احلام مازداويه "Mazda 3"

**Khaled.awad** · 27-07-2014 08:27 AM

مساء الخير عليكم جميعا....

احب ابداء كلامي بالسلام السلام عليكم ورحمة الله و بركاته

احب اعرفكم بنفسي ..الاسم:خالد عوض و السن عايش بقالي كتير بس هما حوالي 21 سنه
و المهنه عاطل بدرس طب اسنان
احب اقول ان في ناس هنا بجد جدعان و حبتهم من غير ماعرفهم من مساعدتهم للناس

انا معايا عربيه مازدا 3 موديل 2008 طبعا حلمي من ايام اعدادي بالنسبالي كانت وهم و عربيه توهم

لحد مالاقيت واحده حلوه و بنت ناس 2008 و مشيا 79 الف كيلو بس و فبريكا
المهم... اشترتها و طلعت بيها مشوار واحد بس ..

تاني يوم كانت العربيه بتودعني مركونه عند الميكانيكي عليشان اظبطها راحت بنت الناس اوصل مشوار و اسبها ارجع الاقي واقع عليها بلكونه و و و و و اتصدمت دا كان قبل رمضان بيوم كانت الخساير (سقف،كبوت،رفرف شمال قدام ، بابين شمال،و فانوس شمال قدام)
المهم عدينا الصدمه بدائت افوقلها بقا

اشتريت حاجتها كانت اسعار الحاجات في الحرفيين ..
كبيوت استيراد بي 1500 جنيه و تيواني بي 450 جنيه
اشتريت بابين الي قدام جبتو بي 1500 و الي ورا ب 1000جنيه
فانوس الاستيراد الاتنين بي 1500 جنيه و التياواني ال 2 بي 900 جنيه.
رفرفين قدام الاستيراد بي 600جنيه الاتنين و التيواني كان ب 400 جنيه.
و السدريه جبتها بي 590 جنيه.

و جبت سقف فتحة استيراد مش فاكر سعرو والله
المهم و بقت عند السمكري حتي يومنا هذا لسا مخلصتش

بس كدا هي دي قصة حياتي و نقول الحمد لله علي كل حال...
بس الي خايف منو الميكانيكا عندي هتتبهدل من

الصنيعيه هنا مش عارف اعمل معاهم اي عليشان لما تيجي يتركب الموتور ميسيبوش حاجه متتعملش و ربنا يستر و لو حد عايذ يساعد يتفضل اصلي مفيش خبره عندي في الحديث و رمضان كريم عليكو كلكو

و عيد سعيد