المشاركة الأصلية كتبت بواسطة eng.osama.afifi
أخي العزيز مركز الثقل نقطة وهمية ...
تعريف مركز الثقل:
مركز الثقل هو نقطة إفتراضية تعبر عن محصلة أثقال عناصر المجسم وهي أيضاً نقطة الإتزان ، كما نستطيع القول بأنه النقطة التى تتوزع حولها ثقل الجسم بالتساوي من جميع الجهات . (منقول)
وهيا تعتمد على وضع الجسم ... يعني بتتغير بتغير الجسم ... يعني تخيل إن إنت عندك كورة مصمتة ( زي بتاعت البلياردو )... شكل منتظم جميل أوي ... مركز الثقل بتاع الكورة هوة نقطة تقاطع المحاور ... إللي هيا مركز الكورة ... مهما لفيت الكورة مركز الثقل ثابت
تخيل بقى إن الكورة ديه فاضية من جوة ... مهو نفس المركز لإن النقطة ديه هيا الوحيدة إللي عندها كل وزن الجسم ثابت بالنسبالها ! ... والحتة ديه في قلب الكورة ... إللي هيا هواء
تخيل إن الكورة ديه جواها طوبة صغيرة لازقة في طرف من الأطراف ( وليكن على يمين مركز الثقل)... مركز الثقل حيتغير ساعتها ... ولو الطوبة ديه على شمال مركز الثقل ... مركز الثقل حيتغير تاني ... تخيل إن الكورة ديه بتلف والطوبة لازقة في جانب الكورة ... مركز الثقل حيتغير كل شوية !
مثال آخر ... عندك حتة سلكة ... تقدر تعملها إتزان وهيا بشكل أفقي من نقطة واحدة ؟ عادي جدا ...النقطة التي تقع في نصف الطول .... طيب خلي السلكة ديه على شكل مثلث متساوي الأضلاع ... وإمسك المثلث بشكل أفقي ... تقدر تعمل للمثل ده إتزان من نقطة واحدة ؟ ... حتلاقي إن النقطة الوحيدة هيا اللي موجودة في قلب المثلث ... إللي هيا فين ؟ هواء !
جسم الإنسان مركز الثقل بتاعه فين وهوا واقف؟ في وسطه ... طب لو ركع في الصلاة حيبقى فين ؟ برا بطنه .. في الهواء
[sor1]http://www.freeimagehosting.net/uploads/92f2af32e0.jpg[/sor1]
وممكن تقرى في الموضوع ده على النت كتير ... وحساب مركز الثقل للأشكال الغير منتظمة من الحاجات المعقدة فوق ما تتخيل !
وزي ماقلت في الأول ... أنا بتكلم على خطأ علمي بحت دون التطرق للموضوع نفسه !
أنا برد على أخي العزيز في الجملة ديه فقط