العربيه اللي بابا جيبهالك مش لعبه

العربيه اللي بابا جيبهالك مش لعبه تجري بيها علي الطرق السريعه و تلعب بيها وتهدد حياة الناس.
ده مش كلام انشاء.....الشهر اللي فات كنت مسافر مع عيلتي لمطروح و ماشي بأمان الله علي سرعة 100 (أنا مبحبش أجري بالأخص وولادي معايا).
بعد الحمام بشويه عربيه سيراتو جايه صاروخ بتجري من جنب الطريق عامت من اللي كان سايقها و خبطت عربيتي...أنا كنت شايفه في المرايه وهو عمال يتمرجح و يلعب...

المهم خبطني من ورا و أستمر في سحل عربيتي قدامه لغاية لما أتقلبت مرتين علي السقف , العربيه أدمرت كليا
الناس ساعدونا علي الطريق و طلعونا من العربيه وهو وقف شويه صغيرين وبعدين خد عربيته و هرب

حتت عيل عنده 18 سنه و معاه ولد تاني أده و بنتين نفس السن
مراتي وولادي طلعوا بشوية كدمات محترمه(كلنا كنا رابطين الحزام- حتي الأطفال ورا) و أنا الحمد لله عندي مجموعة كسور متعدده في الكتف و الترقوه و أحتجت اعمل عمليه معقده في الكتف مع أحتمال حدوث عجز في مفصل الكتف بنسبه من 10 ألي 25 %

الحمد لله رب العالمين
و حسبي الله و نعم الوكيل

ألف سلامه يا باشمهندس

الف سلامة علي حضرتك وعلي الاسرة وحمدلله علي سلامتكم

الحمد لله على سلامتكم
مجرب شعور الخوف على اسرتك فى مواقف الطريق دى والحمد لله الذى نجانا ونجاكم وربنا يسلمنا وينجينا جميعا ويحفظنا من كل شر

الف سلامة والعيب مش على العيال العيب على اهاليهم اللى معلمهمش
ولو فى شرطة كان واحد زى ده لو معاه رخصة اساسا كانت اتسحبت ولو عمل كدة تانى يتحبس بس للاسف البلد وسخة وعايزة نظافة

و الله اما بشوف العيال الصغيرة عندنا فى الرحاب راكبين موتوسيكلات و بيتش باجى و طايرين بيهم بقول هم اهلهم مش بيخافوا عليهم وعلى الناس ؟؟ يعنى دة لو خبط عيل موته مثلا ماهو ابو العيل دة هيمسك الواد دة يقتله ..... والله انا كنت بتحايل على ابويا اركن بس العربية وانا عندى 22 سنة ومكانش بيرضى الا اما اطلع رخصة
نصيحتى ليك .... تاخد حقك تالت ومتلت انت راجل اتأذيت انت وعيلتك من شباب معندهمش مسؤولية تطالب بتعويض و تاخده ومتسمعش اى كلام عاطفى من نوعية دول زى ولادك و انت هتقبل على نفسك العوض و جت سليمة .... لازم اهله يتنفخوا فى مبلغ محترم و دة اقل واجب مش انت تعيش بعاهة وييجى حد يقولك متقبلش العوض

لا حول ولا قوه الا بالله

العيال دى المفروض متتسبش وازاى هربو كده ..

الف سلامة عليك وعلى الاسرة وفداك العربية .. بس اللي انا عايز افهمه هيا عربيته متقلبتش هيا كمان؟

لأ عربيته متقلبيتش

حمدا لله على سلامتك انت واسرتك
شيء محزن حقا
حسبنا الله ونعم الوكيل

الف سلامة عليك ...
اخدت نمرة العربية ؟ لو معاك لازم تعمل محضر فوراً ، وبمجرد ما تاخد حكم على مالك السيارة حترفع دعوى مدنية بالتعويض عن قيمة السيارة بتاعتك وعن الإصابات والأضرار المعنوية .... لو فيه اي استفسار تحت امرك

الف حمدلله على سلامتك انت والاسره وياريت حد كان خد رقم العربيه بتاعت العيال دى وقدر الله وما شاء فعل

ربنا ينتقم منه وألف مليون سلامه للأسره الكريمه و لحضرتك
بس ازاي ماتخودش نمر العربيه بتاعته !!

اقتباس:

---

المشاركة الأصلية كتبت بواسطة the lawyer

الف سلامة عليك ...
اخدت نمرة العربية ؟ لو معاك لازم تعمل محضر فوراً ، وبمجرد ما تاخد حكم على مالك السيارة حترفع دعوى مدنية بالتعويض عن قيمة السيارة بتاعتك وعن الإصابات والأضرار المعنوية .... لو فيه اي استفسار تحت امرك

---

اتمني تكون عملت كدة
والا هتبقي سلبي وحقك هيضيع وحق غيرك برده هيضيع

لأن الولا ده زي ما عمل معاك وضرك هيضر غيرك وغيره وهكذا بدون رادع علشان السلبية

اللهم اهلك الظالمين جميعاً
اللهم انا مغلوبون فانتصر

لا حول ولا قوة إلا بالله
حمد الله على سلامتكم ... قدر الله وما شاء فعل
اللهم انتقم من الظالمين
حسبنا الله ونعم الوكيل

أخدنا النمر و عملنا محضر

حسبي الله ونعم الوكيل
والف حمد لله علي سلامتك وسلامه اسرتك يا احمد باشا

العيال دي لما باشوفها علي الطريق
بيكون هاين عليا امسكه اكله علقه محترمه
المشكله ان في منهم كتير في المنتدي

ربنا يعوضكم خير ويشفيكم ويعافيكم

اقتباس:

---

المشاركة الأصلية كتبت بواسطة ahmedsamir79

الحمد لله رب العالمين
و حسبي الله و نعم الوكيل

---

ونعم بالله
تكفيك هذه الكلمات

هيروح من ربنا فين

الف سلامه علي حضرتك وربنا يعوض عليك ان شاء الله

الف حمد الله علي سلامتك

الف سلامه

حمد لله علي سلامتك و حسبي الله و نعم الوكيل
كان هيحصل معايا نفس الموقف يوم الخميس علي طريق الواحات شاهين جاي من ورايا طاير بياخد غرزة كانت هتكمل و العربية نايمة علي جنبها و لمحته في المرايا مقولكش كنت عامل إزاي ساعتها

الف سلامه ولازم تاخد حقك انت واسرتك من العيال المستهتره دى

الف سلامه والحمد لله على انها جات على كده
المهم الواد ده
متسيبهوش..
وابقى قولنا على
اخر التطورات.
تحياتى...

حسبي الله ونعم الوكيل
والف حمد لله علي سلامتك وسلامه اسرتك يا احمد باشا

شكرا جزيلا

ابويا علمنى السواقة وانا صغير يمكن فى اعدادى بس مكنتش بسوق الا فى المصيف وهو معايا .

الف سلامه ليك وللأسرة
ولازم حضرتك تاخد حقك بالقانون منه وأرجوك لا تتنازل او تتصالح معاه او مع أسرته