يا جماعة فين توكيل بيزول .
عرض للطباعة
يا جماعة فين توكيل بيزول .
المشكله انه خلوص البساتم ممكن يكون زاد عن الاول بسبب لزوجة الزيت 15w50 دى لزوجه عاليه بزياده على العربيه . فممكن لما تحط زيت لزوجته منخفضه زى 5w30 ينقص . فخليك فى الوسط 5w40 و بلاش توتال لانه بيعلى صوت الموتور عن تجربه . شوف شل او كاستروا ايدج او بيزول افضل . موبيل ما فيش فيها 5w40 فيها 0w40 نيو لايف . كويس برضه . بيشكروا فيه
شكرا جزيلا على نقل التجربة
زيت سىء اشتريت ال 5w40 لعربيتى هوندا سيتى 2007 عاملة 140 الف ك و التوكيل بتاع الزيت هو اللى نصحنى بيه لانى كونت عايز ال 5w30 بس هو قالى هو ده المناسب لعربيتك المهم بعد 2500 او اقل لاقيت اكتر من نص الزيت اتبخر مع العلم انا كنت حاطط قبله موبيل ولم يتبخر من شىء انا خايف يكون بهدلى الماتور المشكلة انا اتصلت بيهم وقالولى ان الدعم الفنى هيكلمك ومحدش كلمنى لو حد يعرف حد هناك يديلوه رقمى 01001375069
أنا شايف إن مشكلتك الحقيقية هي إنك استخدمت زيت مواصفاته مش ماشية مع مواصفات الكتالوج بتاع عربيتك.. وأعتقد كمان إن الزيت ده مخصص للسيارات الأوروبية وممكن جدا ما يكونش عليه تصنيف الAPI أساسا.
للأسف.. أغلب التوكيلات عايزة تبيع وخلاص.. ومش بيجيبوا ناس فاهمة يعني إيه زيوت.. وده اللي بيخلي الواحد بيحاول يفهم علشان ما يسلمش نفسه لناس توديه في داهية.
على العموم... أنصحك تقرا الموضوع ده علشان تشتري وانت فاهم
http://www.nilemotors.net/Nile/341680-a.html
...
الزيت بينقص ﻹن مواصفاته مش زي ما الكتالوج قايل...
ومع احترامي لرأيك... 100 ألف ما تعتبرش مسافة كبيرة في عرف السيارات.. وخاصة لو بتستخدم زيوت تخليقية أو على الأقل ملتزم بتوصيات الكتالوج.
وإذا كنت حضرتك بتقول الكلام ده بناء على تجربتك في عربيتك.. فده ينطبق على عرببتك والعربيات اللي فيها نفس موتور عربيتك بس.
الكتالوج الخاص بكل سيارة هو المرجع الوحيد ليها وليس تجربة ناس آخرين راكبين ماركات مختلفة من صناع مختلفين.
كده إحنا بنلخبط أبو قرش مع أبو قرشين... وأهه كله عند العرب صابون.
بعتذر يا جماعة على مشاركتي المستعجلة ولكن رأيي هذا مبني على تجربة زملاء لي كتير وبعضهم راكب عربيات ألماني
المشكلة مش في العربية وعداد ماشي كام , المشكلة إن في مصر أستهلاك العربية لو مشيت بيها 50 ألف كيلو نفس إستهلاكها لو مشيت بيها في بلد محترمة 150 ألف , العربية بتصعب عليا وأنا ماشي بيها في شارع كله مطبات
أكيد فهمتوا قصدي !!