الموضوع: بعد عناء - حل مشكلة زنة الصوت اثناء دوران المحرك

العربية بيتلز مو 1970
العدة
السماعات الخلفية JBL 280 watt
الكاسيت بايونيير
الجى ام سونى 350 وات
السماعات الامامية بيونيير 200 وات
السلوك ومقاساتها
سلوك السماعات الخلفية = السويدى 3 مم شعر
سلك كهرباء + ارضى جى ام = السويدى 6 مم مباشر من البطارية
سلك كهرباء + ارضى كاسيت = 1 مم مباشرة من البطارية
وصلة RCA صناعة يدوى بسلك 1مم مجوز
التوصيل
توصيلات الكهرباء جى ام وكاسيت كهرباء من البطارية مباشرة
السماعات الخلفية واخدة من الجى ام سلوك 3 مم
وصلة الـ RCA مربوطة ضفيرة مع سلك كهرباء الكاسيت من الجى ام للكاسيت
السماعات الامامية متوصلة مباشرة للكاسيت
المشكلة
صوت الزنة او ماتدور العربية وبتزيد مع البنزين فى كل السماعات
السماعات اللى متوصلة على الجى ام الزنة فيها كانت واضحة
السماعات اللى متوصلة على الكاسيت ماكنتش زنة على قد ماكانت طقطقة
بداية الحل
قلت يمكن المشكلة من الكاسيت ركبت على اسلاك الباور بتاعتة مانع شوشرة
الصوت فى السماعات الامامية اتظبت بس فى حالة انى افك كابل الـ ٌRCAِمن الكاسيت
اول مااركبة ترجع الطقطقة
قلت اكيد المشلة فى الجى ام
فكيت كابل ال ار سى ايه من الجى ام الزنة راحت من السماعات الخلفية واول مايركب حتى لو مش متوصل بالكاسيت الزنة ترجع
تاكدت ان العيب من الوصلة اللى انا عاملها وقررت اشترى وصلة محترمة من راديو شاك
وبالفعل اشتريت الوصلة وركبتها والزنة اختفت من السماعات الخلفية بس لسة فى طقطة بسيطة فى السماعات الامامية ولسة شغال عليها لحد ماتروح

المشكلة مقرفة جدا خصوصا انى كنت لسة مجدد فرش العربية ووضبت الاسلاك كلها تمشى تحت الفرش وعلشان اركب كابل الجديد لازم افك جزء من الفرش والغى الوصلة القديمة او ابعدها عن ضفيرة الكهرباء الواصلة للكاسيت


نفس المشكلة دى حصلت معايا فى العدة الاولى بس اتحلت بمجرد انى وصلت للكاسيت كهرباء مباشرة من البطارية

اتمنى انى اكون قدمت افادة فى المشكلة دى لانها بجد اكثر شئ مقرف ممكن الواحد يواجهة فى تركيب عدة الصوت

شكرا لنقل التجربة