ساعدونى فى شراء سياره مستعمله

**samirssa2003** · 22-07-2014 07:24 AM

اريد من الأعضاء المحترمين مساعدتى في شراء سياره مستعمله لاتزيد عن 25 الف جنيه وتكون اوتوماتيك لانى ضعيف جدا في السواقه ولسه بتعلم وبقول اشترى مستعمل اخبط فيه براحتى الأول على مااتعلم كل حاجه عن العربيات خصوصا الميكانيكا والكهربا لانى بصراحه ميح على الأبيض في المعلومات ومحتاج مساعدتكم لان في عربيه اسمها هوندا اكورد موديل 83 اوتوماتيك معروضه عليا وفى برده عربيه هوندا سيفك موديل 85 اوتوماتيك الأولى عامله 20 الف جنيه والتانيه 25 الف جنيه لو في أنواع تانيه احسن لحالتى اوك وشكرا جدا لمساعدتكم مقدما ربنا يبارك فيكم وف خبرتكم

**ah-elgendy** · 22-07-2014 08:41 AM

نصيحه استنى شويه وجمع مبلغ اكبر وهات حاجه نضيفه متخليش الفلوس تحصرك فى اختيارات تقرفك بعد كده وتكرهك فى العربيه ولو انت ضعيف و لسه بتتعلم هات عربيه مانويل اتعلم عليها 128 مثلا مش هتخسر لما تيجى تبعها

**J A G U A R** · 22-07-2014 08:48 AM

حرام تركب اوتوماتيك بالسعر ده

يعنى انا رأيي تشوف ماروتى من 2000 ل 2003 اتعلم عليها الاول وخبط بيها ولو حبيت تبيعها هاتتباع على طول ومش هاتخسر فيها

**samirssa2003** · 22-07-2014 05:00 PM

شكرا جزيلا على ردكم انا عرفت دلوقتى ان كل الأعضاء اللى شاركوا في الرد اتفقوا على شيء واحد وهو اتعلم الأول على عربيه مانيوال ان شاء الله هانفذ نصايحكم بس ياترى ايه العربيه اللى في حدود المبلغ اللى معايا وتكون كويسه في صيانتها وبيعها بعد ذلك يعنى ابيعها بعد سنه مثلا بعد مااكون اتعلمت خبايا العربيات

**scorpion1000** · 25-07-2014 05:18 AM

مساء الخير وكل سنة والجميع بخير وسعادة وإسمحلى أرشحلك دايهاتسو شارد موديل 92 عربية هاتش باج ملمومه واتوماتيك وفى حدود الـ25 ألف وكعربية محترمة جدا وحمولة جدا وربنا يوفقك للى فيه الخير