الموضوع: كرايسلر نيون 1997 ليه سعرها رخيص اوى كده ؟

المشاركة الأصلية كتبت بواسطة kantofanto

أستاذة darine wahby ممكن بعد أذنك طبعاً تفيدنا بأسعار قطع الغيار للعربية زى البوجيهات و فلتر الزيت و البنزين و الهواء و التكيف و سير الكاتينة و سير الدينامو و جوان التكهيهات و الطنابير و تيل الفرامل و لو فى حد من التجار حضراتك بتتعاملى معه ياريت ارقام تيلفوناته و اكون شاكرلحضراتك اما بخصوص ebay الموضوع بسيط خالص لو حابب انه يفضل مستنى عند الميكانيكى و راكن العربية لمدة أسبوع او اسبوعين على الاقل عقبال ماتتشحن و تيجى مصر قطع الغيار اللى اشترها و ياعالم هايفرجوا عنها فى الجمارك و لا لا بعد قرار وقف استيراد قطع الغيار المستعملة و يتبهدل فى التاكسيات و المواصلات مش مشكلة خالص هو يتحمل قراره ، اما بخصوص ثقتك العمياء بالعربية يتهياللى عشان العربية اللى مع حضرتك نضيفة و مش متهانة صدقينى لو عقدت معاك فترة كبيرة هتكريها من كتر المشاكل .

على فكرة انا مش بهاجم العربية بس انا شايف ان الكرايسلر بى تى كروزر منتشرة اكتر فى مصر و بالتالى هيلاقى لها قطع غيارة بكمية اكبر لانها اول مانزلت حققت مبيعات جامدة بسبب الاستيل الكلاسيك بتاعها ، و ارجع و اقول ان المعاير هو قطع الغيار و شكراً لمشاركتك.

الاستاذ Jackal رد فعلا على بعض الاسئلة شوف حضرتك انا موش معاية الكروت دلوقتى بس ممكن تتدخا على " منتدى كرايسلر " هتلاقى جميع ارقام التليفوات و العناوين .
بخصوص بعض قطع الغيار الى حضرتك ذكرتها مثلا انا عن نفسى بحب الحاجات بتاعتها الاصلى يعنى
- فلتر زيت Mopar 60 L.E
-بوجيهات champion الاصلى بتاعتها الطقم 100 جنية
-لا يوجد فلتر تكيف لمعلوماتك موديلات (كروز /نيون/ام 300/ستراتوس)
-سير الكاتينة SOHC نوعة "دايكو" 350 جنية
-الطنابير الامامية 350 جنية الــPair و الخلفية 400 جنية
-بخصوص التيل فى انواع كتير جدااااااااا بس انا فضلت Mopar طبعا من ebay بالشحن و جمارك طقم تيل خلفى و امامى 950 جنية بس ماشاء الله الصفافير الى كانت عندى اختفت و جودة فوق الممتازة
-جوان التكيهات بى جوان البوجيهات هو طقم ماركة Victor Reinz امريكانى من ebay 180 جنية بكل حاجة .

طبعا انسه دارين حلو جدا ان الواحد يجيب الاصلي بس يكون اصلي

وللاسف من الاسعار الي قولتيها في حاجات التجار ناصبين علي حضرتك فيها

سير الكاتينه انا لسه جايبه من شهرين دايكو بي 95 جنيه وده من بتاع سيور نفس النوع الي تاجر النيون قلي 220 وحضرتك قولتي 350 -ده اسمو نصب

50 جنيه بوجيهات champion من اي واحد مضمون

وفعلا مفيش فلتر تكييف

علا فكره انا جربت نوعين تيل نوع لاث 200 و نوع بي 120 والصدفه ان ابو 120 اداء جميل ومفيش صوت

مش شرط السعر المهم المضمون

المشاركة الأصلية كتبت بواسطة jackal

طبعا انسه دارين حلو جدا ان الواحد يجيب الاصلي بس يكون اصلي

وللاسف من الاسعار الي قولتيها في حاجات التجار ناصبين علي حضرتك فيها

سير الكاتينه انا لسه جايبه من شهرين دايكو بي 95 جنيه وده من بتاع سيور نفس النوع الي تاجر النيون قلي 220 وحضرتك قولتي 350 -ده اسمو نصب

50 جنيه بوجيهات champion من اي واحد مضمون

وفعلا مفيش فلتر تكييف

علا فكره انا جربت نوعين تيل نوع لاث 200 و نوع بي 120 والصدفه ان ابو 120 اداء جميل ومفيش صوت

مش شرط السعر المهم المضمون

والله يا استاذ احمد الواحد مبيتعلمش ببلاش بس انا عاوزة اقولك على حاجةاخويا اشترى سير كتينة "دايكو " و كان فرحان جدا انة بربع الثمن والى يغيظك اكتر انة يابانى والحمد للة انقطع و الموتور كل سنة وانت طيب (BMW e36).
بس انت قولت كلمة جميلة جدا قولت " من اى واحد مضمون " شوف فى محل اسمة الجزيرة اقسم بالله انا متاكدة تمام التاكد انهم غالين جدا بس للاسف مضمونين جدا يعنى انت ممكن تشترى حاجة و تركبها و متعجبكش ترجعا عندهم عادى جدا و مابيفتحوش " بؤهم" زى مثلا انت ممكن تشترى" لاب توب" من كمبيومى غالى و نفس الوقت ممكن تجيبة من مول الكمبيوتر ارخص مليون مرة بس لو فية حاجة مول الكميبوتر انا اسفة يعنى على اللفظ " هينفضولك"
علشان كدة انا اخترت انى اشترى من على النت بمعنى 1+1=2 و لو فى خدش موش عجبك بترجع الحاجة او بيعتولك 75% من قيمة الى اشتريتة مع الاحتفاظ بالقطعة الى اشترتها .

وكل سنة وانت طيب :)

بص انا هقولك خلاصه القول ب كل حياد

عيوب العربيات ديه كالاتي

1- العربييات ديه صوتها عالي بس حلو يعني مش هديه ولو ركبت شروكي هتعرف اصدي ايه بص فعلا صوتها حلو و مش رخم
2- الموتور حجمو كبير فا الموتور مزنوق علشان كدا عاشان كده عايزه صنايعي شاطر وعندو صبر
3- اي ميكانيكي يشتغل فيها بس يكون بيفهم لاكن مش اي كهربائي يعني مسلا كهربائي حومار عملي افلا طير الكنترول و ده بي 1000 لواحده
4- الاجزاء الداخليه هيا المهيمه لانها صعب مجيبيها بس بردو موجوده
5- عيوب صناعه - بالنسبه لموديل 2000 مفيش حاجه فيها لاكن 97 فيها

هما قواعد الموتور 3 بس وده ضعيف علها بيبوظو بسرعه - حكايه الزجاج لو مش مظبوط- ال 97 واطيه


اي استفسار تاني حدد انتا عايز ايه وانا اقولك عليه

بالنسبه للتوفيق بقا ده مزاج عندي يعني ليه ادفه 200 لمل ممكن ادفه 50 وهيا هيا وبرضو ليه اشتري سيور من بياع عادي لما ممكن اجيبها من المورد بتاع السيور وابسط مثال فلتر الزيت

الفلتر لاث 50 او 60 واصلا بيركبلها بتاع 28وبتاع اونو وبي 13 ايه الفرق بقا في فلتر زيت كده واضحت

المشاركة الأصلية كتبت بواسطة kantofanto

انا متشكر لسرعة الرد و الافادة بالاسعار و ان مازلت ب\اكد ان أسعار الامريكانى قرريبة من بعض اوووى بس انا بصراحة مختلف مع حضرتك فى الشراء ebay يعنى هو لازم الجأ للنت مفيش حل تانى .

معلش استفسار كدا هو حضرتك لما بتشترى من ebay و انا عارف انه موقع امان هل فى امكانية ان ترسلى حد قبل الشراء و لا لا ، و هل كل قطع الغيار مستعملة و لا فيه جديد ؟؟و بتاخد اد ايه مدة عقبال لما توصل لحضرتك ؟؟

اكيد طبعا الناس الى برا دقيقين جدا لازم مواصفات العربية بالـــVin No. كمان .
زى مانتا عاوز فى مستعمل و فى جديد
الشحن موش كتير يعنى انا اشتريت ماستر عمومى والله ما كمل 5 ايام . بس الاغلب 10 او 15 يوم

المشاركة الأصلية كتبت بواسطة kantofanto

و الله كويس ممكن الواحد يفكر يشترى الحاجة اللى مش هيلاقيها استيراد منهم بس هو الدفع فيزا و لا تحويل بنكى و ينفع اتواصل معاهم بالايميل ده therattleofbritain@yahoo.co.uk
و لا بدخل اختار و ادفع الفلوس و خلاص معلش سامحينى لانى اول مرة اشترى من على النت.

الدفع فيزا انت بتسجل الاول على ebay و بعد كدة بتسجل على paypal.com الخطوات ورا بعضيها و سهلة paypal بتحط ارقام الفيزا بتاعتك و كلمة السر و بيبعتولك كود على الاستيتمنت بتاعت الفيزا

و بتدفع من paypal و بياخد من الفيزا علشان السيكيورتى