ضحكتنى يا باشا ليا زمان ماسمعتش نكتة حلوة كده
عرض للطباعة
أنا زمان في ابتدائي ...أنا واصحابي مكناش عارفين في العربية المرسيدس ايه معنى ال 280s. فواحد صاحبنا كان مشتغلنا علي الآخر وعامل نفسه خبير عربيات ومفهمنا أن دي معناها ان العربية دي ليها 280 اسم (زى التمساحة والخنزيره و .....) ودي طبعا أحسن من ال 200.
الغريبة اننا فضلنا مصدقينه طول فترة ابتدائي وأي حد يسأل أو من غير ما يسأل نقوله علي المعلومة المهمه دي :)
واحد زميلنا على المنتدى هنا
كان مصمم أن البروتون ما هي إلا سيارة يابانية بمحرك و عفشة و شاسيه ياباني
أقنع فيه أنها ماليزي و صناعة ماليزي ....... مفيش فايدة
جبتله مقالات من ويكيبيديا .......
يقولي أنت بتصدق الكلام ده !!!!! :goofy:
كنت ناوي أصورله قطع مكتوب عليها صنع في ماليزيا بس لقيت ان الجدال معاه أساسا مضيعه للوقت
واحد تاني قابلني عند ميكانيكي
و كان بيصلح تويوتا كريسيدا
العربية كانت ضايعة ......... بمعنى ضايعة
المهم أنه مقتنع أنها سابقة عصرها بعشرين سنة و يقولي تكنولوجيتها معمولة لسنة 2000 مع العلم ان العربية كانت موديل 1981 تقريبا
و المصيبة أن العربية بعد ما دارت سمعنا صوت الموتور اللي كان ضايع و ماشية بالعفية
و يوقلي دي أجدع من الكورولا
علشان دي عربية كانت معمولة للمستقبل :thumbsup:
و تحيا مصر
كان فيه اشتغاله وكنت مصادقها لحد وقت قريب ان اسم Bmw ده اختصار ل Between Mercedes and Volkswagen
وتاريخ الشركه ان كان فى المانيا عربيتن ناجحين جدا هما Mercedes and Volkswagen فعلشان كده نزلت ال Bmw وسط بين الاتنين وقدرت تجمع شريحه كبيره اوى من الناس علشان كده اتسميت كده
اى كلام بيتقال ياعم الحج والله ونصحيه متصدق اى حاجه تتقال
أول ما بدأت أسمع عن الهيونداي في أوائل التسعينات كنت باسمع إن الهيونداي دية عربيه مضروبه ووحشه عشان هي تقليد الهوندا :)
زمان وانافى الابتدائى:drool5: كنت انا وزمايلى مقتنعين ان المرسيدس البودرة كان بيشتريها الناس اللى بيبيعوا بودرة وهيروين:k6: والعربية دى كانوابيشتروها عشان محدش يقدر يمسكهم:gun_smilie::gun_smilie:..ياسلاا ااااااااااااااااام على براءة الاطفال:angel::angel:
على فكرة كلمة هيونداي ليس تقليد لهوندا إن شاء الله
هيونداي تعني " الحداثة " في اللغة الكورية
و الشركة تم تأسيسها عام 1947 و مصنع السيارات عام 1967
و بدأت التحديث الفعلي و الإنتاج المبتكر للسيارات في بداية التسعينيات و كانت كل تلك الفترة من 1967 للتسعينيات هي تجميع لسيارات فورد الأمريكي بالأساس
و شركة هوندا تم تأسيسها عام 1948 في اليابان
يعني هيونداي أقدم من هوندا
موضوع رائع بجد
واحد صا حبنا كان حريص قوى .. كانوا جايبين عربية من دولة عربية موديل 80
من 20 سنة كده وقاللى انهم جايبين معاها جهاز انذار سابق عصره :) وان مفيش حد فى مصر بيعرف يركبه .. الجهاز ده قبل ما تفتح العربية لازم تدوس على زرار سرى فى الشنطة علشان تطفيه ..
ولو الحرامى قرب من العربية .. فى سارينة بتقول بالعربى :) حرااااااامى !! حرااااااامى !!
:) ههه طبعا كنا صغيرين ومصدقينه ...
--------------------
--------------------
نفس الشخص ربنا يمسيه بالخير .. كان بيقول ان العلامة اللى بتتحط على الشنطة اللى هى
Aa ( حرفين A متشابكين ) دى خاصة بالعربيات اللى جايه من الخليج ... وقاللى دى علامة مميزة
مستحيل تلاقيها فى اى عربية فى مصر :) بعدها بأسبوع لقيتها على تويوتا 14 راكب كمية بالعبيط :)
وكمان على 128
واحد صحبى طيب و مالوش فى العربيات من كام سنة اشترى اول عربية فى حياته كانت 128
وحصلت فيها مشكلة وداها لميكانيكى جنب بيتهم قالو "عصاية الدربوكس وقعت فى الكرونة"
ولازم العربية تبات عنده يومين لان الموضوع كبير
لقيته بيكلمنى وبيقولى مشكلة كبيرة حصلت فى العربية فبقوله خير قالى اصل "عصاية الدربوكس وقعت فى الكرونة" وانا وقعت على ضهرى من الضحك :k48::k48: :k48:
وخدته ورحنا للنصاب ملقناهوش فخدنا العربية وادينها لمكانيكى تانى وكانت عاوز طقم كهرباء
المهم واحنا ماشين من عند المكانيكى بيقولى كده الحمد لله الكرونة مافيهاش حاجة ... ؟!!!! :k48:
فين وفين لما صدق ان المكانيكى كان بيشتغله
وكل ماقبله اذله بالحكاية دى :D
برضو من الاشتغالات لما كنت باسمع حد من 3 سنين يقول على عربيه A4 او A5 دماغى تروح علطول للاودى
واكتشفت انى كتير بالاقى اللى بيتكلم يقصد الاوكتافيا ...
اخر حاجه بقيت لما اسمع حد يقول A
بدور بين الاوكتافيا والاودى والاسبرانزا !!!!
ان عربيات الشرطة في منها ميني كوبر وعجبي
اكتر اشتغاله ضايقتنى فى حياتى
اول ما اللانوس نزلت واحد صنايعى قاللى ده الصاج بتاعها فيبر
يعنى لو اتخبطت مبتتردش وان لازم تتغير حتى لو حكه بسيطه
وده خلى والدى مقتنع ان الريتمو مفيش احسن منها
وانها غلطه لو غيرنا بحاجه من الجديد
واشتغاله فضلت كتير مصدقها
ان العربيات القديمه مصاريفها ارخص من الجديد
وانها احسن من الجديد
وبتستحمل عن الجديد
دلوقتى لما بشوف واحد بيشترى عربيه قديمه
او راكب عربيه 128 ومغلباه ومقتنع انها احسن واوفر
بيصعب عليا
واحد صاحبى بيحب الفشر زى عنية قالى فى مرة انه كان بيشد بعربيتة المازدا ال 929 مع واحد بلانسر 99 و لقى اللانسر سريعة موت فا قام موقفة و ساله ليه عربيتة بتجرى كدة قام الواد رد عليه و قالة "أصل انا مركب فيها موتور BMW"
و سواق تاكسى كان بشتغلنى... راكب عربية لادا 2105 و بيقولى اصل انا مبحبش اقسى على عربيتى فى الملفات عشان الكبالن... قولتلة دا انا سالت على الكبالن بتاعتها لقيتها رخيصة جدا عند الراجل اللى بيبيع الرادياتيرات بتاعت البيتلز
MMamdouh
واحد صاحبي اشتري هوندا هاتش باك ولا يوجد قطع غيار لها كل شويه ينزل يدور لها علي سلك دبرياج وفي الاسبوع ممكن يصرف 500 جنيه
قلت له بيعها واشتري 128
قال لي دي فيها تكييف بس عايز شحن
الحقيقة :هى ان فيه فعلا يوتيوب عن القصة دى
الاشتغالة :هى ان اللى متصور على اليوتيوب يصلح للتنفيذ بأى شكل من الأشكال فى الواقع
الموضوع ده احنا ناقشناه على المنتدى لحد ما شبع وهتلاقى آخر مرة اتفتح فى موضوع اسمه خبر يفرح لكل مستخدمى السيارات
عموما دى رابط لكل المرات اللى هرينا فيها الاشتغالة دى نقاش تقدر تطلع عليها لو عندك 3 ايام فاضيين كدة وللا حاجة
http://nilemotors.net/Nile/showthread.php?t=43087
http://nilemotors.net/Nile/showthread.php?t=29368
http://nilemotors.net/Nile/showthread.php?t=32051
http://nilemotors.net/Nile/showthread.php?t=36303
http://nilemotors.net/Nile/showthread.php?t=34893
واحد بتاع كاوتش قاللى الكاوتش العريض غلط عشان بيصطاد المطبات !!
وفى ميكانيكى ظريف مرة سلك الدبرياج بتاع الشاهين كان مقطوع ، قام البيه بيلحمه بأمير !!!! قولتله إيه ده ؟؟؟ قاللى ماتخافش مانا هعمله بطفية سيجارة هيبقى زى الحديد ! وطبعاً إتقطع قبل ما أمشى من عنده أصلاً
حد سمع زمان إن البيجو ال 504 بتشيل أد وزنها 7 مرات ؟ وإنها لما بتجرى العجل مش بيبقا لامس الأرض ؟ :)
اكتر اشتغاله اليومين دول ان اسعار العربيات هتبقي في الحديد
عشان شهر يناير و شهر 12 تقفيل قواضي هههههههه
بجد كل واحد عندنا لازم يفتى فى اى حاجه و يالف وخلاص
انا قابلت واحد فى توكيل اوبل معاه استرا 2002 بيقولى العربيه دى منظر على الفاضى هى و الفولفو انما من جوا تعبانين ولا شركاتهم بتفهم حاجه يعنى مثلا الاسترا بتاعى ( الى هى 2002 ) احلى من ال bmw الجديد فى الشكل و اوسع منها لان عجلها صغير .!!!!!!!!!!!
كنت و أنا فى اعدادى او فى ثانوى سمعت اشتغالة ان اى عربية مكتوب عليها من ورا GL يبقى معناها "جديدة لانج" gdeda lang و لو مكتوب عليها GLX يبقى معناها "جديدة لوكس" gdeda lux
و طبعا كل ما واحدة من اصحابى تسألنى اقولها على المعلومة القيمة دى و نعد نضحك عليها
ههههههههههههههههههههههههه ههههههههههههههههههههههههه هاىىىىىىىىى
اكتر اشتغالة سمعتها في عالم السيارات كانت بخصوص الميتسوبيشي لانسر وسمعتها من واحد صديق كان باباه شاريهاله وكان اول شاب في شلتنا يجيب عربية..وطبعا مبطلش فشر من ساعة ماجابها :d
1- الاير باج بتاعها بيفتح قبل الحادثة ما تحصل لان في حساسات بتقدر ان العربية خلاص هتخبط :d "بعدها عملنا حادثة على اسكندرية الزراعي و الايرباج مفتحش اصلا"
2- العربية مكنتها 1300 لكن فيها 2 تربو بيخلوها توصل ل250 لكن مش حاطين كدا في المانوال ولا عداد العربية كبير عشان يحمو الناس :d
طبعا محدش كان فاهم حاجة ساعتها لحد مافي مرة بحكي لوالدي عن القصص دي فراح قالي الواد دا و ابوه كدابين أساسا متخرجش معاه تاني ههههههههههههههههههههههههه ههههههههههههههههههههههههه ههههه
الأشتغالات كتير:002:
مثلا واحد كان عايز يقنعنى ان احسن عربية هى الميتسوبشى لانوس ، اقول له قصدك ميتسوبيشى لانسر أو دايو لانوس يقول لى لأ ميتسوبيشى لانوس احسن واحدة !!!
لما جبت البومة واحد معرفة قعد يقنعنى ان مادامت انجيكشن يبقى مافيهاش بوجيهات ، اخدته و نزلت للعربية و فتحت الكبوت و وريته اسلاك البوجيهات ، يقول لى لأ .. دى حساسات الأنجيكشن !!!
البيجو 504 لما توصل سرعتها لل 100 كم/ساعة بتبقى كتلتها 0 و ممكن لو عدت على زلطة تقلبها
كل ما زاد عدد الصبابات فى العربية تاكل بنزين اكتر ، فحاول انك تجيب اقل عدد صبابات علشان توفر بنزين
اضحك دايما لما اسمع الناس تقول "عربية هيدروماتيك" على الأوتوماتيك و لحد دلوقت مش عارف التسمية دى جت منين ؟؟؟ ايه علاقة المياه بالأوتوماتيك ؟؟
حط فنجان جاز على رادياتير 1/2 فاضى و دور العربية ربع ساعة و بعدها سيبها طول الليل ، و الصبح غير مياه الرادياتير و حط غيرها تلاقيه نضيف فله !!!
و للحديث بقية:tt2:
بالظبط كدة
موتور البيجو 504 دا موتور طياره وكمان موتور اللادا موتور دبابه وعجبي
ههههههههههه متابع
هههههههههههههههههه
حرام عليكو دانا ميت من الضحك
اجمد حاجه سمعتها كانت هنا علي المنتدي، ان الماتريكس في منها مقاسين واحد كبير و واحد صغير و ان الاتنين بيتباعوا بنفس السعر و انت و حظك، ممكن تطلعلك واحده كبيره او واحده صغيره!!! و المصيبه ان ناس كتير كانت مصدقه!!