تصدق كلامه صح، أنا فاكر مرة كنت بارجع بالعربية ورا و فرملت جامد لقيت الموتور في حجري :hlopaet_prv:
عرض للطباعة
فتاوي الصنايعية كان عندي تحت عصاية الفتيس سخونة من المشي فرحت لواحد بتاع قطع غياراستيراد قالي في صاجة عازلة بين الشكمان والعربية تمنع السخونة وتعالي نحلها من عربية في المخزن وخدنا العدة وقعدنا نحل فيها وطلعناها وروحنا الي بتاع الشكمانات لسة باوريهالو قالي لا يابية دي مش بتاعت العربية قولتلو ربنا يهديك انزل ركبها وهي هتركب وفعلا ركبت وفي كتييييير
واحد صاحبي اشترى بيجو 405 موديل 96 تقريبا - الكلام دا سنة 96 - وكلنا قلناله كنت جبت فيكترا فقال حاجة عشان يثبت ان البيجو احسن من الفيكترا: ان البيجو كبالن والفيكترا فيها عمود كردان وكمان معووج - 1 سم طبعا قال بعد كدة كلام كتيير بس خلاص انا من اول ماسمعت حكاية الكردان دي قلت مش هسمع حاجة تاني منه مات الكلام معاه عن اي عربية بعد كدة غير البيجو الــ405 بتاعته بالذات
إشتغالة جامدة جدا قالهالى صنايعى ضحكت علينا منتدى الدايو كله ان سير الكاتينة فى الدايو له لمبة فى التابلوه تعطى انذار بقرب تغييرة و لما تدى انذار ممكن امشى بيها كده 1000 كيلو كمان بس عندى كانت مطفية وقال لى روح لكهربائى يشغلهالك
يغسل العصافير؟ ده ميكانيكي أي كلام. إلا لو كان ناوي ينشف العصافير بسرعة بعد الغسيل و إلا يجيلها برد
الموضوع ده كان عندي حاجة زيه بس مش عصافير بقى. كان العجل الخلفي بيشخلل مع المطبات. أعتقد الميكانيكي اللي بتقول عليه كان هيبقى رأيه كالآتي: ده صوت "الصاجات" يا بيه و تلاقي عندك رقاصة في الطنبورة
http://kaydhoom.jeeran.com/mouse-a.gif
ها ها فعلا المصريين شعب كوميدى
أنا سمعت اشتغالات كتير مش فاكرها , بس اخرها ان المازدا 3 بتنزل بمساعدين كونى koni زى اللى فى أرابكم كدة مثلا
دى بقى اعتقد ماحدش سمعها
لما تكون سايق و تجى تعمل مكالمة بالموبايل الشبابيك تقفل اتوماتيك
و يخلق مالا تعلمون
الكلام ده مظبوط في السيارات اللي بيجي فيها تليفون مدمج زي ال bmw الفئة الخامسة والسابعة و الأودي بعض الفئات (الكلام ده في السعودية معرفش بتنزل مصر مواصفاتها ايه)
أول مبتعمل أو تستقبل مكالمة صوت الكاسيت أو السي دي بيوطى والزجاج بيقفل اوتوماتك
للأمانة(أنا قرأت الكلام ده في اعلان لسيارة الفئة السابعة مستعملة ولكن لم أرى بعيني)
موضوع جامد موووووت
أكبر اشتغالة في سعر عربيتي .. سألت واحد بلدياتي أريافجي .. قاللي عربيتك بالكتير بـ 28 ألف .. وممكن 20 كمان !
أكبر اشتغالة من الميكانيكي : قاللي : المفروض يا بيه تجيب لي العربية كل أسبوع عشان أغسللك الحساسات بتاعتها !
أكبراشتغالة من بتوع الإستيراد : الكوعة الألومينيوم اللي جنب وش السلندر على اليمين بتتباع جديده بـ20 جنيه .. سألت عليها استيراد قاللي بـ 70 جنيه .. قلت له ليه دا الجديدة .... قاللي القديم أحسن يا بيه ..(مع العلم إن القديمة اللي بيتكلم عنها دي مملحة وطالع عين أبوها )
ههههههههههههههههههههههههه
ايه الحركات دى
هههههههههههههههههههههههه
البرئبئ مفنشر
ههههههههههههههههههههههههه
كنت بتفرج على الاسكودا الفانتزيا فى معرض تبع التوكيل
المهم الراجل بيكلمنى على العربية ومواصفاتها المهم بيقولى العربية دى 1600 تيربو فبقولة نعم؟
قالى ايوة يافندم فبقولة طيب معلش ممكن نفتح الكبوت وتورينى التيربو
قالى لا لا التيربو دة مش زى بتاع زمان التيربوا دة موجود جوة السيلندر!!!!!!!!!!!
فبقولة دى حاجة جديدة قالى اه(قالت يمكن لية لاء انا بقالى كتير متبعتش الجديد بتاع العربيات ولا قريت عنها فبسألة بحسن نية) فبقولة معلش ممكن تشرحلى بيشتغل ازاى؟
المهم قعد يتوه فى الموضوع
فبقولة هو حضرتك مهندس ميكانيكا سيارات قالى اة
قلتة جامعة اية قالى الزقازيق!!!!!!!
فبقولة وهى الزقازيق فيها سيارت قالى اه انا متخرج منها
ملحوظة كليات الهندسة اللى فيها قسم هندسة فى مصر كلها
هندسة المطرية (جامعة حلوان) وجامعة عين شمس وجامعة المنيا
المواقف والتعليقات كلها احلي من بعض
حاجه جميله
رروحت معرض عربيات فابسأل البيه الموجود جوه المعرض
بقوله: هي العربية دي تمنها كام؟
راح قايلي على ان تمنها عامله 67000
ررديت عليه:ليه العربية ليسه نازلة و سعرها في الجرايد 60000
راح البيه قايلي لأ دي تمنها عند الحجز بس انما تشتريها ب 68000 حسيت انه بيشتغلني سيبته و مشيت
لما كان معايا الاسبرانزا ال113 واحد صاحبى قعد يحلفلى ان جوز عمته من ناحية مرات خاله كان معاه ال 516 و متورها ساح عند بوابات اسكندرية طبعا سمعت الكلمة و وقعت عالارض من الضحك
مرة تانية كنت راكب مع سواق تاكسى لاقيته بيقولى :
يا باشا تعرف منين السواق الجامد من التعبان قولتله اشجينى راح قاللى بص الخط الابيض اللى فى الارض ده معمول عشان نوسطنه فى العربية و اللى يعرف يوسطنه يبقى جامد روحت قولتله امال الناس كلها بتمشى ليه وسط الخطين قاللى عشان يقرفونا(سواقين التاكسى)
اكبر اشتغاله كانت مع مهندس استقبال سوبارو بتاع شارع النزهه كان خاللى بيفكر يشتريها الشكل الجديد(خاللى مهندس سيارات)المهم خالى ساب الراجل يسرد مميزات العربية
المهم قاله المتور ده متور بوكسر و البساتم على شكل حرف t و ده بيقاوم الجاذبية و يخللى العربية تسحب اكتر
اترك لكم التعليق
طيب انا عايز بساتم على شكل حرف (m) علشان تمشي مع اسمى
طيب خدى دى بقى
اى جسم فى العالم لية مركز ثقل مركز الثقل دة بقى هو النقط اللى بتتزن عندة الجسم وبيأثر عندة الوزن بتاع الجسم اكيد طبعا النقطة دى بتبقى على الجسم مش براة
حلو
معيد فى كلية هندسة قسم سيارات بيقول لما كنت بتدرب فى مركز خدمة فولكس قالولنا احنا هنقولكم اية سبب ثبات العربيات الجولف وكانت المفاجائة ان مركز الثقل بتاع الجولف تحت الارض ويحلف ان الكلام دة صح
تقريبا بيعملوا بمبداء القرين
انا اكتر اشتغالة سمعتها ان العربيات هترخص..
زمان ايام الكليه وفي معمل الكمبيوتر واحده كانت بتقول لو سمحت ماتحطش الديسك بتاعك جنب الكمبيوتر بتاعي عشان ماياخدش فايروس :).
ومره خليت ميكانيكي يغسلي تانك البنزين في عربيه اكسنت.بعد ما غسله قالي لقيت فيه فلتر فوق التانك مسدود قمت سلكته, انا ماخدتش في بالي واديته 5 جنيه زياده. العربيه بعد كده كنت كل لما افولها بنزين تبطل. لفيت على بتوع الكربارتير والميكانيكيه اللى في الهرم وفيصل ودفعت حوالي 1200 جنيه عشان تصليح العيب ده ماعرفتش.
اخيرا رحت التوكيل طلع الفلتر اللى البيه نضفه ده بلف الراجع ,يسمح برجوع النزين من الموتور للتانك ويمنع خروجه من التانك للموتور.
شفت بقى انت فهمت الوضوع غلط ازاى
لما بيبقى فى مواسير مركز الثقل بتاع العربية مش هيخلى العربية تمشي
ودة علشان العربية متتخبطش فى البلاعة ومتنزلش فى الحفرة
وعلى فكرة دكتور الميكانيكا السنة دى قالنا على معلومة غاية فى الخطورة
ان المسافة اللى بتاخدها العربية علشان تقف مبتتوقفش على وزن العربية ولا سرعتها
ولاكن بتتوقف على معامل احتكاك الكاوتش بالارض
هبقى اجيبلك المسألة اللى ثبت فيها الكلام دة
ياعم خلينا ساكتين ربنا يكرمك
:b4_556:
واحد فشار مرة بيقولي:,,,,,, .عربيتي جبارة وانا ماشي على سرعة 80 باسبق العربيات اللي ماشية على سرعة 100 !!!!
يا باشا كان واحد بس كدا وقف وقاله كلمه خلته خرج برا المحاضره
كان قاله طيب واشمعنى الاوتوبيس او العربيه النقل مع ان فيها نقاط تلامس على الارض ضعفين او ثلاثه الملاكى وفرامل اقوى من الملاكى بمراحل ومن نفس السرعه بتقف بعد الملاكى بضعف المسافه
دكاتره ايه دى , دول عايزين كورسات تقويه وقال احنا بنتريق على الميكانيكيه اللى بتفتى