الموضوع: ممكن اعرف ايه عيوب ابيزا 94 و 98

العربية اعتماديه لابعد الحدود والعطل اللي بيظهر فيها مرة صعب انه يتكرر تاني شرط التعامل معاه مظبوط وتركيب قطعة غيار اصليه وقطع الغيار متوفرة جديد واستيراد وفي موضوع مثبت عن المحلات اللي بتشتغل في قطع الغيار واسعار قطع الغيار في المتناول يعني اغلي شويه من الكوري بس معمره جدا بالنسبة لسعرها بالنسبة للعيوب زيها زي اي عربية هاتش باك تصلح لاسره صغيرة في بعض العيوب الشائعة بس دي عيوب سطحيه ومعظمها في الكماليات وبرضه في في موضوع مثبت بالعيوب دي لكن اجمالا العربية كويسه جدا

هي نقطة اعادة البيع دي هي اللي مخوفه الناس من العربية دي والالماني بشكل عام لان في ناس كتير بتفكر ازاي تبيع العربيه قبل ما تشتريها لكن لو انا ناوي استمر بالعربيه فترة طويلة والعربيه مش مزعلاني في حاجة خلاص ادور ليه على اعادة البيع خلاصة الكلام العربيات دي عايزه اللي غاويها بس اهم حاجة الصبر كتيييير في البحث عشان تلاقي حاله كويسه لانها لو نص نص هتتعبك وبالتوفيق ان شاءالله

عادي هي محتاجة ميكانيكي وسمكري ثقة او في بعض محطات البنزين بيكون فيها مركز بيكشف ع العربية وبيقلبها فوق وتحت وبيديك تقرير مفصل عن حالة كل جزء في العربية ودي يقولك عليها الاعضاء من سكان القاهرة .

من عيوب 94 ان الدريكسيون تقيل جدا وبالتجربة فى كل العربيات لاقيت ان العيب واحد وصعب جدا انك تقلبها باور لأن فى مشاكل كتير بتظهر.

وكذلك مش نازل فابريكة بالتكييف.

وكما مش اوتوماتيك.

العربية كويسة لكن فى الغالب كان بيجيبها شباب وده بيهلكها بسرعة، ودلوقتى قطع الغيار اللى فى السوق صينى أغلبها وبتتعامل بسعر الألمانى.

والإستيراد متوفر بس على التجربة ومحتاج تاجر عنده ضمير عشان لو طلع فيها حاجه تعرف ترجعها.

الميكانيكية اللى بيشتغلو فيها واللى عندهم أمانة وشاطرين مش كتير لكن موجودين وبتوع قطع الغيار كتير.

دى أبرز العيوب فى 94 أنا واجهتها