الموضوع: رالى موترز مصر لصيانة الرينو

متاااااابع

انا من سكان اكتوبر و اتعاملت مع المركز لكنه سيئ جدا و مش ملتزم بمواعيده ده غير الاشتغالات

الكلام ده كان من سنه كنت ساعتها لسه مشترى العربية و اللى بعتنى المركز ده صديق قريب منهم جدا المهم انا كنت رايح علشان اغير الفلاتر و الزيوت و السير كأى عربية مستعملة بتشتريها كان ميعادى الساعة 10 صباحا روحت فى ميعادى و المهندس استلمها و قالى تستلمها الساعة 5 المهم كلمتهم قبل ما روح قالى لسه ما خلصتش جت الساعة 7 ابتديت اقلق فروحت عليهم عالطول لما روحت قالولى خلصت جت للدفع علشان اعرف ايه اللى اتعمل اول اشتغالة قالى احنا غيرنا السير للكاتينه لوحده من غير ما نغير البليتين قالى ان الطنابير محتاجة خراطة لكن هما كان سمكهم قليل جدا و كانوا محتاجيين تغيير و دى كانت تانى اشتغاله كان عايز يغيرلى زيت الفتيس مع ان كل ناس اللى معاها ميجان بتقول ان زيت الفتيس الاوتوماتيك بيتزود مش بيتغير كله لان سعره غالى فى النهاية عملتلى فاتورة بالف جنيه فى غيار زيت و فلتر زيت و هواء و سير كاتينه بدون بلى ده غير فلوس الكشف اللى كانت 250 ود كان عرض من اصل 750 و الحمد لله على كل شيء

المشاركة الأصلية كتبت بواسطة ah-gawad

ده مكتوب ان العرض لحد 31-5-2014

+1 في جميع الاحوال فعلا العرض انتهي
بصفه عامه لو الحمله دي اللي منظمها التوكيل تبقي اضمن لان في الحاله دي هتلاقي الفروع كلها عاملاها و ممكن كمان حتي المراكز المعتمده تكون مشاركه و التوكيل بيدعم الموضوع و بيشرف عليه وبيتحمل التكاليف او حتي اغلبيتها اما لو مركز لوحده هو اللي طالع بالفكره الموضوع يقلق شويه يعني هيستفيد ايه من التخفيضات و الصيانه المجانيه اللي عاملها دي و خاصه و هو اللي هيتحمل تكاليفها لوحده و بالتالي الفرصه اكبر انه يكون اي كلام او بيفتح لنفسه شغل بالموضوع ده و في الحالتين مفيش استفاده للي هيروحله. طبعا ما ينفعش التعميم لان قد توجد استثناءات انما ده المنطق في ظل اللي بنشوفه

مع احترامى للجميع انا جربت المركز دا فى 2014/05/25 غيرت عندهم اويسيلات ماكينه و فتيس و سلونايد فالف فتس ولا كان فى عرض و لا طووووووووول المهم الناس محترمين جدا فى فرع الشروق و المهندس متابعنى على طول بالتليفون وانا ارفت الى جابته مكالمات و مبيزهقوش منى وكان عاندى مشكله فى الطنابير الخلفيه و المهندس قالى احنا مبنخرطهمش و لازم يتغيروا وغيرتهم عند طارق الى ف الهرم