لو المانى bmw316 ولا جولف 4

**doosha_19263** · 21-07-2014 05:05 AM

السلام عليكم و رحمة الله و بركاته
انا محتار جدا بين bmw316 موديل 2001 و فولكس جولف4 موديل 2000
والمبلغ المتاح 90000 جنيه انا جربت العربيتين الاتنين اجمل من بعض بس انا مايل للبى ام علشان انها سيدان
بس خايف من قطع الغيار لان ناس كتير قوى بتخوفنى من قطع غيار البى ام فارجو الافاده يا شباب

**احمد سعيد كمال** · 21-07-2014 10:14 AM

بص ياباشا اولا حسب احتياجاتك تقدر تعرف انت عاوز اى لكن انا من راى ارجح الجولف 4 اولا ثبات الالمانى قطع غيار رخيصه جدا جدا فى الحرفيين على الاقل بالنسبه للبى ام وبعدين موديل البى ام الانت عاوزه ده مشاكله كتير فى الفتيس وقطع غيارها ناااااااار عليك وعلى الجولف مش هتندم وربنا يباركلك ويوفقك فى الاختيار

**عبدالله برعى** · 21-07-2014 10:46 AM

لو عايز عربية كويسة والمانى بس مش واخدة سمعتها اوى خليك فى الجولف والجولف عندنا فى الشركة 30 او 40 عربية زى الفل وشغالين طحن(شركة بترول)

لو عايز المانى المانى وانت فى الشارع يتشاور عليك خليك فى ال بى ام ولكن ابحث على موديل مفهوش مشاكل

**kantofanto** · 22-07-2014 01:49 AM

انا شايف الجولف 4 برضوا و لها زبونه اكثر عند البيع من البى ام و قطع غيارها اكيد طبعا ارخص من البى ام بس بصراحة البى ام برستيج عالى اوووى و واجهة ليك و القار يرجع لحضرتك انت عايزها فى أيه . و خد بالك ان الخبطة فى البى ام برقم .

**Honda_lover** · 25-07-2014 03:03 AM

الجولف مدرسة والبي ام مدرسة تانية خالص الاتنين ممتعين اوي فالركوبة وثبات عالي فالاتنين بس البي ام اعلي شوية فالثبات بالنسبة لقطع الغيار الجولف تتفوق علي البي ام فالبيع برضو الجولف احسن من البي ام المشاكل بالنسبالي الاتنين واحد تقريبا نفس مشاكل الالماني

**Adnfalcon** · 25-07-2014 03:32 AM

فتيس ال bmw لو اوتوماتك يبقي دا الفتيس القديم اللي مشاكله كتير و بيبوظ ولو ركبت واحد مكانه هيبوظ برده اما لو كان تيبترونك يبقي تمام
شوف كمان البطاحات سليمه ولا لأ .. والعداد ملعوب فيه ولا لأ
بالنسبه للجولف قطع غيار ارخص وثبات عالي لكن اقل من bmw بحاجه بسيطه .. مساحه تخزين أقل ..
رأيي المتواضع تختار "الحاله الأفضل"

**svneleven** · 25-07-2014 05:49 AM

أعتقد موديل ال بي ام اللي فيه المشاكل كان 99. مش متأكد لكن الشباب هبفبدوك ان شاء الله. في رأيي ال بي ام لا تقارن بال جولف. قطع غيار ال e46 مش غاليه قوي يعني. طبعا ال بي ام مش بياع زي الجولف.

**Adnfalcon** · 25-07-2014 05:55 AM

المشاركة الأصلية كتبت بواسطة svneleven

أعتقد موديل ال بي ام اللي فيه المشاكل كان 99. مش متأكد لكن الشباب هبفبدوك ان شاء الله. في رأيي ال بي ام لا تقارن بال جولف. قطع غيار ال e46 مش غاليه قوي يعني. طبعا ال بي ام مش بياع زي الجولف.

لحد 2001 بس مش كل الدفعات كانت فتيس اوتوماتك ومن 2001 و بدايه 2002 وطالع تيبترونك

**alzelafy** · 01-08-2014 07:39 PM

بص هو مفيش كلام طبعا ان البى ام احسن بمراحل و الركوبه طبعا احلا كتيير انا كنت راكب العربيتين بس الخوف من البى ام فى حوار قطع الغيار ..... و مش فى قطع الغيار نفسها لكن فى الصيانات انا بصراحه مش عارف عنها حاجه لكن الجولف صيانتها كلام فارغ النهاردة و اتحفظت يمكن عشان انا راكب فولكس بردو بس الحق حق البى ام ركوبه السنيين