نداء هام الى كل الآباء

**OmarAdel98** · 29-07-2014 01:31 AM

السلام عليكم
كل عام و انتم بخير
اكيد حضراتكم مستغربين من عنوان الموضوع
و لكن الموضوع شديد الأهمية
ندخل في الموضوع
انا الانهاردة اول ايام عيد الفطر المبارك خرجت مع اصدقائي روحت قلعة القايتباي و المنشية و راس التين
و ياريتني ما روحت بسبب اللي شوفتة من الانفلات الاخلاقي للبنات في اللبس تقريبا حسيت اني مش في مصر اني في
لبنان يعني فعلا هما دول الكاسيات العاريات
دة غير انهم كانوا مشغلين اغاني الاقي البنات ينزلوا يرقصوا وسط الشباب عادي وانا صور صورتهم بس مش هنزلهم علشان الفضيحة و لكن كان هناك بنات بسم الله ماشاء الله عليهم مختمرات و فرحت اما شوفتهم
و الكبيرة بقى
كانوا مأجرين مكن
اما بالنسبة للشباب فحدث و لا حرج بالنسبة للاخلاق الزبالة اللي بقووا فيها صراحة انا رجعت متنكد
و ياريت اللي عندة بنت يفهمها من صغرها ان كدة عيب و غلط مش لما تبقى 16 سنة ولا حاجة
و كذلك الصبيان
و انا المديرة بتاعت مدرستي قالت كلمة مش قادر انساها
البنات زي الاكل الاكل العاري الكل بيقرف منة علشان الحشرات و القرف دة لكن الاكل المتغطي الكل يفضلة و يعشق طعمة
و دة مجرد مثل على كلامي

انا طولت عليكم بس معلش بقى
سلام عليكم

**Mohamed Saber** · 29-07-2014 03:44 AM

وعليكم السلام:
تحس كده ان فى حاجه غريبه زى ما يكون شاربين حاجه وكل واحد بيعمل اللى هو عاوزه ومفيش ادب ولا احترام ،ده غير كمان الاهمال الرهيييييب من الاهالى فى التربيه ،
هحكى موقف شفته بعينى: بنت ماشيه جنب مامتها قدام محل لبس الام بتقول لبنتها مش ده البنطلون الضيق اللى انتى كنت عاوزاه تروح البنت ترد تقول ايه لأ يا ماما انا عايزه اللى اضيق منه (كنت عايز احدفهم بطوبه)

**mk3** · 29-07-2014 03:54 AM

احييك على عنوان موضوعك الى الاباء
بجد هما فين الاباء اللى بيقروا موضوعك او بيسمعوا الكلام ده من اى حته
هل الاباء دول فعلا هما الديوث ؟

**elpasha1** · 29-07-2014 04:01 AM

ارحمنا يارب

**mahmoud_ali** · 29-07-2014 04:41 AM

موضوع فعلا مهم واحنا محتاجين ثورة فى الاخلاق والبنات بقت حاجه مقرفه ولكن انا ليا تحفظ على انك جمعت كل البنات اللى عندهم انفلات اخلاقى فى دولة لبنان فقط وده غلط لان كل بلد فيها الكويس وفيها الوحش والتعميم عموما غلط. وكل سنه وانت طيب انا بس حبيت اقولك الملحوظه الصغيره دى علشان انت اخويا الصغير

**OmarAdel98** · 29-07-2014 06:14 AM

المشاركة الأصلية كتبت بواسطة mohamed saber

وعليكم السلام:
تحس كده ان فى حاجه غريبه زى ما يكون شاربين حاجه وكل واحد بيعمل اللى هو عاوزه ومفيش ادب ولا احترام ،ده غير كمان الاهمال الرهيييييب من الاهالى فى التربيه ،
هحكى موقف شفته بعينى: بنت ماشيه جنب مامتها قدام محل لبس الام بتقول لبنتها مش ده البنطلون الضيق اللى انتى كنت عاوزاه تروح البنت ترد تقول ايه لأ يا ماما انا عايزه اللى اضيق منه :copy of majd(4):(كنت عايز احدفهم بطوبه)

ايوة صح تحس انهم سكرانين و بيعملوا اللي هما عاوزينة من غير احم ولا دستورو بعدين متلومش البنت دية تلوم امها

**OmarAdel98** · 29-07-2014 06:16 AM

المشاركة الأصلية كتبت بواسطة mk3

احييك على عنوان موضوعك الى الاباء
بجد هما فين الاباء اللى بيقروا موضوعك او بيسمعوا الكلام ده من اى حته
هل الاباء دول فعلا هما الديوث ؟

الله وحدة اعلم

**OmarAdel98** · 29-07-2014 06:19 AM

المشاركة الأصلية كتبت بواسطة mahmoud_ali

موضوع فعلا مهم واحنا محتاجين ثورة فى الاخلاق والبنات بقت حاجه مقرفه ولكن انا ليا تحفظ على انك جمعت كل البنات اللى عندهم انفلات اخلاقى فى دولة لبنان فقط وده غلط لان كل بلد فيها الكويس وفيها الوحش والتعميم عموما غلط. وكل سنه وانت طيب انا بس حبيت اقولك الملحوظه الصغيره دى علشان انت اخويا الصغير

و الله انا مقصدش ان لبنان البنات هناك و حشين او او او او
و لكن لبنان فيها نسبة كبيرة منهم كدة و دية حقيقة
و دة مش معناة ان كلهم وحشين
بس و كل سنة و حضرتك طيب

**OmarAdel98** · 29-07-2014 06:27 AM

انا نفسي نرجع زي زمان بالنسبة للبس البنات مكنوش محجبات اة بس كان في حياء في اللبس مش بيحطوا على قورتهم سلسلة و نص شعرهم طالع زي دلوقتي

و الشباب يرجعوا بنفس شهامة و احترام و اخلاق زمان