العربيه كانت هتتقلب بيا النهارده بس الحمد لله ربنا ستر

**drmedo82** · 21-07-2014 04:09 AM

ربنا سترها معايا النهارده الحمد لله كنت راجع من الشغل متاخر ساعة الفطار علي طريق المنصوره المحله والطريق فاضي وكنت ماشي علي 90 او 100 وكان فيه ملف وفيه ادامي ربع نقل
المهم جي اعدي من جنب الربع نقل بسرعه ولقيت في وشي واحد منه لله بعربيه بحمار وبيعدي بعرض الطريق رحت ضاغط فرامل بس مش لدرجة ان abs يشتغل وحركت الدركسيون يمين بس جامد شويه عشان افاديه
ولقيت العربيه عومت جامد ومتهيا لي العجلتين الشمال ارتفعوا عن الارض رحت بسرعه لافف الدركسيون شمال عشان اوزن العربيه راحت عومت برده شويه وحسيت ان العجلتين اليمين رفعوا عن الارض المهم فضلت اديها بالراحه سنه يمين وسنه شمال لحد ما وزنت نفسها واستقامت
وربنا سترها معايا الحمد لله وعدت علي خير
بجد ربنا اللي بيستر
ربنا يسترها علينا وعليكم يارب
بس متهيا لي لو كنت راكب عربيه لانوس او فيرنا كان زماني اتقلبت لان وزن العربيه الاسبرانزا هوا اللي سند الموضوع شويه ده بعد ستر ربنا طبعا
الحمد لله :)

**mac os** · 21-07-2014 04:24 AM

كنت الافضل كبست فرامل بالكامل طالما عندك abs ولو لقيت العربيه مش هتلحق تقف ممكن تكسر يمين وشمال عادى وانت دايس فرامل طالما فى abs ومكنتش هتعوم منك لان سرعتها هتكون قلت