Leon vs megan

**Marwan yahya** · 30-07-2014 12:54 AM

المشاركة الأصلية كتبت بواسطة Mohamed.Hany

الليون افضل في رأي عشان عوامل امان اعلي ٦ ايرباج و esp و توفير اعلي في البنزين زائد انها واخدة ٥ نجوم في اختبارات التصادم مقابل ٣ نجوم للميجان.
يعيب الليون الفتيس ال dsg بس مش عارف مؤخرا حصل ايه فيه هل جددوه و لا زي ما هو
اما الميجان في واحد كان كاتب انه حصلت معاه نفس مشكلة الفلوانس و الزيت بتاع الموتور بينقص و دي بتستدعي تغيير موتور
http://www.nilemotors.net/Nile/42699...el-2013-a.html

في النهاية العربيتين جداد مش منتشرين قوي فماشكلهم لسة مظهرتش و لكن دي الحاجات اللي شفتها و بالتوفيق

شكرا لحضرتك ولتعبك

**Marwan yahya** · 30-07-2014 12:55 AM

المشاركة الأصلية كتبت بواسطة a7medalaa

الليون عشان مواصفات الامان ٦ ايرباجز و esp و asr و الثبات و نفس شاسيه و عفشة الجولف و الاوكتافيا يعني قطع غيار كتير مشتركة و ابتديت اشفها كتير في الشارع مع انها لسة نازلة بعكس الميجان اللي مش منتشرة خالص ده غير موتور الليون جباار ١٢٠٠ مطلع عزم اكبر من اجدع موتور ١٦٠٠ و بيشم البنزين و بيشتغل ب بنزين ٩٢ عادي كلم الوكيل و اطلب تيست درايف و ربنا يوفقك للصالح

تمام انا ناوي اعمل كده فعلا

**Marwan yahya** · 30-07-2014 12:56 AM

المشاركة الأصلية كتبت بواسطة Rehab Ahmed

بيتهيألى المستقبل ل الليون عشان موتورها وتوفيره لاستهلاك البنزين بس انا مش عارفة حوار ال dsg لسه شغال وللا ﻷ .. حضرتك اتأكد اﻷول

شكرا لحضرتك

**Marwan yahya** · 30-07-2014 12:57 AM

المشاركة الأصلية كتبت بواسطة Abdo Taha

الليون عربية شكلها شبابي جدا و تخطف العين خصوصا لو باللون الاحمر مع الليدات و بظأت تنتشر بشكل ملحوظ لازم كل يوم اشفلي اتنين على الاقل بس معرفش ال dsg نظامه ايه مع العربية

ماهو اكتر حاجة مخلاياني متردد هي dsg بس لحد دلوقتي مفيش اي شكوى منه

**Marwan yahya** · 30-07-2014 12:59 AM

المشاركة الأصلية كتبت بواسطة mariachi

الليون هتبقى ممتعه اكتر فى السواقه و طبعا موفره اكتر فى البنزين و تصميمها احلى من وجهة نظرى و كانت واخده احسن هاتشباك فى ٢٠١٣ من كذه مجله عالميه غير الجوائز بس عيبها لو فى مشاكل فى الفتيس و التوكيل ضعيف نسبيا و قطع الغيار طبعا ده غير ان اول فئه فقيره فى الكماليات و من غير ليدات اللى هى احلى حاجه فى العربيه. بالنسبه للميجان بلاى كماليتها ممتازه بالنسبه لسعرها و جنطها تحفه و التطعيمات الحمراء شكلها سبورت اوى بس عربيه ممله الى حد ما و أدائها ضعيف بس قطع غيار اغلبها منتشره علشان هى هى الفلوانس بنسبه كبيره و التوكيل محترم. ولك الاختيار بس بعد كل ده الليون تعجبنى اكتر برده!

والله انا زيك بالظبط بس خايف ادفع مبلغ زي ده وارجع اندم