للاسف كتير جدا الواحد بيتنرفز و من الواضح اني مش انا الوحيد اللي بيعاني من المشكلة دي ...... والحاجات اللي بتنرفز كتير اوي ..... يعني الواحد لما بيبقي ماشي في حاله و موسع الطريق و تلاقي اتوبيس من وراء منك جاي جري و عاوز ياخد غرزة بينك و بين العربية اللي جنبك اكيد الموضوع ده بينرفز و ساعتها لما باشوف منظر زي كده باجري بالعربية علي اقصي حاجة علشان الحق قبل ما الاتوبيس المتهور ده ما ياخد الغرزة الغبية بتاعته
وبرضه موضوع العربيات اللي بتقف مرة واحدة زي الميكروباص و التاكسي .... و العربيات اللي بيتفتح بابها مرة واحدة وانت جاي بسرعة و مش مدي خوانة ..... و الناس اللي بتعدي و مش مقدرة سرعة العربية تلاقي البني ادم منهم ماشي في عرض الشارع كانه بيتمشي علي الكورنيش...... والعربيات اللي بتكسر عليك مرة واحدة علشان تلحق تدخل في الشارع الجانبي
للاسف الشارع المصري ده مفيهوش انضباط خالص و الناس الملتزمين اصبحوا قلة نادرة