انا أشتغلت فى مجال السياحة سنين طويلة وللاسف جمدت فلوسى كلها فى الدولارات والاسترلينى .. حال السياحة فى مصر نايم جدا جدا وبقالى اكتر من سنة بسبب ركود السياحة قاعد فى البيت وكل شوية افك من الدولارات عشان أصرف وأعيش منها وللاسف البنك لايعطى عليهم فوايد زى العملات بالجنيه المصرى ولكن العكس بياخد منى فلوس عشان الحساب يفضل شغال
انا مش عارف اعمل اى مصلحة بالفلوس دى عشان اشغلها ومحتاج دخل ومصاريف للبيت نصيحتكم أعمل أيه ولا أشغلهم أزاى ؟
اشتري خامه
استثمرها في شراء شقة وقم بتأجيرها مفروش
قيمة الشقة تزيد والعائد من الايجار يساعد في نفقات المعيشة
متابع
معلش سؤال المبلغ قد ايه بالظبط
حولهم مصري وروح اعمل شهادة بلاتينية 3 سنين ، الدولارات خسارة تبقي معاك كدا هتصرفهم حته حته
او شوف لو تشتري شقة بيهم وتأجرها
بس الاسهل و الاضمن " حاليا " حولهم مصري من اى صرافة واعملك شهادة ب 100 الف تطلعلك عائد حوالي 900 شهرياً لمدة 3 سنين ويبقي اديك بتصرف ومش بتقرب من الاصل
لكن انك تحول وتصرف انت كدا بتضيع اصل المبلغ اللي ممكن ميتكررش لاقدر الله
فك الله كربك وكرب كل المصريين .........موضوع الشقة كويس لان سعر العقار يتزايد مع زيادة التضخم عيبه مشاكل الايجار المفروش و عدم الانتظام شوية و من جهة اخرى الفائدة الان على الجنيه المصري 12% و يصرف العائد كل 3 شهور يعنى مائة الف جنيه تدر 1000 جنية شهريا بس عيب الموضوع هنا ان قيمة الجنية تتاكل مع الوقت و ربنا يوفقكاقتباس:
المشاركة الأصلية كتبت بواسطة hilal
اقتباس:
المشاركة الأصلية كتبت بواسطة ali ashraf
معلش سؤال الفائده 12% موجوده فين دى ؟ اللى اعرفه 10.5% ياريت تقولى فين النسبة دى
اسهل الحلول و اسرعهم و اضمنهم ... كما نصحوك الاخوه بالتحويل للمصرى و عمل شهادات بفائده ...
بكدا حتضمن دخل ثابت و اصل المبلغ كما هو ... افضل من السحب من اصل المبلغ بالدولار و مش حيتعوض ...
و لو تحسبها حتلاقى ان بعد مجموع الفوائد على رأس المال حتلاقى انها افضل ( او على الاقل مثله ) من صعود سعر الدولار مقابل الجم ...
تحياتى ...
لو اشتريت شقة هتفضل قاعد فى البيت
وجهة نظرى المتواضعة اشترى عربية ملاكى او سياحة
اهم حاجة يكون استهلاك البنزين كويس وشغلها مع السياحة لو رجعت
او شغلها مصريين انا شايف محل اقامتك جنوب سيناء يبقى مشوار طوالى ويجيب مبلغ معقول جدا وبتخصم استهلاك البنزين واستهلاك العربية وبيطلع مكسب كويس
اهم حاجة فى المشروع ده اللسان الحلو هتلافى كل الناس عايزاك انت
عموما انا من عندى للقاهرة المسافة 600 كيلو 3 افراد بيدفعوا 400 جنية
استهلاك البنزين فى حدود 100 الى 120 جنية استهلاك العربية من كاوتش وتيل وصيانات وتمن العربية اللى بيقل مع الوقت نقول 50 جنية بمعدل 750جنية فى الشهر هتوفرهم لو اشتغلت يوم ويوم
ونقول 30 جنية شاى للعطشانين فى الكماين
يبقى صافى ربح 200 جنية يوم شغل ويوم راحة
مع اعتبار انك بتحوش من تمن العربية الجديدة اللى هتشتريها وتبيع اللى معاك بأقل من سعرها
وطبعا شغل السياحة افضل كتير من المصريين
انا عندى فى البحر الاحمر واحد عمل مليون كيلو بتيوتا كورولا وباعها بمبلغ محترم ما شاء الله
وانا شايف انسب عربية اعتمادية وبقت فخمة تويوتا كورولا مانوال 160 الف افضل صفقة
وربنا يوفقك للى فية الخير
السلام عليكم توجد فائدة 12% بالجنية المصرى شهادات مدتها 3 سنوات و يصرف العائد كل 3 شهور كانت 11% من شهر و زادت الى 12% بعد البنك المركزى ما رفع نسبة الفايدة على الودائع بنك saibank و الخط الساخن للبنك 16668 وأعلان البنك في الصفحة الرئيسية الثانية لجريدة الاهرام بتاعة النهاردة , ربنا يو فقك و ابقى طمنى و اظن ان المصرف المتحد برضه 11 او 12%اقتباس:
المشاركة الأصلية كتبت بواسطة lolnk
السلام عليكم انا ارسلت لك رسالة لم تظهر اتصل على رقم 16668 لاو ده رقم بنك aibank و اعلانه نازل في اهرام النهاردة فائدة 12 % شهادة مدة 3 سنوات ويصرف العائد كل 3 شهور و ربنا يوفقكاقتباس:
المشاركة الأصلية كتبت بواسطة lolnk
باشا انا حبيت اتاكد من المعلومة دى الخط الساخن لسيتى بنك هو 16644 وليس 16668 تمام لما اتصلت بيهم قالى تروح الفرع علشان تعرف لانه مش عنده فكرةاقتباس:
المشاركة الأصلية كتبت بواسطة ali ashraf
بالنسبة للمصرف المتحد كلمتهم على 19200 اعتقد وقالولى اعلى نسبة للشهادات 10.5%
فياريت لو حضرتك متاكد من المعلومة الخاصة بسيتى بنك تقولنا يعنى
السلام عليكم مش سيتى بنك بنك اسمه saibank بينزل اعلانات في الصفحة الثانية الرئيسية بجريدة الاهرام و نازل في اهرام النهاردة ورقم الاتصال 16668 وممكن طبعا تحاول تجيب جريدة الاهرام بتاعة النهاردة و بالتوفيق ابقى طمنى بعد ما تقرأ الأعلان بتاع البنك في جريدة الأهرام
دخلت على موقع البنك بس المشكلة ان الرقم ده اصلا مش موجود فى الخدمة هههههههههههاقتباس:
المشاركة الأصلية كتبت بواسطة ali ashraf
يا جماعة أنا شاكر جدا لردودكم وتفاعلكم معايا ، وأنا والله فى حيرة كبيرة ليس بعدها حيرة وخصوصا أن كل فلوسى تعبت عشان احولها للدولار علشان كان عندى حلمين
الاول : أنى كنت عاوز اجيب عربية تويوتا مكروباص وأشغلها سياحة وهى بيبقى سعرها تسليم فى المنطقة الحرة حوالى 24 ألف دولار وخايف اجيبها دلوقتى ومعرفش أشغلها لان السياحة نايمة وهتحتاج سواق عليها معاه رخصة مهنية .. أنا بسوق بس ممعايش رخصة مهنية وشغال مرشد سياحى
الحلم التانى واللى خلانى أجمد الفلوس كلها عملات : هو انى كنت عاوز اشتغل بالتجارة وأستورد مولدات كهربا وموبيلات من الصين وللاسف بعد أخلاق الناس المتوحشة اللى أتغيرت من بعد الثورة السودا علينا وعلى السياحة بقيت خايف أتعامل مع الناس بسبب المكر والخبث والكذب اللى بقى فى الناس .
بصراحة أنا مش عارف أعمل أى حاجة وخايف أغامر أخسر كل شىء .
الحل الوحيد اللى جه فى دماغى هو أنى أشترى ميكروباص وأطلع رخصة مهنية وفى شرم الشيخ أجمع بعلاقاتى هناك أجانب من الفنادق أطلعهم سانت كاترين ، منها أبقى سواق الميكروباص ورجلى عليه عشان مايتهانش وأهو يخدمنى فى المواصلات والانتقالات ومنها انى أستخدم ترخيص الارشاد فى الشرح داخل الدير .. الحياة بقت صعبة جدا وأنا مش حمل أنى أجيب سواق وأجرله مكان وشقة وأدفعله مرتب وبدلات للاكل والشرب ..كل ما أقول أفك الفلوس اعمل بيها مصلحة وأحطها فى شهادات أستثمار أرجع لورا وألغى الفكرة خصوصا أنى تعبت فى تجميعها وتجميدها بالدولار والموضوع مش سهل أنه يتكرر تانى .. يارب ألاقى معاكم الحل للخروج من المشكلة دى لانى فعلا تعبت من التفكير ومن البحث عن فرصة أخرج بيها من الخنقة دى
انا مش خبير مالى ارجو مراجعه المعلومة في جريدة الاهرام عدد اليوم و الاعلان واضح زى الشمس :fun_36_3_4[1]:اقتباس:
المشاركة الأصلية كتبت بواسطة lolnk
اوكيه يا باشا وشكرا جدا للمعلومة دى وعيد سعيد عليك ان شاء اللهاقتباس:
المشاركة الأصلية كتبت بواسطة ali ashraf
انت بتفكر في ايه ! أتكل علي الله اشتري الميكروباص واشتغل بنفسك عليه واستفيد برخصة الارشاد ومتفكرش كتيراقتباس:
المشاركة الأصلية كتبت بواسطة jackson_75
السياحة هتقوم تاني ان شاء الله خلال اشهر قليلة تكون انت ظبطت حالك وفي اتم الاستعداد ليها
فلوسك في عربية بدل مانت تصرفهم كدا و طالما فاهم في حاجة مستني ايه ..
اسمع مني ولا تتردد وقيمة الفلوس في البنك بتقل في حين فلوسك في عربية تشغلها بتجيب فلوس افضل حل وهتبقي شغال حر يعني مدير حالك..
الله يباركلك ، كلامك جميلاقتباس:
المشاركة الأصلية كتبت بواسطة kemoztanta
تسمحلى اقولك رائىاقتباس:
المشاركة الأصلية كتبت بواسطة kemoztanta
حوار العربية ده انا شايفه فاشل وحتى رائى خالى ليه علشان
جبت العربية ب 24 الف دولار واقعدت تتشغل عليها سنة ولا سنتين تفتكر لما تيجى تبيعها هتبعها ب 24 الف دولار ولا اقل اكيد اقل شوف هتخسر فيها قد ايه والمبلغ اللى هتخسره فيها لو قسمته على الفترة اللى هى سنة او سنتين هتلاقيها اللى خسرته انت صرفته يعنى اكنك بتصرف من فلوسها ده غير تغير الزيت والبرنزين والصيانة ووجع الدماغ وتعبك
اسف على الكلام لاكن ده رائى الشخصى
دي مخاوف موجودة في كل حاجة ، حتي الفلوس في البنكاقتباس:
المشاركة الأصلية كتبت بواسطة lolnk
هل نص مليون جنية من 5 سنين يشتروا نفس الحاجة دلوقتي ! لا طبعا
لكن فكرة العمل نفسها مهمة وهو فاهم فلوسها جاية منين ، العربية هتغطي مصاريفها وهتخرج لها ربح كويس لايقل في راي عن 3 لالاف شهرياً.. دا غير العلاقات اللي هيكتسبها وعمره ماهيوصلها وفلوسة في البنك وهو قاعد في البيت..
نجيب ساويرس يوم مافتح موبينيل دفع اللي حيلته وكان بيتمني 10 لالاف مشترك وكان مرعوب من فكرة الموبايل تفشل في مصر امام الخط الارضي ... شوف كسب قد ايه حاليا
المخاطرة مطلوبة مع الدراسة الجيدة والحرص يبقي المكسب مضمون ان شاء الله
انا للامانة الموضوع دا خطير في جزئية تعرضة للتثبيت والعربية تتاخد في ظل الانفلات الامني في مناطق سيناء .. بس ارجع واقوله السياحة راجعة تاني والله ويكون جاهز لها من دلوقتي احسن مايفاجأ بيها ويلاقي اسعار تانية اعلي طبعا
كلامك جميل بس اعتقد انت ما حسبتش قيمة السيارة لما تيجى تتباع هل فلوسها زى ما هى اكيد هيخسر وصافى الربح فى النهاية يقابل مجهوده وتعبه وهيكون قليل انا بتكلم على صافى الربحاقتباس:
المشاركة الأصلية كتبت بواسطة kemoztanta
ثانيا دى عربية ماشية على طريق معرضة لاقدر الله لحوادث او تثبيت
لو جينا نبص للبنك وانا شايفه الاضمن طبعا
فلوسك دى كل شهر تدخللك 1750 جنية كل شهر وهتبقى نفس الفكرة بتاعت العربية ويمكن احسن اقولك ليه
الفوائد لو هتسبها فى البنك فلوسك محتفظه بقيمتها واعلى شوية
لو هتسحب الفوائد فلوسك هتقل على المدى الطويل وهيكون فى ربح بسيط بردوا فارق قيمة الجنية فى المده على المدى الطويل
يعنى من الاخر هى هى بس انا شايف البنك افضل فى حاجة انك قاعد فى البيت بدل البهدلة والتعب والمجهود هو ده الفرق
فانا شايف فلوسك تحطها فى البنك وكل شهر 1750 كويسين وعلى الاقل يبقى وفرت تعبك ومجهودك فى شغل تانى تزود بيه داخلك اى شغل على حسب تخصصك ومجالك
بص يا باشا صدقنى كلنا بنواجة نفس مشاكلك فكلنا مصابى السياحة
امتى سوف تعود وتستقر الاحوال اللة اعلم . تحول فلوسك بردة موش عارف ماذا سيحدث غدا
الميكروباص مشاكل ولو لاقدر اللة اى خبطة وطبعا سترخصة على شركة ومصاريف كل سنة وترخيص سياحة وطبعا ممنوع ركوب مصريين بة على فكرة انا كنت شريك فى ميكروباص
انا راى المتواضع لا تضع البيض كلة فى سلة واحدة بمعنى ضع مثلا نصف المبلغ فى البنك والباقى اقسمة على مشروعين شارك حد بحصة فى استيراد سلعة من الصين والجزء الباقى شارك مع اثنين على سيارة مثلا صالون وشغلها مصريين واجانب وبكدة قلل المخاطر
دة بصراحة الذى انا بافكر فية استيراد سلعة من الصين بجزا صغير
ربنا يوفقك ويكرمنا جميعا نعمل اية وقفة السياحة زلت ناس كتير
إما البنك او الميكروباص خطوة حلوة بس لازم تاخد خطوة مينفعش تقعد تسحب الفلوس كده وإبقى طمنا عملت اية
الله يرزقكم جميعا الخير والبركة فى اموالكم واولادكم أرائكم كلها على العين وعلى الرأس وباذن الله لو هيحصل جديد هبقى اقولكم ، دعواتكم جميعا بالخير