انا خايف اجيب فيرنا من اللى بسمعه عليها

**ferfsh** · 19-10-2008 03:25 AM

السلام عليكم
انا بفكر انى بمشيئة الله اجيب حاجة قسط . و طبعا محطوط فى كارير الكورى عشان السعر و كمان انا من النوع اللى بحب العربية اللى تكون حاجتها موجودة عند البقال زى ما بيقولو عشان متتعبنيش و كمان انا حاطط فى المقام الاول فى دماغى ان العربية تكون اصيلة و حمالة أسية (انا معايا دلوقت شاهين و ابصملها بالعشرة فى الموضوع دة ما شاءالله )
مشكلتى بس فى تكييف و بوور لانى بعانى من الوضوع دة. بسمع كلام مخوفنى من الفرنا من الاعضاء و محتار . اية رأى أهل الخبرة؟
ملاحظة: كله كوم و اللى بسمعه عن عيوب التقفيل المصرى من غبور كوم تانى. حسيت ان لو الناس دى كسبانه الفرنا فى مسابقة لبان هتزعل من العيوب ال.... ما بالك واحد دافع دم قلبه و جايب زيرو عشان يرتاح وفجأة يتصدم كده.
أسف للاطالة بس حبيت اوضح انا ليه مقلق من العربية دى و على فكره مش انا بس فى ناس كتير زييى و عندهم نفس المشكلة.

**pharonicking** · 19-10-2008 03:36 AM

ممكن تزود شوية وتجيب النيو اكسنت افضل منها "":k41:

**mido128** · 19-10-2008 03:59 PM

انا معايا فيرنا 2007 وشريها مستعمله كانت عمله 26 الف كيلو وهيا حاليا معايا بقلها 6 شهور هيا 1500 جميع الكمليات دلوقتى عمله حوالى 46 الف كيلو انا با اسافر بيها كل يوم للشغل حوالى 150 كيلو السيارة زى الفل وانا كمان محافظ عليها وانا لحد الأن مش غيرت فيها حاجة غير الحاجات البسيطة فلاتر وتغيير زيت فقط وكمان مش با اعمل فيها اى حاجة عند التوكيل ولا عمرى رحت التوكيل ده خالص

**sasatony** · 19-10-2008 04:18 PM

ياباشا العربية زي الفل
انا معايا فيرنا 2008 والعربية ماشاء الله والله تمام جداا غير الي كنت بسمعه
والعربية علي فكرة ثابتة علي ال120كم غير ماالناس كانت بتقول
وانا مش مجنط ولا اي حاجة العربية زي ماهي التوكيل

**mohamedok** · 19-10-2008 09:28 PM

المشاركة الأصلية كتبت بواسطة ferfsh

السلام عليكم
انا بفكر انى بمشيئة الله اجيب حاجة قسط . و طبعا محطوط فى كارير الكورى عشان السعر و كمان انا من النوع اللى بحب العربية اللى تكون حاجتها موجودة عند البقال زى ما بيقولو عشان متتعبنيش و كمان انا حاطط فى المقام الاول فى دماغى ان العربية تكون اصيلة و حمالة أسية (انا معايا دلوقت شاهين و ابصملها بالعشرة فى الموضوع دة ما شاءالله )
مشكلتى بس فى تكييف و بوور لانى بعانى من الوضوع دة. بسمع كلام مخوفنى من الفرنا من الاعضاء و محتار . اية رأى أهل الخبرة؟
ملاحظة: كله كوم و اللى بسمعه عن عيوب التقفيل المصرى من غبور كوم تانى. حسيت ان لو الناس دى كسبانه الفرنا فى مسابقة لبان هتزعل من العيوب ال.... ما بالك واحد دافع دم قلبه و جايب زيرو عشان يرتاح وفجأة يتصدم كده.
أسف للاطالة بس حبيت اوضح انا ليه مقلق من العربية دى و على فكره مش انا بس فى ناس كتير زييى و عندهم نفس المشكلة.

السلام عليكم ورحمة الله وبركاته

كلامك مضبوط 100% وانا كنت محتار زيك تمام وبعد عناء وبحث كبير جدا عرفت احقق المعادله الصعبه وهى سياره زيرو وسعرها معقول ومفهاش مشاكل التقفيل المصرى وتكيف وباور ممتازوحجات تانيه كتير ( زى كلام الاعلانات ) كل ده هتلاقيه فى
فيرنا فيفا التقفيل الهندى
انا اشتريتها كسر زيرو موديل 2008 وكانت عامله 10000 ودلوقتى عامله 16000 وبصراحه العربيه ممتازه وبعمل بيها كل يوم من 150 ل 200 كم والعربيه ثابته وتحس انك راكب عربيه محترمه وصاجها جامد جدا اقوى من المصرى بمراحل وجرب كده واقفل الكبوت والشنطه و الابواب وارزعهم فى الفيرنا الهندى والمصرى وانت هتلاقى فرق رهيب طبعا لصالح الهندى والعفشه بتاعتها فعلا جباره وقويه جدا والموتور بيسحب اشد من الفيرنا المصرى على الرغم من انه 1500 سى سى والمصرى 1600 سى سى ده غير ان الكاوتش بتعها هنكوك كورى وده من افضل انواع الكاوتش اما المصرى فكوتشها مصرى وده بيحسسك بفارق رهيب عند قيادة السيارتين

شوف لوعاوز كورى هيونداى فى هذه الفئه وتحس انك راكب زيرو بدون مشاكل لكام سنه
فانا برشحلك الفيرنا الفيفا الهندى

تحياتى

**ابوهاشم** · 19-10-2008 09:35 PM

الف مبروك عليك يامحمد باشا الفيرنا الهندى بس ممكن نعرف انت اشترتها بكام لو ماكانش فيها مضايقه لحضرتك

**Hossam.Hamdy** · 19-10-2008 11:06 PM

بص ياباشا انا اللى سمعته ان موديلات 2009 انضف من كل اللى فات عشان فى اشراف كورى على التقفيل بتاع العربيات فى المصنع....بس عن تجربه انا عمرى ما هركب هيونداى فى مصر طالما التوكيل كده و طالما مع غبور...انا عانيت معاه واعرف ناس قرفت منهم....
المشكله 80%فى الوكيل والصيانه مش العربيات

**ferfsh** · 20-10-2008 03:19 AM

يا جماعة انا متشكر جدا ليكوا على تعاونكوا معايا و بجد أنا استفدت منكم.

**ferfsh** · 20-10-2008 03:59 AM

المشاركة الأصلية كتبت بواسطة mohamedok

السلام عليكم ورحمة الله وبركاته

كلامك مضبوط 100% وانا كنت محتار زيك تمام وبعد عناء وبحث كبير جدا عرفت احقق المعادله الصعبه وهى سياره زيرو وسعرها معقول ومفهاش مشاكل التقفيل المصرى وتكيف وباور ممتازوحجات تانيه كتير ( زى كلام الاعلانات ) كل ده هتلاقيه فى
فيرنا فيفا التقفيل الهندى
انا اشتريتها كسر زيرو موديل 2008 وكانت عامله 10000 ودلوقتى عامله 16000 وبصراحه العربيه ممتازه وبعمل بيها كل يوم من 150 ل 200 كم والعربيه ثابته وتحس انك راكب عربيه محترمه وصاجها جامد جدا اقوى من المصرى بمراحل وجرب كده واقفل الكبوت والشنطه و الابواب وارزعهم فى الفيرنا الهندى والمصرى وانت هتلاقى فرق رهيب طبعا لصالح الهندى والعفشه بتاعتها فعلا جباره وقويه جدا والموتور بيسحب اشد من الفيرنا المصرى على الرغم من انه 1500 سى سى والمصرى 1600 سى سى ده غير ان الكاوتش بتعها هنكوك كورى وده من افضل انواع الكاوتش اما المصرى فكوتشها مصرى وده بيحسسك بفارق رهيب عند قيادة السيارتين

شوف لوعاوز كورى هيونداى فى هذه الفئه وتحس انك راكب زيرو بدون مشاكل لكام سنه
فانا برشحلك الفيرنا الفيفا الهندى

تحياتى

انا مع حضرتك بس مشكلة الفيفا انى بحس انها اقل من الفرنا فى قوتها على الاقل. بس فعلا اكييد لو هندىvsمصرى يبقى هندى.

**ferfsh** · 20-10-2008 04:03 AM

المشاركة الأصلية كتبت بواسطة Hossam.Hamdy

بص ياباشا انا اللى سمعته ان موديلات 2009 انضف من كل اللى فات عشان فى اشراف كورى على التقفيل بتاع العربيات فى المصنع....بس عن تجربه انا عمرى ما هركب هيونداى فى مصر طالما التوكيل كده و طالما مع غبور...انا عانيت معاه واعرف ناس قرفت منهم....
المشكله 80%فى الوكيل والصيانه مش العربيات

رووووووووووووح يا شيخ الهى يريح قلبك.
أنا معنديش المعلومة دى بس مقتنع و أعتقد أنها صحيحة بالعقل كدة. وأتمنى الكلام دة يكون حقيقى يا باشا.شكرا.

الموضوع: انا خايف اجيب فيرنا من اللى بسمعه عليها

LinkBack

أدوات الموضوع

عرض

السعر يحكم -

-

-

المواضيع المتشابهه

عاوز اجيب a516 بس خايف. رأيكم اية ؟

عايز اجيب النترا 2007 بس خايف ,,,,,,

عاوز اجيب جولف 1 بس خايف من الاحلال

عاوز اجيب اسبيرانزا a516 بس خايف

كنت عايز اشتر فيرنا بس خايف

الكلمات الدلالية لهذا الموضوع

المفضلات

المفضلات

ضوابط المشاركة