ايه اكتر اشتغاله سمعتها فى عالم السيارات ؟؟؟

**powerofhelll** · 13-02-2009 05:05 AM

انا بقي كان عندي واحد صحبي ايام الكليه كان كل ما يشوف وشي يقعد يحكيلي عن عربيته الاوكتافيا و الجري الي بيجري بيه و الشد و ان عربيتي متقدرش تجري جنبه علشان هو بيسوق من 10 سنين ........... و بعد كام سنه كده افوجئ بوالده بيكلمني علشان انزل معاه و نشوف العربيه الادا الي هيشتريها و بعد لما خلصنا فيها قلي ابقي علم صاحبك السواقه ........

**Samir_Adel** · 13-02-2009 05:13 AM

المشاركة الأصلية كتبت بواسطة asaadte

بس لو لادا روسى
تشتغل بالفودكا

جامدة

**EslaM_NagY** · 14-02-2009 01:56 PM

المشاركة الأصلية كتبت بواسطة powerofhelll

انا بقي كان عندي واحد صحبي ايام الكليه كان كل ما يشوف وشي يقعد يحكيلي عن عربيته الاوكتافيا و الجري الي بيجري بيه و الشد و ان عربيتي متقدرش تجري جنبه علشان هو بيسوق من 10 سنين ........... و بعد كام سنه كده افوجئ بوالده بيكلمني علشان انزل معاه و نشوف العربيه الادا الي هيشتريها و بعد لما خلصنا فيها قلي ابقي علم صاحبك السواقه ........

ههههههههههههههههههههههههه ههههههههههههههه

**KHALED AYMAN** · 14-02-2009 02:25 PM

اخر اشتغاله سمعتها ان المازدا 3 شنطتها صغيره علشان العربيه جنوط سبور ......
طيب الى مش جنوط و طاسات شنطتها مش كبيره بقى ليه؟؟؟
الكلام ده من مندوب فى سونستا موتورز مستورد مازدا 3 .
الله اعلم جايز يكون الكلام ده صح بس يا ريت حد يفهمنى.

**jisso82** · 04-03-2009 04:48 PM

واحد صاحبى مالوش فى العربيات خالص كان معاه فلكس الخنفساء ، المهم كان عنده مشكلى راح للميكانيكى قعد يلعب فى العربية و فى الآخر خد مبلغ محترم على أساس إنه غير التربوء بتاع العربية ده حسب كلام صاحبى، حد يقوللى بقى ايه هو التربوء ده

**M_HaFeZ** · 04-03-2009 07:45 PM

معقوله مكانش اتفرج على اسماعليه رايح جاى :)

**velkouf** · 04-03-2009 10:07 PM

ههههههههههههههههههههههههه ههههههههههههه
الموضوع أكثر من رائع
مرة دخلت انا وواحد صاحبى شوب فى محطة بنزبن و سمعنا الحوار دة..
ان فية جهاز صينى نازل جديد بيخلى الهورس باور الضعف و الجهاز دة فية نوعين
1- زطاط طرى (دة للعربيات القديمة) 2- زطاط ناشف(ودة للعربيات الحديثة)
والجهاز دة بيركب جنب فلتر الهوا وبتحط لة زجاجة زيت ودى بقى على حسب السعة اللترية
زجاجة زيت اخضر للسيارات اقل من 1000 cc
زجاجة زيت اصفر للسيارات من 1001 الى 1600cc
زجاجة زيت احمر للسيارات من 1601 فما فوق
المهم احنا خرجنا من الشوب بعدما سمعنا الحوار دة و قعدنا نضحك هههههههه
وقلنا نشتغل الميكانيكى و نقولة تعرف تركب زطاط طرى فى العربية و نقعد نشرح لة الموضوع و طبعا الميكانيكى مفهمش اى حاجة و عمل عنتر و قالنا هات الجهاز وانا اقدر اركب اى حاجة تحب اقلبلك العربية دى توكتوك ههههههههههههههههههههههههه هههه
:POINTI~2[2]:

**drhima** · 11-03-2009 09:03 AM

على فكرة انا سعيد جدا بالمنتدى الجميل ده وخصوصا ان الناس اللى فيه كلها فاهمة ومش بتفتى واخدت منه بصراحة معلومات جميلة اما اللى لفت نظرى موضوع اختصار بى اموضحكنى بصراحة
للمعلومة هوه ده الاختصارBavarian Motor Works)

**essam275** · 11-03-2009 01:36 PM

المشاركة الأصلية كتبت بواسطة venus-doom

امبارح كنت مع واحد صاحبى و شوفنا ميتسوبيشى جالنت قالى بص يلا شوف( اللانسر ) الجالنت دى اقوله يبنى لانسر ده اسم طراز من ميتسوبيشى يقولى لا اسمها لانسر جالنت و فى منها لانسر باجيرو قلتله نشهد اى حد من اصحابنا قابلنا واحد صاحبنا بعد شويه قالى انت مش فاهم اللانسر هى الى ميتسوبيشى انما الجالنت و الباجيرو مفيهومش ميتسوبيشى و طلعونى غلطان و اعد يترياو عليا اكنى انا الى غلطان

.زى صاحبى اللى مصمم على الجولف البولوو مصمم انى مش بفهم مع انى كنت راكب بيتل

**essam275** · 11-03-2009 01:55 PM

المشاركة الأصلية كتبت بواسطة jisso82

واحد صاحبى مالوش فى العربيات خالص كان معاه فلكس الخنفساء ، المهم كان عنده مشكلى راح للميكانيكى قعد يلعب فى العربية و فى الآخر خد مبلغ محترم على أساس إنه غير التربوء بتاع العربية ده حسب كلام صاحبى، حد يقوللى بقى ايه هو التربوء ده

انا بقى الدنيا كلها اشتغلتنى لغاية ما بقيت انا الميكانيكى و الكهربائى حتى فى الاخر رشيتها دوكو بنفسى