استفسار بخصوص الرخصة الخاصة

**sameh1982elola** · 23-07-2014 02:12 PM

السلام عليكم
انا عايز اطلع رخصة خاصة وسمعت ان فيه برنامج او ملف بنزله من النت بذاكره كويس وبيجى منه الامتحان بتاع المرور فياريت لو حد يعرف يدلنى على البرنامج او الملف ده
وفى حالة انى سقطت فى الاشارات اعيد الاختبار بعد اد ايه ولو سقطت فى العملى اعيد الاختبار بتاع القيادة العملى بعد اد ايه
واخر حاجة الاوراق المطلوبة علشان اعمل الرخصة ايه
وجزاكم الله خيرا

**ali ashraf** · 23-07-2014 02:26 PM

السلام عليكم الموضوع بسيط جدا, فقط أذهب الى وحدة المرور التابع لها و ستجد كل البيانات و الشهادات المطلوبه و كمان بيعطوك دفتر صغير بعلامات و اشارات المرور و اخيرا انت تشاهد الذين يمتحنون لان كل الاسئلة و الامتحانات واحدة من العبور بين الاقماع و الركن و الرجوع بالظهر و الموضوع ابسط مما تظن بالتوفيق ان شاء الله

**sameh1982elola** · 23-07-2014 03:21 PM

طيب اذا سقطت فى القيادة هروح اعيد الامتحان بعد كام يوم ولو للمرة الثانية سقطت اعيده بعد كام يوم

**ali ashraf** · 23-07-2014 03:35 PM

المشاركة الأصلية كتبت بواسطة sameh1982elola

طيب اذا سقطت فى القيادة هروح اعيد الامتحان بعد كام يوم ولو للمرة الثانية سقطت اعيده بعد كام يوم

اللهم انى صائم يا استاذ سامح ذاكر كويس و لو بتسوق كويس هتنجح ان شاء الله و ان كنت لا قدر الله غير متمكن من القيادة تبقى تصبر شوية لان السيارة حديد و نار كفاك الله شرها و عطاك خيرها لازم الواحد يبقى متيقن تممام من القيادة و اخيرا ( اللهم انى صائم) ممكن متنجحش خالص الا بعد الحلاوة و الشاى للاسف لازال هذا الاسلوب يكاد يكون عرفا الان و بالتوفيق ان شاء الله