كل سنه و حضراتكم بخير
باختصار بفكر اشتري عربيه ومحتار بين الفلوانس زيرو ٢٠١٥ الفئه e3 وفانتازيا كسر زيرو فى حدود ال ١٧٠٠٠٠
ولو حضراتكم فضلتم الفانتازيا ال ١٧٠ الف وفقا ونظرية الاحتمالات يجيبوا موديل آيه وفئة آيه ... شكرًا لحضراتكم
عرض للطباعة
كل سنه و حضراتكم بخير
باختصار بفكر اشتري عربيه ومحتار بين الفلوانس زيرو ٢٠١٥ الفئه e3 وفانتازيا كسر زيرو فى حدود ال ١٧٠٠٠٠
ولو حضراتكم فضلتم الفانتازيا ال ١٧٠ الف وفقا ونظرية الاحتمالات يجيبوا موديل آيه وفئة آيه ... شكرًا لحضراتكم
بالتأكيد الزيرو افضل .... لكن انتشار الفانتازيا اكثر
ممكن تزود شوية وتجيب كرولا الجديدة
فلوانس طبعا وشوف الكورولا والاسترا
طبعا انا لم اقتنى الفلوانس فلن استطع الحكم عليها لكن كفره الفلوانس من العربيات اللى بتعجبنى
لكن الفنتازيا عربيه مميزه ومبلغ ال 170 الف يجيبوا 2011 هاى لاين
فانتازيا طبعا
او هوندا سيفيك الجديدة
الفلوانس كويسة بردو بس لو زيرو بس اعمل حسابك ان مصاريف تشغيلها كتير
طيب هو توكيل هوندا أخباره أيه اليومين دول ؟
كويس الحمد لله بيسلم عليك:0002014a:
شوف الكورولا
كورولا
170000 يجيبوا فانتازيا 2011 او 2012 المهم تكون هاي لاين
عربيه تحفه فعلا
في عربيه فانتازيا خليجي هاي لاين فابريكه بالكامل أدامي واعتقد ممكن تخلص ١٧٠ الف رأيكم آيه يا رجاله
ماشية اد اية
حوالي ٥١٠٠٠ كم
المقارنة كده متمشيش
مينفعش تختار بين جديد ومستعمل
الاول حضرتك حدد جديد ولا مستعمل
لو مستعمل فانتازيا بدون نقاش
لو جديد كرولا وسيبك من الفليوانس
السيفيك ممتازة طبعا بس اغلي شوية وانتشار اقل
تحياتي
اللي اقصده ان المقارنة بين المستعمل والجديد مش سهلة
اي حد حيسالني شخصيا مش حعرف افيده
لان الجديد جديد والمستعمل زي البطيخة
فلو انت حددت من البداية حيكون الموضوع اسهل
لو انت ناوي تقسط مش حتفرق 170 من 190 كتيير
لو حتدفع كاش او مفيش امكانية خالص لزيادة المبلغ انا انصحك تفكر في لانسر شارك
الفليوانس مش وحشة لكن توكيلها مش كويس وقطع غيارها غالية واعلي من اللانسر
تحياتي
طيب خليني اسأل سؤالي بعد إذن حضراتكم بشكل تاني كل واحد من حضراتكم يتقمص هذا الدور .. انك رايح تشتري عربيه من معرض وإدامك عربيتين تختار بينهم فلوانس زيرو الفئه e3 وفانتازيا كسر زيرو بحاله كويسه اول فئه مثلا ٢٠١٢ او ٢٠١٣ ... ماذا سوف تختار
وبعدين انت محير نفسك ليه
عايز غربيه زيرو
هات الكروز سعر وقيمه افضل 3 او 4 مرات من الفلوينس
Sent from my SM-N900 using Forum Runner
يا جدعان احنا بنتكلم في يابانى و الماني و فرنساوي ايش دخل الكوري في الحوار
رايي المتواضع الفلوانس اثبتت كفائة بعكس باقي الرينو كلة و موتورها بتاع التيدا يعني اعتمادية اليابانى بس خد بالك من حاجتين ان عليها علامة رينو يعنى لازم توكيل في كل صيانة عشان الرينو بيعمل حركات قلة كتير في الكهربا بتاعتة الى صعب اي ميكانيكي يفهمها و دة يعنى مصاريف. تشغيل عالية و تاني حاجة انها تقفيل تركي يعنى وارد جدا تلاقي مشكلة في العزل او سخونة عند الدواسات و العزل الحرارى
الفانتازيا بردو اثبتت كفائة و مفيهاش مشاكل التكييف و الفتيس الى كانت فى ال اية 5 بس هتبقي مش زيرو و عربية افقر من الفلوانس كاوبشن بس يعوض دة انها المانى و بردو مصاريف تشغيل عالية نسبيا بس مش زي الفلوانس
الكورولا لا خلاف عليها من قوة سحب و تكييف و علو على الارض بس بردو كماليات اقل من الفلوانس بس مصاريف تشغيلها اقل ما يمكن و اعتماديتها اعلى ما يمكن بس بردو تقفيل تركي
السيفيك الجديدة نفس موتور و فتيس و شاسية الجيل الى قبلة و الى اثبت نفسة على مدار 7 سنين دة غير اننم عالجو فية مشكلة العلو عن الارض و مشكلة الفرامل و قواعد الموتور و علبة الدركسيون يعنى عربية من غير اي مشاكل جوهرية يعيبها بس انها بردو تقفيل تركي و خامتها الداخلية ارخص من الموديل الى قبلة
مازدا 3 عربية رائعة جدا عيبها ان الموتور و الفتيس قدام من الجيل الى قبل الى قبلة و الى ضعيف شوية انما كاعتمادية عربية هايلة جدا و اعلى من السيفيك يعيبها ايضا سعر اعادة البيع بتاعها
الموضوع محيير فعلا الله يكون في عونك
هقولك حاجة حلوة حاول تجرب كل واحدة فيهم و تتفرج عليها و تكتب ملاحظاتك بنفسك عنها انت راجل ركيب و شكلك صاحب مزاج اكيد لما تجرب العربية هتهرشها على طول
ليا زميل فى العمل كان معاه كروز وباعها بعد ماغيرلها فتيس وانا سمعت المشكلة دى حصلت في كذا عربيه كروز
وانا تجربتي مع الألنترا ٢٠١٠ برضه ماكنتش مرضيه ... فقررت ابعد عن الكوري وخصوصا ان الياباني والألماني موجودين ... قد أكون مخطأ وربنا يبارك لكل إنسان فيما يملك ويعتقد
المقارنه صعبه شويه بس انا شايف ان مبلغ 170000 كتير انك تدفعه فى عربية مستعملة ممكن تذود شويه و تجيب زيرو احسن
الفلونس عربية جميلة و ابشن حلو بس مشاكلها باختصار ان تكلفه تشغيلها غالية و اعاده البيع بتخسر كتير ومش اى حد بيشتغل فيها بعد الضمان طبعا
التويتا جميله وحلوة احسن من الفلونس و فلوسها فيها مش بتخسر فى البيع ومليانه اوبشن
ولو مصمم على السكودا يبقى تشترى الجديدة فئه اولى مثلا ب 190 .... تركبها من الزيرو
الزيرو برضه زيرو وانت هاتدفع مبلغ كبير مش قيل
تحياتى وكل عام و انتم بخير جميعا
بالمناسبة أنا في نفس الحيرة دي بقالي شهرين تقريبآ
لإني بالعافية قدرت أدبر مبلغ الـ 170 ألف وبحاول أدور على عربية بنت أصول وبعيدة عن المشاكل وتوكيل محترم .... ولقيت نفسي في نفس الحيرة دي ومن موقع لموقع لقيتني غرقان بين صفحات نايل موتورز ومن كتر حبي في الموقع والمعلومات إيلي لقيتها هنا وتفاعل الأعضاء المحترمين اوووي هنا إشتركت في الموقع وبقيت عضو فيه علشان أشارك مع الجميع الرأي ..
الله يكون في عون كل واحد بيدور على عربية جديدة ( وأنا أولهم )
وكل عيد وحضراتكم طيبين
انا مشترك معاكن في نفس الحيره من شهر واللي مصعب الموضوع اني راكب اوكتافيا a4 ودي من العربيات اللي لما تنزل منها متعرفش تركب ايه وجمعت 170 الف بس ممكن ازود بالعافيه 10 كمان
بس انا اخذت قرار اني حشتري فانتازيا 2013 بتاعة واحد زميلي في الشغل 40 الف كم اول فئه
ولو مش حيبيعهالي ودي المفاجئه اني حشتري سيراتو 2015 زيرو الفئه قبل الاخيره
مفيش حاجة اسمها نازل من وتركب سيراتو
معلش اوكتافيا a4 دي عربية سيئة جدا
ضيقة وتقيلة وخشنة مفيهاش غير ثبات و صاج والباقي ترلة
السيراتو طبعا انضف منها بمراحل!
ثانيا لو العربية ببلد التقفيل فاكتر من ٩٠% من العربيات اللي قولتوها غلط !
Sent from my SM-C115 using Forum Runner
بلد التقفيل حاجة وبلد المنشأ و المكونات حاجة تانية خالص.
Sent from my SM-C115 using Forum Runner
بس من السوق ومش مضمون وبعدين الفنتازيا الهاي لاين 2013 بيتكلمو في 200 الف والهبل ده ومش مضمون
انا الفنتازيا اللي بفكر فيها اساسا متردد فيها عامله 45 الف كم وحتبقي عايزه صيانة ال60 الف وكاوتش يعني حتصرف عليها 8000 جنيه وهي ب 170 الف يعني وصلت لل 180 الف تقريبا وحتتطلع بره الضمان قريب ﻷن اعتقد ضمانها سنتين فأنا بقول بالمبلغ ده اركب سيراتو 2015 ضمان 5 سنين خاصة اني بعمل 15 الف كم في السنه
اسمحلى لا وجه للمقارنه لل a4 معA7 الجديده ...
ال A7 شكل خارجى و داخلى اجدد و افضل من وجهه نظرى من الفانتازيا الى هى افضل من ال A4 ... بالاضافه للموتور المجدد ال 110 حصان ... يعنى عربيه تانيه مختلفه كليا ... و ممكن مع الوقت تغير لها جنوط سبور ...
تحياتى ...
يا جماعه معروض عليه اوكتفيا 2012 اول فئه اوتوماتك عمله 4000 كيلو ب 176 الف حد يقولى ده سعرها ولا لا حد يرد بليييييييييييييييييييز