الموضوع: محتاج مساعدتكم بخصوص فرامل الفيرنا

السلام عليكم يا شباب يارب تكونوا بخير
وكل سنة وانتو طيبين
انا معايا فيرنا 2013 اول اما جبت 15 الف كيلو ع 120 سمعت صوت ضمة في الفرامل
يعنى تحس ان الكاوتش كدا بينضغط مع الفرامل غير ان المسامير لما بروح بيها مشوار 30 كيلو بتبقى مولعة نار بطريقة غريبة ورحت لكذا ميكانيكى قالي ممكن يكون تيل او حاجة ف خراطيم الفرامل
المهم انا الفترة الاخيرة مكنتش بمشي اكتر من 80 مشواير وسط البلد بس امبارح حصل حوار غريب بضرب فرامل وانا ماشي براحه لقيت فيه زي كحة كدا في الفرامل مع كل ضغطه حسيت ان التيل خلص خالص وبقا ع الحديدة ركنت العربية وتاني يوم رحت لميكانيكى بجرب الفرامل مفيش اى صوت بس طبعا الصوت الاساسي موجود بتاع الـ 120
المهم انا فهمت ان كدا كدا لازم اغير التيل وسالت عليه ف غبور دلوقتى لقيت سعره 363 ج
وسالت ميكانيكى قالي هاتلك واحد اصلي اركبهولك ب80 طبعا لما قلبت ف مواضيع المنتدى وشفت الاسعار عرفت انه بيشتغلنى

السؤال دلوقتى هل موضوع سخونة المسمامير تيل بس ؟ وقريت قبل كدا انى طالما اقل من 20 الف ممكن يدخل ضمان !؟!
وهل مراكز الخدمة المعتمدة من غبور زي مراكز خدمة غبور بالظبط ؟ يعنى الضمان ضمان ولو فيه مشكلة اكنى ف التوكيل ولا فيه اختلاف ؟!

مع العلم ان قبل الدنيا العربية كانت تمام ومقفل بيها العداد كذا مرة

المشاركة الأصلية كتبت بواسطة eng_designer

السلام عليكم يا شباب يارب تكونوا بخير
وكل سنة وانتو طيبين
انا معايا فيرنا 2013 اول اما جبت 15 الف كيلو ع 120 سمعت صوت ضمة في الفرامل
يعنى تحس ان الكاوتش كدا بينضغط مع الفرامل غير ان المسامير لما بروح بيها مشوار 30 كيلو بتبقى مولعة نار بطريقة غريبة ورحت لكذا ميكانيكى قالي ممكن يكون تيل او حاجة ف خراطيم الفرامل
المهم انا الفترة الاخيرة مكنتش بمشي اكتر من 80 مشواير وسط البلد بس امبارح حصل حوار غريب بضرب فرامل وانا ماشي براحه لقيت فيه زي كحة كدا في الفرامل مع كل ضغطه حسيت ان التيل خلص خالص وبقا ع الحديدة ركنت العربية وتاني يوم رحت لميكانيكى بجرب الفرامل مفيش اى صوت بس طبعا الصوت الاساسي موجود بتاع الـ 120
المهم انا فهمت ان كدا كدا لازم اغير التيل وسالت عليه ف غبور دلوقتى لقيت سعره 363 ج
وسالت ميكانيكى قالي هاتلك واحد اصلي اركبهولك ب80 طبعا لما قلبت ف مواضيع المنتدى وشفت الاسعار عرفت انه بيشتغلنى

السؤال دلوقتى هل موضوع سخونة المسمامير تيل بس ؟ وقريت قبل كدا انى طالما اقل من 20 الف ممكن يدخل ضمان !؟!
وهل مراكز الخدمة المعتمدة من غبور زي مراكز خدمة غبور بالظبط ؟ يعنى الضمان ضمان ولو فيه مشكلة اكنى ف التوكيل ولا فيه اختلاف ؟!

مع العلم ان قبل الدنيا العربية كانت تمام ومقفل بيها العداد كذا مرة

اخى الفاضل .... الحق بسرعة و غير التيل المضروب اللى فى عربيتك بتاع مصنع غبور .... غبور افندى بيحط فى العربية تيل مضروب كله نحاس بيسخن الطنابير و بياكل فيها اللى هى اصلا مضروبة برضه .... انا معايا فيرنا 2013 عاملة 25000 و لسه مغير التيل الاصلى موبيس 160 جنية من العشرى فى الحرفيين ... و الصنيعى اللى فك التيل القديم اتصدم من نوعه .... و كان مخلى الجنط الامامى نار لدرجة انك متعرفش تحط ايدك ثانية و احدة عليه

نصيحة لوجه الله .... الحق غير التيل المضروب ده بسرعة بتيل اصلى و فى اقرب وقت غير الطنابير لأنها مضروبة برضه ..... و سخونة الجنط هتقل جدا بعد تغيير التيل ان شاء الله ..

و كل عام وانت بخير و عيد مبارك