حادث على الطريق مصر-اسكندرية الزراعى فزعنى جدا

**yehia** · 19-10-2008 02:33 AM

والله المفروض يتعمل تعديل تشريعى.... اللى يصدم شخص بالفعل... وينزل لمساعدته ... ويثبت من واقع التحقيقات أنه قد أتى فعلا ايجابيا كان من شأنه انقاذ المضرور من الموت أو وقف تفاقم حالته... مثلا كطلب الاسعاف والانتقال معه إلى المستشفى ومتابعة الحالة حتى بدء تلقيه العلاج الطبى اللازم.... وأنه لم يهرب أو يشرع فى الهروب من مكان الحادث....... أعتقد أنه يتعين أن يكون ذلك مانعا عقابيا من شأنه ثبوت المسئولية - عشان المسئولية المدنية لاحقا والتى بالطبع سوف يراعى فى تقديرها المسلك الايجابى للمخطئ نحو المضرور- ولكن من شأنه كذلك عدم عقاب المخطئ جنائيا عن خطئه... أعتقد أن مثل هذا التعديل لو تم فسوف يساهم إلى حد كبير فى انتهاء حالة " اضرب واجرى" أو حالة الخوف من تقديم العون لشخص ملقى على الطريق .. هذا الشخص قد يكون أنا أو أنت أو أحد أقربائنا المقربين - لا قدر الله-

**Ayman_52** · 19-10-2008 02:44 AM

والله ياباشا انا حاسس باللى حضرتك فيه...وفعلا الواحد لما بيحصله حاجه زى كده بتبقى دماغه مليانه افكار سودا..بالذات لو اول مره

بس ماتخافش هى الست ولا الركاب لو كانوا شكوا للحظه ان حضرتك اللى خبطتها كانوا نزلوا ومسكوا فيك. وكان السواق اولهم....

بإذن الله مافيش حاجه ....وربنا يسترها مع الجميع

**Samir Elshahawy** · 19-10-2008 03:18 AM

حمدلله علي سلامتك و ان شاء الله سليمة , و تذكر انه من غير المعقول ان تجد كل ركاب الميكروباص يشهدون ضدك , اكيد هناك واحد سيشهد بالحق

اما تصرفك فهو نابع من شهامة نادرة مختلطة بخوف مما نعرفه جميعا من القوانين و القواعد الجائرة التي تحكم الشارع المصري و لعلي كنت سأفعل مافعلته فياسيدي الفاضل صعب ان نحكم علي موقفك وقتها "اللي ايده في الميه مش زي اللي ايده في النار" كان الله في عونك و دعواتي لك بأن يمر الموضوع علي خير و سلام

**ahmedsamir79** · 19-10-2008 04:22 AM

الحمد لله
متخفش أنت معملتش حاجه غلط

**pharonicking** · 19-10-2008 04:29 AM

حمدالله عالسلامة :err:

**AHMEDCAR** · 19-10-2008 12:24 PM

عيش حياتك مافيش مشاكل و ربك بيسلم

**Amrrr** · 19-10-2008 04:44 PM

كويس عدت على خير الحمد لله ومتخافشي
وعامة الشهادة دايماً تطلب اتنين مش واحد !!عارف ليه ؟
عشان صعب اوي اتنين يجتمعوا على كذبة واحدة مابالك بميكروباص كامل ؟ ولو حصلت حاجة زي كدة بتلاقي وكيل النيابة بيسأل واحد واحد على حدة وهيسأل على تفاصيل دقيقة جدا وغالباً مش كل اللي في الميكروباص هيقول نفس الكلام!
وفعلاً انا مبقتشي عارف الموقف دا لو عدا علي هعمل ايه !!!! والأعمال بالنيات يا باشا

**محمد أنور** · 19-10-2008 06:04 PM

انت كدة تمام .. احسن ما كنت مشيت و لقيت ناس بتجري وراك بالعربيات و يفتكروك فعلا انت اللي خبطها .. عموما حصل خير و أكيد في شهود ان مش انت اللي خبطها .. فمتقلقش