بعد إذنكم يا جماعة انا عامل الموضوع ده لأخونا شيكو و أتمني يكون ده أول موضوع يقراه من كندا إن شاء الله
هوا نزل أجازة 4 أسابيع و كان بيسافر كتير جوة مصر و كان إرتباطات الأهل كتير و كدة بس كان بيوجدلنا وقت للمقابلات و بيقعد معانا كتير و بيسهر للفجر و الحقيقة مقابلاته كانت رائعة لأن بجانب الصحبة الحلوة اللي من الأعضاء دايماَ في المقابلات بس شيكو كمان شخص عنده كاريزما و إبتسامة صافية فا تحب تقعد معاه ده إلي جانب إن دمه خفيف جداَ :D كطابع أعضاء نايل موتورز .. يعني مقابلة فيها شيكو و أستاذ أحمد إبراهيم و دكتور أحمد سامي بتلاقي الناس بتتقلب من عالكراسي :D و ده بيحسس الواحد إنه وسط إخواته بصراحة و قاعد يضحك معاهم
فا انا عايز أقول لشيكو نورتنا الأربع أسابيع دول و already وحشتنا كمان بعد ما سافرت تاني و في إنتظارك الأجازة الجايا :)