الموضوع: يا جماعه سؤالين بخصوص فتيس مانويل اوبل فيكترا

كل عام وانتم بخيير
ليا سؤالين من فضلكم
السؤال الاول ...هو فتيس الاوبل فيكترا a ,b1.b2المانويل هو فتيس الدايو لانوس يعني انا لو معايا فيكترا 2000 سي سي يركب عليها فتيس لانوس 1500 سي سي عادي وهيدي نفس الكفائه دي نقطه او سؤال.....
النقطه التانيه او السؤال التاني ....
انا بصراحه معايا عربيه زي الفل زيرو من تحت العربيه ومش فيها خدش من تحت او دواخل العربيه وعربيه للعمر صحيح بس فيها مشكله الفتيس هتموتني .انا شاري العربيه دي من ابن عمي والتالت كان بينطر وبيزعق المهم اول مره راح لميكانيكي فك الفتيس
وراح لمتخصص فتيسات عمل حاجه اسمها كبس غويشه وركبنا الفتيس والتات ماعدش بيزعق بس بعد فتره الالتالت والرابع بيمورو بيبقو من غير اي نقله المهم فكينا الفتيس تاني ورجعنا للراجل بتاع الفتيسات غير الغويشه بتاعت التالت والرابع وركبنا الفتيس كلو تمام ....
المهم بعد كام يوم تأتي الصاعقه والكارثه بلاقي زيت نازل من الفتيس وحطيتت خشبه بيضه علشان اعرف زيت ايه لاقيته لونه اخضر عرفت انه بتاع فتيس المهم فكينا الفتيس تاني وغيرنا اولسيه الفتيس الدخلي لانه كان متاكل بس الي لاحظته ان الاولسيه الي مغيره القديم كان حديد علي جلد والي جه كان لونه بني كده الجديد المهم غيرته والزيت ماعدش بينزل بس بينقط بعد كل مشوار نقطه او اتمنين بس مش عارف طبعا وانا ماشي بينزل زيت ولا لا
المهم غيرت الميكانيكي خالص لاني اتشليت خالص المهم غسلنا العربيه من تحت وغير اولسيه الكوبلن بس الفتيس لسه بينقط علي خفيف
فا ركنت العربيه قلت اخلص رمضان والعيد واكمل المعركه دي المهم الميكانيكي قلي هنعمل شانبر تقريبا للفتيس للبؤ الي ماسك بين الماتور والفتيس وانا بفكر في الموضوع اني صحيح هعمل جوان وهكتم الزيت والزيت هيخرج من قلب الفتيس والتروس وهيبقي في الحله بتاعت الفتيس وهيخش علي الدسك والاسطوانه بصراحه انا تايه في حوار متخلف وابن عمي الي خدت منه العربيه لو كنت خدت منه الي صرفه وكملت وجيبت فتيس استيراد كان هيبقي اهون من حرقت الدم دي وكل مره 4 كيلو زيت فتيس ب70 جنيه و120 فك وتركيب اتهاريت يا جماعه اغيثوني وانا بصراحه مستحرم اغير فتيس بعد المصاريف دي كلها لو في حل انما لو علي فتيس دايو ب650 جنيه واشتري دماغي يبقي في داهيه بس تبقي كارثه لو الي اشتريه ينزل زيت او مشكله تانيه تطلع ونقطه اخيره بعد ساعه مثلا سفر احس ان الفتيس اول والتاني والتالت بيعضو ورخمين في النقل بس اعتقد ده من قلت الزيت في الفتيس
فا رأيكم ايه يا جماعه في الي انا فيه ده اشتري فتيس وعصايه فتيس وخلاص ولا اعمل ايه وشكرا واسف علي الاطاله

انا اسف على التأخير ظروف شغل و الله
ايوه انت كده فهمت الاتجاهات صح و فى واحد جنبه بتاع قطع غيار جديده و عموما انا منصحكش اوى ف بنها عشان غاليين او نصابين الا لو صابر بعتك لحد ثقه بس بصراحه انا لو ملاقتش ف بنها بروح الحرفيين بالذات لو حاجه تقيله
و ده رقم صابر 01012073097 هو بيريح يوم الجمعه بس عشان بينزل الحرفيين
و من غير دعا ولا حاجه احنا كلنا اخوات يا ريس