استفسار عاااااجل جدا

**أحمد حموده** · 19-07-2014 01:40 PM

يا جماعة انا عربيتى أوبل فيكترا 95 المشكلة ان لمبة الزيت كانت بتقيد وتطفى لو ماشى بسرعه عاليه وبعديها لاقيتها بتقيد وتطفى على طول والماتور صوته عالى شوية فروحت مركز خدمة للاوبل فالمهندس قالى ان الماتور لازم يتفك حته حته عشان ده معناه ان الزيت قليل ف الماتور وعرفت ان التكلفه هتبقى عالية قلت استنى شوية لغاية ماربنا يرزقنى واعملها ومشيت بيها كام مشوار فلاقيت الماتور سخن وماية القربة بقت بتنقص كل شوية وانا ماشى فروحت البيت وركنتها بس فى ناس بتقولى ان المهندس ده بيشتغلنى وممكن تكون طرمبة الزيت وحاجه تانية صحيح المهندس كان قالى اننا هنغير طرمبة الباور هى كمان عشان صوتها عالى

فكنت عايز اعرف العربية فيها ايه وهل الماتور كده باظ ولا محتاج عمره ولا محتاج ايه بالظبط معلش العربية شاريها من كام شهر فمعرفش فيها اوى وحضراتكم عارفين صيانه الاوبل غلسة

**أحمد حموده** · 19-07-2014 01:42 PM

صحيح نسيت اقولكم انها 1600 سى سى

**عبدالله برعى** · 19-07-2014 05:27 PM

مستوى الزيت كان كام

**أحمد حموده** · 19-07-2014 10:18 PM

أنا بقيسه بس بصراحه كل فين وفين لأنى كل ما بشوفه بلاقيه مظبوط وأصلا أول ما لمبة الزيت رعشت رحت غيرت الزيت كله ولاقيتها بترعش برضو

**أحمد حموده** · 19-07-2014 10:23 PM

أنا يا أستاذ عبدالله لما روحت للمركز عشان المهندس يبصلى عليها قالى ان الزيت مش ماشى ف المكنه كلها ولازم نفك الماتور حته حته عشان نشوف هو اصلا اول ما سمع صوتها قالى ايه ده صوتها عالى اوى وقالى كمان ان طلمبة الباور صوتها عالى كمان فهنغيرها بس قالى انها هتتكلف مش اقل من 3000 جنيه فقلت لما ربنا يسهلها بئي