مطار القاهرة من الطريق الزراعى؟؟؟

**ahmed_moeaz** · 16-08-2010 05:20 AM

السلام عليكم ورحمه الله
ان شاء الله اخويا راجع من السفر على مطار القاهرة وانا هاجى من على الطريق الزراعى
ياريت بعد اذنك تدلونى على الطريق للمطار من اول مقابل الدائرى يعنى هدخل على اليمين على طول عليه ولا اعدى الكوبرى وادخل شمال ويا ريت اعرف المسافة اللى همشيها على الدائرى والنزلة للمطار فين ويا ريت شرح تفصيلى
وان شاء الله ان هطلع بدرى لان وقت الوصول صعب واحنا فى رمضان وكل عام وانتم بخير

**Dr Ahmed** · 16-08-2010 05:28 AM

هاعتبر انك جاى فى اتجاه القاهرة
طبعا عارف دخلة الدائرى
هتطلع الطلعة التانية اللى بعد الكوبرى مباشرة
هتمشى على الدائرى لحد ما يقابلك نفق السلام - بعد أكتر من 20 كم على منا فاكر
هتلاقى قبله دخلة يمين ادخلها وماتنزلش النفق
هتمشى وبعد شوية هيقابلك كوبرى اطلعه وافضل ماشى لآخر الطريق ده
فى آخره خالص تقاطع خد الشمال
هتقابلك كبارى هتمشى من تحتها وتاخد تانى يوتيرن ثم أول يمين
كده انت فى طريق المطار وهتلاقى اللافتات تدلك للمدخل

**Ahmed Samy** · 16-08-2010 05:31 AM

توصل الدائري و تطلع الطلعة التانية (اللي بعد ماتعدي تحت الكوبري على طول)

هاتمشي تقريبا 27 كم و هاتلاقي مخرج اسمه المطار/ السلام وده مخرج قبل نفق تدخل يمين في يمين و تمشي على طووووووووووووول و تطلع أي كوبري تقابله لحاد ماتوصل لاستاد الكلية الحربية

تدخل يمين و تمشي وتاخد تاني يوتيرن

بعد اليوتيرن تدخل أول يمين

هو ده دائري المطار
........

بس ممكن تكمل على طول على الدائري (ماتنزلش السلام و تاخخد النفق) و تمشي مسافة قدها تقريبا ...و تدخل المطار من الدائري على طول

**Dr Ahmed** · 16-08-2010 05:36 AM

المشاركة الأصلية كتبت بواسطة ahmed samy

و تمشي على طووووووووووووول و تطلع أي كوبري تقابله لحاد ماتوصل لاستاد الكلية الحربية

تدخل يمين و تمشي وتاخد تاني يوتيرن

لا يافندم ياخد شمال

**ahmed_moeaz** · 16-08-2010 05:41 AM

جزاكم الله خيراً وشكراً لاهتمامكم
وبعد اذنكم لانى نادر مبنزل القاهرة وعارف ان اى دخله غلط بتكلف كتير فى الوقت والله اعلم ان كنت هوصل ولا لأ
فكنت عايز استفسر اكتر على دخلة المطار من الدائرى مباشرة
يعنى همشى اد ايه علشان اوصل للدخلة بتاعة المطار انا بروح كلية الشرطة من على الدائرى ومش بلاقى يافطة للمطار الا عند نزلة السلام وبلاقى عندها زحمة
فكنت عايز شرح تفصيلى اكتر عن دخلة المطار من الدائرى وجزاكم الله خيراً

**Ahmed Samy** · 16-08-2010 05:48 AM

المشاركة الأصلية كتبت بواسطة dr ahmed

لا يافندم ياخد شمال

ههههههههههه

شمال شمال

يا خسارة التربية العسكرية

**mohamed_selim** · 16-08-2010 10:56 AM

المشاركة الأصلية كتبت بواسطة ahmed_moeaz

جزاكم الله خيراً وشكراً لاهتمامكم
وبعد اذنكم لانى نادر مبنزل القاهرة وعارف ان اى دخله غلط بتكلف كتير فى الوقت والله اعلم ان كنت هوصل ولا لأ
فكنت عايز استفسر اكتر على دخلة المطار من الدائرى مباشرة
يعنى همشى اد ايه علشان اوصل للدخلة بتاعة المطار انا بروح كلية الشرطة من على الدائرى ومش بلاقى يافطة للمطار الا عند نزلة السلام وبلاقى عندها زحمة
فكنت عايز شرح تفصيلى اكتر عن دخلة المطار من الدائرى وجزاكم الله خيراً

انزل نفق السلام زى متكون رايح كلية الشرطه و خليك ماشى
بعد شويه على اليمين هتلاقى نقطة المرور بتاعة الدائرى
بعدها بحاجه بسيطه هتلاقى يفط مدخل المطار على اليمين

طيب ... لو فرضنا انك فوتها و مدخلتش .... كمل و انزل طريق السويس (نزلة الماظه) يمين و بعد ما تنزل ب 200 متر هتلاقى مدخل تانى للمطار على يمينك

خلى بالك ان المدخلين دول هيمشوك حوالى 5-6 كيلو فى طريق داخلى المطار لحد ما توصل لمحطة الرسوم ... لو رايح المطار القديم هتدفع 5 جنيه علشان هتعدى من بوابة الخروج ... احتفظ بالتذكره و الوصل و و انت داخل المطار القديم ما تاخدش تذكره جديده و و انت خارج وريه التذكره و الوصل مش هتدفع تانى (طالما مكسرتش ال 3 ساعات اللى انت دفعتهم)

**ahmed_moeaz** · 16-08-2010 03:38 PM

المشاركة الأصلية كتبت بواسطة mohamed_selim

انزل نفق السلام زى متكون رايح كلية الشرطه و خليك ماشى
بعد شويه على اليمين هتلاقى نقطة المرور بتاعة الدائرى
بعدها بحاجه بسيطه هتلاقى يفط مدخل المطار على اليمين

طيب ... لو فرضنا انك فوتها و مدخلتش .... كمل و انزل طريق السويس (نزلة الماظه) يمين و بعد ما تنزل ب 200 متر هتلاقى مدخل تانى للمطار على يمينك

خلى بالك ان المدخلين دول هيمشوك حوالى 5-6 كيلو فى طريق داخلى المطار لحد ما توصل لمحطة الرسوم ... لو رايح المطار القديم هتدفع 5 جنيه علشان هتعدى من بوابة الخروج ... احتفظ بالتذكره و الوصل و و انت داخل المطار القديم ما تاخدش تذكره جديده و و انت خارج وريه التذكره و الوصل مش هتدفع تانى (طالما مكسرتش ال 3 ساعات اللى انت دفعتهم)

متشكر جداً يا استاذ محمد ومعلش على الاستفسار لانى اول مرة اروح المطار يعنى انا هعدى السلام واخلينى فى الدائرى زى مانا وبعدها بحوالى كام كيلو هلاقى دخلة المطار؟ يعنى قبل كلية الشرطة ولا بعدها والدخلة دى هطلعنى على المطار على طول ؟
واعذرنى لانى اول مرة اروحه وكنت عايز توضيح اكتر ومش عارف اوصل من جوجل ايرس لحاجة

**mohamed_selim** · 16-08-2010 03:44 PM

قبل كلية الشرطه بكتير
بعد النفق ب 3-4 كيلو هتلاقى المدخل و لو وصلت لنزلة الماظه يبقى فوته ... انزل الماظه يمين و هتلاقى مدخل على يمينك بعد 200-300 متر

تفضل ماشى 5-6 كيلو هتوصل لمحطة رسوم تاخد تذكره و هتكون كده عند الصاله الجديده ... خلى بالك من اليفط علشان متتوهش

اى خدمه

**ahmed_moeaz** · 16-08-2010 03:50 PM

جزاك الله خيراً يا استاذ محمد وان شاء الله كده السكة وصلتنى وهعد احفظ فيها شوية اخد سكة الدائرى فى اتجاة كلية الشرطة وافوت مدخل السلام وبعدها ب5 كيلو ادخل دخلة المطار على اليمين واكمل وربنا يستر فى الطريق ونوصل بالسلامة وجزاكم الله خيراً جميعاً

الموضوع: مطار القاهرة من الطريق الزراعى؟؟؟

LinkBack

أدوات الموضوع

عرض

-

-

-

-

المواضيع المتشابهه

الطريق الى مطار القاهرة الدولى مبنى 3

الطريق إلى مطار القاهرة

لو سمحتم الطريق من أسكندرية الصحراوى إلى مطار القاهرة و العكس

الطريق من المنصورة إلى مطار القاهرة

الطريق من مطار القاهرة الى اول طريق السويس

الكلمات الدلالية لهذا الموضوع

المفضلات

المفضلات

ضوابط المشاركة