظري متعلقة بمدى الحماية اللي الزيت هيوفرها للموتور... وأنا بردو بفضل الالتزام باللزوجة المكتوبة في الكتالوج... سواء اللي بينصح بيها أو غيرها.
...
واضح انى اتسرعت حتى التوكيل مش فاهم
مسكت الكتالوج لقيتة بيقول يتحط DEXOS1
يعنى الزيوت المتوافقة مع متطلبات DEXOS1
دخلت عالنت ادور على الزيوت المتوافقة
لقيت من اللى عندنا
Mobil1 extended perfomance5w30
Mobil1 5w30
Shell helix hx8 AG 5w30
بعتت ايميل لشركة بيزول الام اسأل هل الجرين اويل متوافق مع متطلبات DEXOS1 ولا لأ
ومستني الرد
لأن حتى على موقعهم لما بحط بيانات عربيتي بيوجهنى لزيت اخر من بيزول برضوا بس مش الجرين اويل بس متوافق مع DEXOS1
هى العلامة دى
http://nileup.com/up/uploads/nilemotors_14092464151.jpg
حتى التوكيل بيحط اللزوجة 30 او 40 وخلاص مش بياخد بالوا من ال
http://nileup.com/up/uploads/nilemotors_14092464151.jpg
:fdsa::fdsa::T_thum1[1]::T_thum1[1]:
انا كدة تقريبا لبست الزيت !
:Copy of new: حتضطر انزلة لو مردوش عليا
Gm
شيفورلية كروز
والشركة المصنعة بتأكد تحط العلامة دي.