صديق لي بيحكي إنه كان في الحرفيين و شاف 2 شباب داخلين بفيراري و قفوا قدام ورشة صاحبها معلق صور فيراري و بورش فصاحب العربية قال ده ممكن يساعدنا.
سأله الأول : بتفهم في الفيراري؟
الميكانيكي: طبعا يا باشا.
صاحب الفيراري: طيب عايز أغير مياه التبريد.
الميكانيكي بكل ثقة وقف قدام العربية و حط إيده على الكبود و قال للراجل : إفتح الكبود يا باشا.
طبعا صاحب الفيراري مات من الضحك و قاله: أفتح إيه يا دكتور... الفيراري ماتورها ورا .
و سابوه و مشيو طبعا. بس وقفو إتكلمو مع صاحبي و كانو بيشتكو من صعوبة الصيانة للعربية دي في مصر.
بس فعلا إحنا شعب بيصعب عليه يقول معرفش لما يكون فعلا ميعرفش ... خوفا من أن تكون أغنية "الصراحة راحة يا روحي و إنت ..... " معمولة له.
اللهم لا حول و لا قوة إللا بك
المفضلات