الموضوع: مفاتيح الزجاج اللى فى الطبلوه a 11

المشاركة الأصلية كتبت بواسطة desert_south

السلام عليكم عاوز اعرف فين الاقى مفاتيح الزجاج اللى فى الطبلوه و بكام و لو مفيش ايه بدايل ممكن يركب عليها و بكام تقريبا . و كنتاك و قالولى انه مفيش منه كامل طيب ممكن يركب عليه كنتاكت الفورد و اى موديل و لا موديل معين . وبالمرة كالون الباب اليمين . يا ريت ارقام تليفونات المحلات .ِa11 لونج 2006 الموديل

[Bو عليكم السلام و رحمة الله و بركاته
بالنسبه لمفاتيح الزجاج الكهرباء تجدها طبعا عند بتوع الصينى و الواحد بيعمل فى حدود 20 الى 25 جنيه لكن بصراحه خاماته سيئه و كنت اشتريت بتاع جولف الأصلى بالضفيره بتاعته من الحرفيين و هو نفس شكل اللى عندنا لكن طرافه 6 اطراف و اللى عندنا 5 طرف فقط و حاولت انا و الكهربائى لكن منفعش يشتغل لأنه بعد توصيل ضفيرته وجدناه بيشغل حاجه و ميشغلش حاجه تانيه و حاولنا كتير و مفيش فايده و لذلك للأسف مينفعش عليه الا الصينى اللى مثله
بالنسبه للكونتاكت انا كنت عمل موضوع عن تغييره و هو نفس كونتاكت الجولف 2 و ربما 3 برضه و اشتريته من عند بتوع الجولف لكن صناعه صينى كان ب 70 جنيه و هذا رابط الموضوع ربما تستفيد منه و سأرسل لك بإذن الله تليفونات لبعض محلات قطع غيار الشيرى على الخاص
بالتوفيق

http://www.nilemotors.net/Nile/396571-a11.html[/B]

المشاركة الأصلية كتبت بواسطة hazoom2006

سالت امبارح على المفتاج عند صقر ب 50 جنيه الواحد

هو المفتاح اللى فى النص بيقفل الزجاج الخلفى زى باقى المفاتيح ولا مختلف

صقر ده علی الرغم من انه احيانا بيكون عنده القليل جدا من قطع الغيار الاميز قليلا من بتوع الصينی الاخرين لكن مفتری جدا فی السعر و بصراحه كل بتوع الصينی بيستهبلوا فی اسعارهم غير خاماتهم اللی زی الزفت و اسف فی اللفظ لكن انا بجد اتأذيت بسببهم كتير
عموما انتظروا منی قريبا موضوع جديد عن مفاتيح الزجاج الكهرباء و شئ تانی بس افضی و اخلص منه ثم اوافيكم بالجديد
بالنسبه للمفتاح اللی فی النصف ده بيعمل غلق لمفاتيح الزجاج الخلفی عشان الاولاد ميلعبوش فيه و يفتحوا الزجاج الا لو كنت انت فاتحه