*******1- بصراحة لا أفقد أعصابي.
2- لما يكون والدي راكب معايا باتعصب جوه نفسي و باظهر العكس :) لأنه بيتعصب من اللي بيحصل حواليه و بيشوفني باتصرف ببرود و أقعد أقول له "عادي يعني ماتتنرفزش"
3- للأسف ما ينفعش ألتزم لوحدي.
يعني لما أمشي على الحارة الشمال على 90 و ألاقي واحد ورايا بيقلب لي نور و واحد تاني بيعدي من يميني!!!
لما أمشي في النص و ألاقي الطيارات من على اليمين و على الشمال!!!
لما أمشي على اليمين ألاقي أصناف الخطر من حفر و مشاة و عجل و كارو و ميكروباصات بتقف في أي وقت كده براحتها و ناس طالعة من طرق فرعية
في الزحمة لما ألتزم بحارتي و بمسافة بيني و بين اللي قدامي و ألاقي واحد عايز يعديني و ييجي قدامي!! كده بدون داعي و بدون إشارات معلش ساعتها باصدر بوز العربية و أطلع قدام و أحضن عليه كمان.
لما يكون الطريق زحمة و أمامي عربيات مالهاش عدد و يجي واحد ورايا يزمر و يقلب نور!!! باقعد أضحك عليه والله يعني أعمل لك ايه
لما أكون على الطريق بتاعي و واحد عايز ياخد U-turn و مش مستنى الطريق يفضى و يقعد "يتدحلب" يتقدم ببوز عربيته شوية شوية عايز الناس تقف له على طريق سريع!!!! معلش بقى ساعتها مش بابعد و آخد يمين لأ ده أنا باجي عليه شمال لحد ما يقف و يبطل دحلبة
لما نكون داخلين على إشارة أو مزلقان و المفروض الناس المحترمين تسيب حارة يمين أو شمال للي عايز يلف!! و تلاقي الناس بتسد كل حاجة و اللي كان ناوي يلف و يمشي يضطر يستنى لحد ما الإشارة تفتح
كل ده بيأثر على أسلوب القيادة
4- للأسف ده طبع و صعب يتغير. بس حاول ما تظهرش لمن حولك أنك متعصب. و في نفس الوقت ما تكتمش في نفسك يعني حاول ترد على المواقف اللي بتحصل لك ببرود و رخامة تتناسب مع اللي حصل لك
مع التحليل أعتبر نفسي من أنصار طريقة الـ "بوز بيز" BOOOZ base :err:
ماذا أقول بعد كل ما قيل......اتفق معاك في كل ما قلته
بس أنا مش من أنصار ال BOOOZ base:k41:
******طول ما كان الموضوع على اد حد زنق عليا و لا كسر ولا حد رما عليا مكنتش بضايق اوى و مش بكلم و بقفل على نفسي الازاز
بس لما عملت الحادثة و الاكصدام اتكسر و مش غلطتى مش عاوزة اقولك عملت ايه
يا ريتك كنت تيجي تتفرج بنفسك ... حاجة oriental اوى يعني بس موش عارفة ليه الناس كانت بتضحك عليا
قولي وخلينا نضحك أحنا كمان
المفضلات